Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tongasoa eto amin'ny Global Voices i Connie Moon Sehat

(Lahatsoratra nivoaka tamin'ny taona 2016)

Connie Moon Sehat

Ry namana GVers,

Faly aho mampahafantatra an'i Connie Moon Sehat, talen'ny tetikasa vaovao ho an'ny tetikasa News Frames!

Manana fahaizana tsy dia mahazatra sy hafa i Connie, ary tokony ho fameno lehibe ho an'ny fiarahamonintsika. PhD momba ny tantara izy, ary mpandriafitra rindrambaiko sy arshitekta” tobin-tahiry tsy mitady tombontsoa ara-bola izay nandany ny ankamaroam-piainany tamin'ny asa maha-olombelona nomerika. Avy ao amin'ny Foibe Carter izy, izay tale mpiara-miasa amin'ny Fandaharana ho an'ny Demaokrasia, ary namolavola ny Open ELMO Initiative, sehatra tovozona malalaka ho an'ny fifidianana sy ny fanarahamaso ny zon'olombelona. Izy koa no mpiara-mitantana ny Zotero, rindrambaiko fanomezana fanamarihana sy toro-boky noforonina ho an'ny Foiben-Tantara sy ny Media Vaovao tao amin'ny Oniversite George Mason. Miteny Anglisy, Alemana, Frantsay ary Koreanina kely i Connie.

Manomboka amin'ity herinandro ity i Connie, ary tena liana amin'ny firesahana amin'ireo mpikambana ao amin'ny vondrom-piarahamonin'ny GV mikasika ny asa, ny traikefa momba ny famoronana tantara, ny olana sy ny filàna ara-teknolojika, ary ny faniriana.

Ho fampahatsiahivana anao, ny tetikasa NewsFrames dia hamorona fitaovana nomerika sy dingana famoahana hanaovana fandalinana haingana ny endrika sy ny fironana media antserasera eo amin'ny tsenan'ny fampitam-baovao manerantany, ary mitarika fikarohana momba ny resadresaka, ny vaovao ary ny mediam-bahoaka manerantany. Ny tanjonay dia ny hamoaka famintinana ireo tantara malaza, lehibe sy zara raha notaterina isaky ny firenena sy lohahevitra, ary koa ireo tantara mifototra amin'ny angon-drakitra sy ny olana mivaingana izay azo avy amin'ny fikarohana.

Raha mandroso ny NewsFrames, dia hitady mpikambana ao amin'ny vondrom-piarahamonina liana amin'ny fiaraha-miasa momba ny hevitra, ny rafitra ary ny fanandramana ny fifamoivoizan'ny asa famoahana, ary amin'ny farany, amin'ny sehatra izay hatsangantsika miaraka amin'ny Center for Civic Media an'ny MIT Media Lab, izay misy an'i Ethan Zuckermanmpiara-nanorina ny GV.

Faly izahay manana ireo mpikambana ao amin'ny vondrom-piarahamonina GV sy ny hafa liana amin'ny fiaraha-miasa aminay ary mizara ny traikefany sy mandray anjara amin'ny fampandrosoana. Raha liana ianao, dia manehò hevitra eto amin'ity lahatsoratra [teny anglisy] ity azafady, na manorata mivantana any amin'i Connie ao amin'ny pejin'ny mpanoratra.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.