Jereo ny sarintany lehibe kokoa [1]
Fampidirana:
Ao amin'ny tanànan'i Kwa Mashu [2], any ambanivohitr'i Durban, Afrika Atsimo, mampiasa ny laboratoarany Ekhaya Imagination Lab [3] ny Tetikasa Fampandrosoana ny Fiarahamonina Kwa Mashu (K-CAP) mba hampiofanana ireo olon-tsotra tia mampita vaovao 20 avy ao an-tanàna, fiofanana momba ny fitantarana ireo tantara eo an-toerana izay mifandraika amin'ny olana ara-pahasalamana mihatra ao amin'ny fiarahamonina eo an-toerana. Tamin'ny taona 1998, maty notoraham-bato [4] tao Kwa Mashu i Gugu Dlamini taorian'ny fanambarana ampahibemaso fa voan'ny VIH izy. Ireo olon-tsotra mpampita vaovao 20 nofanina tao amin'ny K-CAP dia hikendry ny hanohitra ny fanilikilihana henjana amin'ny VIH sy ny SIDA, ary hitondra ny olana ara-pahasalamana eo an-toerana ho any amin'ny mpihaino iraisam-pirenena.