Ny zava-pisotro Rooh Afza (Lal sharbat). Sary avy amin'i Miansari66 tao amin'ny Wikipedia. Sehatra ho an'ny daholobe.

Raha nanomboka ny Ramadany ny mpanaraka ny finoana Islamo tamin'ity volana Mey ity dia maro ireo sakafo sy zava-pisotro ankafizina izay hohanin'ireo Miozolomana ao amin'ny zana-kaontinanta Indiana no nalaza. Ny zava-pisotro marihitra antsoina hoe Rooh Afza (Mamoha ny Fanahy) no iray amin'ireo zava-pisotro mahazatra any an-tokantranon'ny Miozolomana maro ao amin'ity faritra ity. Na izany aza, niatrika krizinà Rooh Afza izay tsy mbola fahita teo aloha ireo mpankafy izany tao India raha nanakaiky ny Ramadany tamin'ity taona ity-  tsy hita teny amin'ny fivarotana nandritra ny volana maromaro ary tsy nisy nanerana ny firenena ny zava-pisotro (novokarin'ny Laboratoara Hamdard ).

#ramzan without #roohafza at iftaar is unimaginable. My 8 years old has been looking around for it for the past 3 days in all shops. Seems there is shortage of supply #hamdard ?@roohafzaindia

— Anisa Draboo (@Drabooanisa) May 7, 2019

Tsy azo eritreretina ny Ramadany tsy misy Rooh Afza amin'ny Iftaar. Nitady izany nandritra ny 3 andro teny amin'ny fivarotana rehetra ny zanako 8 taona. Toa tsy nisy hatraiza hatraiza izany.

This complete summer till now I had been looking for #RoohAfza in almost all markets near me. It's not available locally anywhere. Ramzan started now, but #RoohAfza is out since the start of this summer. So let's not make it #Muslim drink.. it's a drink of India in summer. https://t.co/bow1zVuL6O

— ??मैं भी चौकिदार सा? (@pagal_panthi) May 8, 2019

Nitady Rooh Afza aho eran'ny tsena rehetra teo akaikin'ny tranoko nandritra ny fahavaratra ka hatramin'izao. Tsy mahita izahay na aiza na aiza. Nanomboka ny Ramadany, saingy tsy misy Rooh Afza hatramin'ny fiandohan'ny fahavaratra. Noho izany, aleo tsy atao ho zava-pisotro ho an'ny Miozolomana izany … fa zava-pisotro ho an'i India amin'ny fahavaratra izany.

Tantara an-jato taonany:

Namboarina avy amin'ny zavamaniry mba handresena ny hafanana,  tamin'ny taona 1906 no namoronan'i Hakim Mohammed Kabiruddin ity zava-pisotro ity, dokotera amin'ny Unani,  fitsaboana amin'ny alàlan'ny zavamaniry ao Ghaziabad, ao India Britanika, ary navoakan'i Hakeem Hafiz Abdul Majeed avy any Delhi Taloha, India.

In 1907, #HakeemAbdulMajeed launched a non alcohoalic medicinal concentrate called ‘Rooh Afza’ (Soul Enhancer) to combat Delhi’s hot loo winds.
Soon #RoohAfza became one of the most iconic delicacies of Delhi along with Nihari and Bedami poori.#RoohAfzaGO https://t.co/7qBjovy28V

— Heritage Times (@HeritageTimesIN) May 8, 2019

Tamin'ny taona 1907, namoaka ny rano-panafody vita amin'ny zavamaniry tsy misy alikaola antsoina hoe ‘Rooh Afza’ (Mamoha ny Fanahy) i Hakeem Abdul Majeed hiadiana amin'ny ‘Loo’, rivotra mafana ao Delhi.
Vetivety dia lasa iray amin'ireo hanim-py malaza indrindra tao Delhi niaraka tamin'ny Nihari sy ny Bedami poori ny Rooh Afza.

Mazàna ampifandraisina amin'ny volan'ny Ramadany ny Rooh Afza, izay matetika sotroina mandritra ny iftar (mamarana ny fifadian-kanina). Amidy eny an-tsena toy ny zava-pisotro hanomezana hanitra ny sherbets, ronono mangatsiaka, rano mangatsiaka, ary tsindrin-tsakafo mangatsiaka izy io. Manodidina ny tavoahangy  miisa 20 tapitrisa no vokarina isan-taona ao India fotsiny.

Thirst quencher! #RoohAfza #Ramzan2019 pic.twitter.com/LQbbIZqtdC

— M E H R E E N (@MehreenTweets) May 8, 2019

Mba hanalana hetaheta!

Taorian'ny fizarazaran'i India mandraka ankehitriny, ny orinasa naorin'i Hakeem Hafiz Abdul Majeed sy ny zanany lahy no namokatra ny Rooh Afza izay niely nanerana India, Pakistan, ary Bangladesh.

