Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Taratasim-pifandraisan'ny mpandika: Mpiteny teratany, mpandikateny sy zavatra maro hafa!

(Fanamarihana: lahatsoratra anglisy nivoaka tamin'ny Desambra 2015)
gvlogo

Mirary Alatsinainy finaritra ry GV'ers! 

Arahaba ary tongasoa ato anatin'ny taratasim-pifandraisana farany ho an'ny mpandika… ho an'ny taona 2015! Manantena aho fa samy nahafinaritra daholo ny fialantsasatrareo ary vonona ianareo ny hipetraka hianatra zavatra misimisy kokoa momba ny …

Mpiteny teratany

Screenshot taken from blogs.transparent.com

Pikantsary nalaina avy tao amin'ny  blogs.transparent.com

Amin'ny maha-mpiteny teratany anareo, efa mba nisy ve fotoana nanontanian'ny olona anareo ny antony maha-marina ny fehezanteny iray nefa tsy hainareo ny nanazava azy? Fa dia fantatrareo fotsiny! Miditra lalina anatin'io lohahevitra io ny Transparent Language ao anaty lahatsoratra iray am-bilaogy mitondra ny lohateny hoe “Ampianaro aho! Moa tsy mpiteny teratany va anao?” (amin'ny fiteny anglisy) mba hiresahana momba ny antony mahatonga ireo mpiteny teratany ho tsy ny mpampianatra lafatra indrindra amin'ny fiteny iray, eny fa na toa mahay tsara ilay izy aza ry zareo. Topazo maso ka lazao anay izay hevitrao momba izany!

Mpandikateny ho an'ireo mpialokaloka

Screenshot taken from www.opensocietfoundations.org

Pikantsary nalaina tao amin'ny www.opensocietfoundations.org

Ao anatin'ireny fotoana tena manahirana mifamatotra amin'ny olan'ireo Siriàna mpialokaloka ireny, iray amin'ireo tolotra tena manandanja indrindra afaka omena ireo olona mandositra ny ady sy ireo loza ny mahita endrika mahazatra na mandre fiteny iray mahazatra. Tanaty lahatsoratra iray mitondra ny lohateny hoe “Manao izay hahazoana antoka fa tsy misy na iray aza ho very ao anaty fandikàna” (amin'ny fiteny anglisy), resahan'ny Open Society Foundations ny momba ireo tolotra fandikana teny tohanan-dry zareo ary zarainy ireo fitantaràna avy amin'ireo mpialokaloka sy mpandikateny.

Loza mitatao ho an'ny fiteny ve ny aterineto?

Screenshot taken from bigthink.com

Pikantsary nalaina tao amin'ny bigthink.com

“Araka ny fandalinana iray vao haingana nataon'i András Kornai, matematisiànina sady mpahay momba ny teny, latsaky ny 5 isanjato amin'ny fiteny erantany no hikisaka mankany amin'ny endrika nomerika ary mandray anjara amin'ny fanjavonan'ireo 95% ambiny hafa ny aterineto.”

Toa mampahatahotra, sa tsy izany? Hazavain'ny Big Think ny fomba ilàn'ireo fiteny mahavita mivelona anaty nomerika mba hahafahany ho velona mandritra ireo taona maro hoavy, saingy marobe amin'izy ireny no efa maty sahady. Dia inona no hitranga avy eo? Potsiro eto hahalalàna misimisy kokoa!

Ny fomba ibaikoan'ny fiteny ny fihetsehampo?

Screenshot taken from www.theatlantic.com

Pikantsary nalaina tao amin'ny www.theatlantic.com

Ao anatin'ity antsafa niarahana tamin'i Tiffany Watt Smith, mpahay tantara ara-kolontsaina, mpanoratra ny boky “Ny Bokin'ny Fihetsehampon'Olombelona”, resahan'ny Atlantic ny fiantraikan'ny fiteny amin'ireo zavatra tsapantsika ary apetrany ny fanontaniana hoe, “Tsy dia mahery loatra ve ny fahatsapanao zavatra raha tsy manana teny ho entina manambara izany ianao? Vakio lavidavitra kokoa mba hahafantaranao azy!

—————

Toy ny mahazatra, misaotra anareo amin'ny asa mafy sy ny fanokanantena omenareo ho an'ny GV!

Mirary ho anareo rehetra Taona iray vaovao mahafinaritra & manatena ny hanohy ny asantsika miaraka amin'ny taona 2016!

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.