Manome tolotra fandikan-teny mifandraika amin'ny iraka atao ho an'ireo mpiara-miasa sy ny fikambanana mitovy hevitra aminy ny Global Voices.

Afaka mitantana ny tetikasanao momba ny fandikan-teny izahay, Hatramin'ny komandy tokana ka hatramin'ny asa maro karazana sy amin'ny fiteny maro izay mitaky fanomezana haingana ny asa nadika. Manaja fatratra ny iraka ataonay ny ekipanay mpahay teknolojia sy ireo mpandikateny mahalala kolontsaina ary afaka mamokatra fandikan-teny manokana amin'ny lohahevitra maro isan-karazany. Miara-miasa aminay ao amin'ny Lingua, izay mandika ny lahatsoratra Global Voices amin'ny fiteny maherin'ny 40 ny ankamaroan'ny mpandika teninay.

Fandikan-teny mahomby, marina ary ao an-toerana

Mifantoka amin'ny foto-kevitra “varotra ara-drariny” amin'ny famolavolana ny fifanarahanay izahay. Manome karama ho an'ny mpandika teninay amin'ny sarany sahaza izahay ary mampihena araka izay azo atao ny fandaniana amin'ny fitantanana. Mifantoka amin'ny sehatra mila fandikan-teny manokana mifandraika amin'ny iraka fototra ataon'ny Global Voices izahay.

 

Ankoatra ny fanampiana anao amin'ny fanomezana fandikan-teny mahafa-po ho an'ny fikambanana misy anao, manampy ny fiarahamonin'ny mpandika teninay hiroborobo ny fanomezana tolotra fandikan-teny ho anao, manome azy ireo hirika hiasana sy handray anjara amin'ny fampahalalana miangona eo amin'ny sehatray amin'ny fiteny samihafa.

Mpanjifa sy ny mpiaramiasa

Ireo mpanjifa sy mpiara-miasa aminay amin'izao fotoana izao dia: WITNESS, Media Legal Defence Initiative, ny Web We Want, Web Foundation, Refugees United, MIT Media Lab, ny Komity Miaro ny Mpanao Gazety ary ny International Press Institute. Nandika ny zava-drehetra miainga amin'ny dikan-tsoratra ho an'ny lahatsary momba ny zon'olombelona, hatramin'ny hetsika fiarovana, ary ny fitaovana ara-pitsarana manohana ny fiarovana ny mpanao gazety sy ireo mpikatroka eo ambany fandrahonana izahay.

Ny fiteninay

Midadasika sy samihafa ny vondrom-piarahamoninay, ka afaka manampy anao amin'ireo fiteny lehibe sy ireo fiteny tsy dia fantatra izahay. anisan'izany fa tsy voafetra amin'ireo ihany… ny teny Arabo, Catalan, Sinoa, Holandey, Anglisy, Frantsay, Alemà, Grika, Hongroa, Italiana, Japoney, Makedoniana, Pôrtiogey, Rosiana, Espaniôla, Swahili, Tiorka, Ordò, ary ireo tenim-paritra mifandraika amin'izany.

Mifandraisa aminay

Ampiasao ny endrika etsy ambany raha hifandray amin'ny Mpitantana ny Tetikasa Fandikan-teninay, Marianna Breytman sy mila fanazavana fanampiny na hilaza momba ny tetikasanao. Aza misalasala manontany momba ireo fiteny izay tsy voalaza etsy ambony, fa hiezaka mafy izahay hanampy anao amin'ny filàna fandikan-teny, na inona na inona izany!
[gravityform id=”2″ title=”false” description=”false”]