Sarajevo, Bosnia sy Herzegovina – nanjohy ny Rising Voices tamin'ny 2014
Efa manangasanga any ny vanimpotoana fifidianana ho an'ireo mpifidy ao Bosnia sy Herzegovina, izay midika fa hanototra ireo mpifidy ato anatin'ny volana efatra ho avy ny vaovao sy fandalinana momba ireo mpirotsaka hofidiana ary ireo olana goavana eo am-pelatànana. Kanefa, matetika izany no mety hitondra fahasahiranana ho an'ireo mitsingitsingy ao anatin'ny habetsahan'ny vaovao sy ny kalitaony miovaova be. Ny tetikasa tarihan'ny Post-Conflict Research Center dia manofana ireo tanora Bosniaka haka fijery mahay mitsikera ny anjara toeran'ny fampahalalambaovao ao anatin'ny fiarahamonina, toerana hanaovan-dry zareo fampiharana ny traikefany, toy ny fanamarinam-baovao sy ny fandraisana anjara amin'ny fanoratana bilaogy iraisana, izay handinihan'izy ireo ny fomba fijerin'ireo mpampahalala vaovao erantany ny firenen-dry zareo.
Tamin'ny alàlan'ny atrikasa iray natrehana mivantana natao tao Sarajevo, tonga niaraka ireo tanora avy amin'ny lafy valon'ny firenena mba hianatra momba ny fahaizana mamaky ny media sy hanoratra mikasika ny hoe mahay mitsikera ny media jifain-dry zareo. Nakarina ho ao amin'ny tranonkala Balkan Diskurs ieo lahatsoratra tamin'ny bilaogy, ary tao no nadika ho amin'ny teny anglisy ireo lahatsoratra.
Fantaro ny sasany tamin'ireo mpandray anjara ao anatin'ity lahatsary noforonin'ny PCRC ity:
Araho ao amin'ny tranonkala ry zareo:
- Bilaogy: Balkan Diskurs
- Facebook: Post-Conflict Research Center
- Twitter: @pcrcBiH