Miarahaba ny mpikambama ato amin'ny GV!

Tongasoa indray amin'ity fizarana Translator Newsletter amin'ity herinandro ity! Androany isika dia hiresaka momba ny…

Ny tsara sy ny ratsy amin'ny maha mpandika teny mahaleotena

Pikantsary nalaina tao amin'ny atasavvynewcomer.org

Satria maro amintsika no mahaleotena, dia fantantsika fa maro amin'ny fotoana no feno na tsy misy mihitsy. Nanoratra ity lahatsoratra ity ny Fikambanan'ny Mpandika teny Delaware Valley mba hiresaka momba ny fomba ahafahanao miatrika ireo fivadibadihana sy ny sangodina amin'ny fanaovana fandikan-teny mahaleotena, manomboka amin'ny fomba famarotana ny tenanao mandritra ny fotoana malalaka anananao ka hatramin'ny fanaovana lisitra “indray  andro”. Vakio ary zarao ny sasany amin'ireo paikadinao manokana!

Fitantanana tetikasa fandikan-teny

Pikantsary nalaina tao amin'ny www.translatorsfamily.com

Efa nihevitra momba ireo dingana rehetra hahazoana fandikan-teny avy amin'ny mpanjifa hatramin'ny mpandika teny sy ny miverina ve ianao? Antsoina hoe mpitatana tetikasa fandikan-teny ny olona mikarakara izany rehetra izany ary tena zava-dehibe ho an'ny orinasa lehibe momba ny fandikan-teny izy ireo! Nanoratra ity lahatsoratra ity ny Fianakaviamben'ny Mpandika Teny mba hilaza aminao bebe kokoa momba ny fisafidianana ity asa ity ho an'ireo liana.

Translating for Cervantes

Pikantsary nalaina tao amin'ny translationista.net

Araka ny filazan'ny TRANSLATIONiSTA, “Homarihana amin'ny 22 Aprily 2016 ny tsingerintaona faha-400 nahafatesan'i Cervantes. Mba hanamarihana izany, manangona fandikan-teny amin'ity fehezan-teny manaraka avy amin'ny sasin-tenin'ny Novelas ejemplares an'i Cervantes ity ny Ivon-toerana Hispanika ao amin'ny Oniversiten'i Kolombia:

[Y]o soy el primero que he novelado en lengua castellana, que las muchas novelas que en ella andan impresas todas son traducidas de lenguas estranjeras, y éstas son mías propias, no imitadas ni hurtadas: mi ingenio las engendró, y las parió mi pluma, y van creciendo en los brazos de la estampa.

Alefaso ato hatramin'ny 29 Martsa 2016 ny fandikan-teninao.

Mpandika teny madinika

Pikantsary nalaina tao amin'ny thoughtsontranslation.com

Fantatsika rehetra fa manana tsena ny fandikana ny teny Espaniola, Frantsay sy Alemà. Saingy ahoana ny amin'ny Tagalog na Icelandic? Ahoana no hametrahanao sehatra ho an'ny tenanao ao amin'ny indostrian'ny fandikan-teny raha toa ka tsy manana mpihaino betsaka ny fiteninao? Vakio raha te-ahafantatra izay azonao atao!

Sary sy soratra fandikan-teny

Inona no fomba tsara hanombohana ny herinandro raha tsy amin'ny tsikitsiky kely?

Pikantsary nalaina tao amin'ny Facebook

—————

Toy ny mahazatra, misaotra anareo rehetra noho ny asa mafy ataonareo sy ny fanoloran-tenanareo ho an'ny GV! Raha manana fanontaniana, fanehoan-kevitra na hevitra ianao, dia aza misalasala mandefa mailaka aty amiko ao amin'ny marianna@globalvoices.org.