Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tongava Manatevina Laharana ny #RightsCon Tunis Translation Lab: Antso ho an'ireo miteny Arabo, Frantsay ary Espaniôla


Ny RightsCon Tunis 2019 dia hetsika faha-8 ao anatin'ireo Andianà Vovonana RightsCon. Izy ity no iray amin'ireo kaonferansa sangany eran'izao tontolo izao momba ny zon'olombelona ao anatin'izao tontolo dizitaly izao, miaraka amin'ireo adihevitra sy veladreseaka tena mifanandrify amin'izany sy manandanja manerana izao tontolo izao. Mitady mpandikateny mpirotsaka an-tsitrapo izahay  ka afaka miteny Arabo, Frantsay ary Espaniôla mba hitondra fanohanana amin'ireo ezaka maromaro fandikàna ho an'ny  Rightscon ny 11 hatr@ 14 Jona ao Tunis.
Tany amboalohany, i Meedan dia mpandray anjara tato amin'ny  Global Voices LinguaAccess Now, sy ny  Localization Lab mba hamokatra ny RightsCon Translation Lab.

Miainga aminà hevitra tena tsotra ny RightsCon Translation Lab : ndeha isika handika ireo bitsika rehetra tsara indrindra nalefan'ny #RightsCon ho amin'ny teny Espaniôla, Frantsay ary Arabo.

Nandritra ny fibitsihana mivantana ny kaonferansa tamin'ny 2017 natao tao Bruxelles, nahadika bitsika niisa 127 ho amin'ny teny Arabo izahay, ary  568 ho amin'ny teny Frantsay, 286 ho amin'ny teny Espaniôla. Ny sasany tamin'ireo mpandika dia niasa ho amin'ny fandikàna mihoatra ny tenimpirenena iray.
Tamin'ny 2018 izahay – donakely ho an'ireo mpandika goavana ato aminay – nahadika bitsika 324 ho amin'ny teny Espaniôla, 271 ho amin'ny teny Frantsay, ary 251 ho amin'ny teny Arabo. Ny tarika mpandika ho amin'ny teny Espaniôla dia notarihan'i Juan Arellano, ho an'ny teny Frantsay dia i Suzanne Lehn ‏ary ny ekipa ho an'ny teny Arabo dia notarihan'i Mohamed ElGohary, samy avy amin'ny Global Voices avokoa.

Ndeha hotazonintsika ho fomba fanao ary hankalazaina ilay vondrom-piarahamonintsika misokatra misy ireo mpandika, mpirotsaka an-tsitrapo mahay tenimpirenena roa na marobe ho an'ny taona 2019!

Mialoha ny kaonferansa , hanokana ampahany amin'ny fotoanany ireo mpirotsaka an-tsitrapo mba hahazo atrikasa fiofanana momba ny fomba fampiasàna ilay fampiharana (app), no sady miaraka miasa hatrany amin'ny tarik'i Meedan mba hifankahazatra amin'ny  Bridge.
Raha toa ianao ka mpandika miasa amin'ny teny Arabo, Frantsay na Espaniôla ary maniry ny hitondra fanohanana ity hetsika fandikàna ity, miangavy anao hameno ito fisoratana anarana ito. Raha toa ianao te-hahafantatra misimisy kokoa momba ny fomba  ahafahanao manatevina laharana, mifandraisa amin'i  Noha Daoud noha@meedan.com or Wafaa Heikal wafaa@meeda.com.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.