Nanoratra tao amin'ny LiveMint i Mayank Austen Sufi:

Exoticizing itself as the “Summer drink of the East”, Rooh Afza in Pakistan tastes exactly the same as its Indian counterpart. After East Pakistan became Bangladesh in 1971, the property in Dhaka was transferred to a local entrepreneur, who carried on the legacy that began in Old Delhi’s Lal Kuan.

Manana tsiro mitovy amin'ny ao Indiana ny Rooh Afza ao Pakistana izay mamaritra ny tenany ho toy ny “zava-pisotro ho an'ny fahavaratra any Antsinanana”. Nafindra tany amin'ny mpandraharaha iray tao an-toerana ny orinasa tao Dhaka taorian'ny niovan'i Pakistana Atsinanana ho Bangladesh tamin'ny 1971 izay nitondra ny lova nanomboka tao Lal Kuan ao Old Delhi.

Ny fifandirana ankehitriny

Voalaza fa mandalo olana ara-pitantanana izay nahatonga ny krizy tamin'ny tsy fisian'ny Rooh Afza Indiana ny orinasa. Nanoratra tao amin'ny gazety an-tserasera Print.in i Shivam VJ :

The dispute is over the chair of Chief Mutawalli (equivalent to CEO) of Hamdard, which is currently held by Abdul Majeed, the great-grandson of Hakeem Hafiz Abdul Majeed, the Unani medicine practitioner who founded the company in old Delhi over a century ago. The company also owns traditional medicine brands such as Safi, Cinkara, Masturin and Joshina.

Abdul Majeed’s cousin Hammad Ahmed has been trying to take over the company, claiming rightful inheritance. He even went to court for it, and the legal battle put a stop to the production of RoohAfza.

Momba ny sezan'i Mutawalli (mitovy amin'ny Tale Jeneraly) ao Hamdard no nahatonga ny fifandirana, izay eo ambany fitantanan'i Abdul Majeed ankehitriny, ilay zafindohalik'i Hakeem Hafiz Abdul Majeed, ilay mpitsabo Unani izay nanorina ny orinasa tao Delhi taloha zato taona lasa izay. Manana marika nentim-paharazana ara-pitsaboana toy ny Safi, Cinkara, Masturin ary Joshina ihany koa ny orinasa .

Ny zanak'olo-mpiray tam-po amin'i Abdul Majeed, Hammad Ahmed no mikasa hitantana ny orinasa, izay mitaky ny lovany. Nitory tany amin'ny fitsarana mihitsy aza izy noho izany, ary ny ady ara-pitsarana no nampiato ny famokarana ny RoohAfza .

Nisarika ny fifantohana bebe kokoa ny tsy fisian'ny Rooh Afza rehefa nanolotra ny hamatsiana Rooh Afza ho an'i India nandritra ny vanim-potoanan'ny Ramadany ny Laboratoara Hamdard ao Pakistana.

Nisioka i Usama Qureshi, dokotera ara-pitsaboana, sady Tale Jeneraly ao Hamdard Pakistana hoe:

Brother @DilliDurAst, we can supply #RoohAfza and #RoohAfzaGO to India during this Ramzan. We can easily send trucks through Wahga border if permitted by Indian Government.

— Usama Qureshi (@UsamaQureshy) May 7, 2019

Ry rahalahy @DilliDurAst, afaka mamatsy Rooh Afza sy Rooh Afza GO ho an'i India izahay mandritra ity Ramadany ity. Afaka mandefa kamiao any amin'ny sisintanin'i Wahga izahay raha mamela izany ny governemanta Indiana.

Nandà ny tatitra i Hamdard:

Nandà ny tatitra nataon'ny fampitam-baovao momba ny fifandirana amin'ny fitantanana ny orinasa kosa ny Laboratoara Hamdard any India ary nanambara ny tsy fisian'ny akora ho antony tsy fisian'ny vokatra. Araka ny tatitra farany, nilaza ilay orinasa fa efa niverina indray ny vokatra.

#RoohAfza-maker #HamdardLaboratories India said, its popular drink is now available in the market after a temporary shortage due to short supply of certain herbal ingredients pic.twitter.com/MI2le6lgqs

— ET NOW (@ETNOWlive) May 9, 2019

Nilaza ny laboratoara mpanamboatra ny Rooh Afza Hamdard India fa efa niverina eny an-tsena ny zava-pisotro malaza vokariny taorian'ny tsy fisian'izany fotoana fohy noho ny tsy fisian'ny akoran-javamaniry sasany.

Ary faly tamin'ilay fiverenana ny vahoaka:

113 yrs old देश की शान , हमदर्द वालो का सबसे popular शर्बत #RoohAfza is Back after 6 months…cheers ?? pic.twitter.com/4yJ4iFjVU7

— Pawan Gogna (@pgogna) May 9, 2019

Reharehan'ny firenena nandritra ny 113 taona , niverina indray enim-bolana taoriana ilay zava-pisotro malaza indrindra vita avy amin'ny zavamaniry ao Hamdard RoohAfza … mankalaza??