Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Sokitry ny “Tank Man” abontsina hita ao Taiwan alohan'ny fahatsiarovana ny fandripahana tao Tiananmen

Sary nopihan'i Filip Noubel. Nahazoana alalana.

Nosoratan'i Tom Grundy tao amin'ny Hong Kong Free Press tamin'ny 22 Mey 2019 ny lahatsoratra voalohany. Nivoaka tato amin'ny Global Voices indray izany araka ny fifanarahana fifampizarana votoaty.

Nisy sokitry ny “Tank Man” abontsina goavana hita tao an-drenivohitra Taiwaney, izao antomotry ny faha-30 taona ny fandripahana tao Tiananmen izao.

Hita eo an-tokotanin'ny Tranofitaratra fahatsiarovana an'i Chiang Kai-Shek ao Taipei, ilay artista iray ao an-toerana antsoina hoe Shake no nametraka ireo balaonina ireo. Nilaza tamin'ny Reuters izy fa manantena an'i Shina ho lasa demaokraty indray andro any:

So I think it is important to the Taiwanese people to continue discussing this topic – preventing people from forgetting this event and reminding the Taiwanese people that the regime in China is dangerous… This thing has already been washed away by [China’s] authoritarian political view.

Koa mihevitra aho fa zava-dehibe ho an'ny vahoaka Taiwaney ny manohy miresaka ity lohahevitra ity – isorohana ny fanadinoan'ny olona ity toe-javatra ity ary hampahatsiahy amin'ny vahoaka Taiwaney fa mampidi-doza io fitondrana ao Shina io… Efa voafafan'ny fijery politika tsirefesimandidi[n'i Shina] io zavatra io.

Sary nopihan'i Filip Noubel. Nahazoana alalana.

Nifanandrify tamin'ny fivorian'ny manampahaizana (siantifika) iraisampirenena hotanterahana amin'ny 4 jona 2019 ho avy izao, miaraka amin'ireo lanonam-pahatsiarovana maro amin'ny faran'ny herinandro ao Taiwan ny fivoahan'ity sokitra abontsina ity. Hisy koa ny fanatanterahana fandrehetan-dabozia fiaretan-tory, vakinteny oniversitera ary seminera ho fahatsiarovana ny tingerintaona faha-30.

Voaaro ny fahalalaham-pitenenana ao Taiwan demaokratika, na dia mampihevitra ity nosy ity ho ao anatin'ny zarataniny aza i Beijing.

Tamin'ny taona 2016, nanatontosa fampisehoana tao Adelaide, Aostralia, ilay artista sady mpanao tantara an-tsary Badiucao ho fanomezam-boninahitra an'i “Tank Man.” Taty aoriana izy nanomboka fanentanana handrisihana ny vahoaka hafa manerana izao tontolo izao hanao ny paozin'ilay mpanao fihetsiketsehana manirery.

Fampisehoana Tank Man tao Adelaide tamin'ny taona 2016. Saripika: Badiucao.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.