Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Mitarika any amin'ny fampiharana ny fomba tandrefana ve ny fanentanana amin'ny mediam-baovao?

(Lahatsoratra teny Anglisy efa tamin'ny volana Septambra 2009)

Mora kokoa ny mitsikera noho ny mandray anjara ary iray amin'ireo fanakianana izay renay matetika ao amin'ny Rising Voices ny hoe tsy maintsy hitarika any amin'ny fampiharana ny fomba tandrefana ny fanampiana ireo vondrom-piarahamonina zara raha fantatra mba ho tafiditra amin'ny resadresaka manerantany amin'ny aterineto. Niresaka ity fanontaniana ity i Álvaro Ramírez sy Diego Gomez, mpiara-manorina ny tetikasa HiperBarrio tamin'izy ireo tany Aotrisy teo ampakana ny lokan'izy ireo Golden Nica.

Dika antsoratra:

Tena lasa Amerikana tanteraka ve ireo ankizy ireo noho ny aterineto? Ankehitriny dia afaka miditra aterineto any amin'ny tranomboky izy ireo isan'ndro, na koa aterineto any an-trano.

Eny ary tsia. Ao amin'ny vondrona- tamin'ny namoronanay izany – dia efa nisy foko efatra na dimy. Nisy ny mpanao hip-hop, ny punk … ary mozika tsy avy ao La Loma, tsy avy any Colombia. Avy any Colombia i Cumbia sy Merengue sy ny zavatra hafa. Saingy ny zava-mitranga dia nandray izy ireo ho azy. Ny zavatra iray ataon'izy ireo dia ny hip-hop izay atao any La Loma amin'ny teny Espaniola ary miresaka ny zava-misy iainan'izy ireo izany. Mizatra amin'ny zavatra ilainy izy ireo. Tsy fomba Amerikana izany – fa fomban'izy ireo.

Ohatra tsara amin'ny zava-mitranga amin'ny lafiny iray … ny fomba nahazoan'i Cati Restrepo namana tamin'ny alalan'ny fianarana ny teny Anglisy tao amin'ny LiveMocha. Ary nilaza tamiko izy indray alina fa manana namana tsara indrindra any Pakistana amin'izao fotoana izao izy ary miresaka be izy ireo, mampihatra ny teny Anglisy izy roa ary nanana fitarihana ity namana ity indrindra izy. Satria tsy mety takany hoe misy vehivavy toa azy mivoaka matetika, mibilaogy ary tsy mivavaka amin'ny fotoana rehetra … ahoana no ahafahany milalao lokanga, izay fitaovana tsy ara-pivavahana. Ka mahasarika ny hafa, any amin'ny faritra hafa amin'izao tontolo izao tokoa izy. Ary voataonany ihany koa izy. Milaza azy momba ny kolontsaina Silamo sy ny fomba fivavaka izy. Noho izany dia nianatra tamin'ity lehilahy ity koa i Cati.

Noho izany dia heveriko fa mahaliana tokoa izany heviny izany satria tsy voatery hifandray amin'ny olo-malaza lehibe koa izy ireo. Ankehitriny dia mifandray amin'ny olon-tsotra izy ireo. Heveriko fa ao anatin'ity tetikasa ity indrindra, tsy voasariky ny Amerikana ihany izy ireo fa manomboka mieritreritra momba an'i India, Dubai, ary kolontsaina hafa izay tsy fantany taloha. Na tsy dia fantampatany loatra. Miaraka amin'ireo lehilahy ao amin'ny Voces Bolivianas indraindray. Farafaharatsiny, mamaky ny Foko Madagascar koa izy ireo. Mahafantatra ny zava-mitranga ao Bangladesh izy ireo. Henon-dry zareo ireo mihira. Tsy azontsika tsara izany, fa mihevitra isika fa tsara ny fomba fihiran'izy ireo any Bangladesh. Ary ity sy inday izany. Ary mieritreritra aho fa manapa-kevitra izy ireo. Afaka manapa-kevitra bebe kokoa izy ireo ankehitriny. Talohan'ny fahitalavitra lehibe sy ireo orinasa lehibe … izy ireo no nanapa-kevitra ny amin'izay tokony ho renesina any Kolombia. Ary ankehitriny, manana fomba fisafidianana ny ankizy ary afaka misafidy izy ireo.

 

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.