Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Translator Newsletter: Fitarihana ALTA, Fiteny Manerantany sy maro hafa!

GVlingua

Miarahaba!

Tongasoa eto amin'ity fizarana taratasim-baovaon'ny mpandikateny amin'ity herinandro ity indray! Androany isika dia hiresaka momba ny…

Fitarihana ny mpandika teny ALTA eo am-pisandratana

Screenshot taken from http://literarytranslators.org/

Pikantsary avy amin'ny http://literarytranslators.org/

Roa taona misesy izao, manaiky mandray fangatahana programa fitarihana ho an'ireo mpandika teny vao misondrotra avy amin'ny teny frantsay, poloney, rosiana, ary ny fiteny Singapaoreana mankany amin'ny teny Anglisy ny ALTA na Fikambanan'ny Amerikana Mpandika Teny Literera. Araka ny voalazan'ny ALTA, “Ny Programa Fitarihan'ny ALTA dia natao hanamora sy hametrahana fifandraisana akaiky arak'asa eo amin'ny mpandika teny efa za-draharaha sy ny mpandika teny vao misondrotra amin'ny tetikasa nofantenan'ny mpandika teny vao misondrotra.”Misorata anarana ato ary mariho fa amin'ny 15 Mey 2016 ny fe-potoana farany!

Fandikan-teny ao amin'ny tontolo novelarina manerantany

Screenshot taken from http://www.translatorsfamily.com/

Pikantsary nalaina tao amin'ny http://www.translatorsfamily.com/

Ao amin'ny tontolo novelarina manerantany amin'izao fotoana izao ahitana mailaka, fitsidihana haingana sy ny fifandraisana tsy tapaka, mora ny mahita fa lasa mifanakaiky kokoa sy lasa marokolontsaina kokoa ny olona rehetra sy ny zava-drehetra. Midika ve izany fa mihena ny filàna fandikan-teny? Tsy izany velively! Ny olona mahafinaritra ao amin'ny Translators Family dia milaza amintsika hoe nahoana ary ahoana no zava-dehibe tsy mbola nisy toy izany ny anjara andraikitsika amin'ny maha mpandika teny. Vakio ato izany!

Mampihatra ny haivarotra amin'ny maha mpandika teny mahaleotena

Screenshot taken from https://thoughtsontranslation.com

Pikantsary nalaina tao amin'ny https://thoughtsontranslation.com

Rehefa mampitombo ny asantsika amin'ny maha-mpandika teny isika, dia matetika manontany tena hoe firy ny fotoana tokony laniana amin'ny haivarotra. Corinne McKay manana ny valiny amin'ity fanontaniana ity ary valiny bebe kokoa ao amin'ny bilaoginy, Thoughts on Translation. Jereo ny lahatsoratra fohy sy ny ankamaroan'ireo toro-heviny ho an'ireo mpandika teny vao misondrotra sy efa za-draharaha. Loharano tena tsara ny bilaoginy!

Nahoana no tsy ho tontosa mihitsy ny fiteny iray manerana izao tontolo izao?

Screenshot taken from http://motherboard.vice.com/

Pikantsary nalaina tao amin'ny http://motherboard.vice.com/

Miaraka amin'ny lohahevitra fanatontoloana, manontany tena matetika ny olona raha indray andro any, hisy indray ny fananganana ara-panoharana ny tilikambon'i Babela, ka ho iray sisa ny fiteny ampiasain'ny rehetra indray andro any. Jason Koebler nanoratra lahatsoratra mahafinaritra ho an'ny Motherboard, miresaka momba ny antony tsy hitrangan'izany. Jereo ato ary lazao anay izay eritreritrareo!

—————

Toy ny mahazatra, misaotra anareo rehetra noho ny asa mafy ataonareo sy ny fanoloran-tenanareo ho an'ny GV! Raha manana fanontaniana, fanehoan-kevitra na hevitra ianao, dia aza misalasala mandefa mailaka aty amiko ao amin'ny marianna@globalvoices.org.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.