- Global Voices teny Malagasy - https://mg.globalvoices.org -

Tsy andriko izay hanambadiana: mpivady mitovy fananahana an-jatony maro no nankalaza ny mariaziny tany Taiwan

Sokajy: Taiwan (ROC), Lalàna, Mediam-bahoaka, Vaovao Mafana, Vehivavy sy Miralenta, Zon'ny Nanova na Mpitia Mitovy Fananahana (LGBT), Zon'olombelona

Mpivady mitovy fananahana miandry ny hiakatra eny an-tsehatra mba handray ny fanomezana sy ny fiarahabana avy amin'ireo manampahefana ao amin'ny governemanta. Saripikan'i Filip Noubel, nahazoana alalana

Andro iray natao hahatsiarovana ho an'ny vondrom-piarahamonina LGBTQIA+ any Taiwan ny  24 May: manamarika ny daty nankatoavana ny fanambadian'olo-droa mitovy fananahana ara-dalàna izany. Lasa firenena voalohany ao Azia nankatoa sy nampihatra ny fitoviana amin'ny fanambadiana i Taiwan taorian'ny fifidianana manan-tantara tao amin'ny Antenimieram-pirenena tamin'ny 17 May [1]. Mpivady an-jatony maromaro manerana ny nosy no nampaka-bady ary nandefa sary tao amin'ny tambajotra sosialy niaraka tamin'ny tenirohy #524 (Amin'ny teny Shinoa, tononina amin'ny isa ny volana, noho izany miresaka volana Mey ny isa 5 ary ny andro ny isa 24). Tao Taipei, mpivadivao marobe sy mpanohana maro no nivory tao amin'ny biraon'ny fisoratam-panambadiana ao amin'ny distrika Xinyi [2], eo am-pototry ny tilikambo mana-tantara Taipei 101 [3], mba hankalaza io fandresena ara-dalàna io. Mpivady roapolo nahitana sokajin'olona sy ny sokajin-taona samihafa no noarahabain’ ireo olo-malaza avy amin'ny hetsika LGBTQIA +, ny tompon'andraikitry ny governemanta, ary ny solontenan'ny firenena vahiny. Nampatsiahy i Chi Chia-wei [4]mpikatroka menavazana avy amin'ny hetsika LGBTQIA+, raha niakatra ambony sehatra fa nilaza azy ho “marary saina” ny olona telopolo taona lasa izay, fony izy nanolo-tena hiaro ny fanambadian'ny olona mitovy fananahana. Nofeheziny ara-pihetseham-po ny teniny tamin'ny filazana fa ‘efa ela no niandrasana izany’.

Ireto manaraka ireto ny andian-tsary manasongadina ny tontolo andro.

Vao avy nahavita ny antontan-taratasiny ireto mpivady ireto ary efa mpivady ara-dalana ankehitriny. Saripikan'i Filip Noubel, nahazoana alalana

 

Afaka maka sary amin'ny fakana sarin'ny mpivady tsy maintsy atao ny mpivady ankehitriny. Saripikan'i Filip Noubel, nahazoana alalana

 

Miarahaba ireo mpivady pelaka efa zokiolona ireo manampahefana ao amin'ny governemanta (eo ankavia) . Saripikan'i Filip Noubel, nahazoana alalana

 

Chi Chia-wei mpikatroka menavazana miaraka amin'ny lamaodiny marevadoko. Saripikan'i Filip Noubel, nahazoana alalana

 

Miarahaba ny mpivady pelaka tanora kokoa ireo manampahefana ao amin'ny governemanta (eo ankavia) . Saripikan'i Filip Noubel, nahazoana alalana

 

Iray amin'ireo famantarana sy afisy nozaraina nandritra ny hetsika. Saripikan'i Filip Noubel, nahazoana alalana