(Lahatsoratra nivoaka tamin'ny volana Oktobra 2014)
Zoma tamin'ny 8 ora alina, nandao ny birao ireo namana tao an-tanàndehiben'i Mexico.
SA: – Tsy andriko ny hodiana any an-trano, mandro, mandeha any amin'ny toeram-pisotroana ary misotro labiera mangatsiaka (roa na mihoatra).
IC: – Tsy andriko ny handehanana hody, manao akanjo mandry ary handika (lahatsoratra) bilaogy ho an'ny Global Voices: D
Vao haingana aho no namoaka ny iray tamin'ireo tsiambarateloko faran'izay lalina indrindra tamin'ny namako, mitovy amin'ny fialam-boly ny fandikanteny ho an'ny Global Voices ho ahy, midika ho toy ny mandeha any amin'ny toerana hafa eto amin'izao tontolo izao ny lahatsoratra tsirairay izay nadikako ary toy ny misotro kafe miaraka amin'ny bilaogera vaovao, mandre ny zava-mitranga any amin'ny toerana hafa avy amin'ny olona iray izay tafiditra amin'izany tantara izany. Misy zavatra tena miavaka amin'ny maha-anisan'ny ekipan'ny Lingua – Global Voices ahy, holazaiko ireo namana miteny Espaniola hoe: un no se qué, que qué sé yo.
Tonga teto amin'ny fiainako ny Global Voices tamin'ny taona 2011, raha nisy namako iray nampahafantatra ahy ilay tetikasa, tsy nisalasala aho, te handray anjara aho raha toa ka misy fomba azoko hanatontosana ity ezaka lehibe ity! Hitako ilay silako nanomboka tamin'izay fotoana izay, raikim-pitia tamin'ny Global Voices aho! <3