Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

EAM: Miomana hanakana ireo tranonkala manafintohina ny DU

(Lahatsoratra teny anglisy tamin'ny avrily 2006)

Nanomboka nanakana ny fidirana amin'ny tranonkala heverina ho “manimba saina” sy mahatohina ny “soatoavina ara-kolontsaina, sosialy ary maoraly” ny DU, ilay mpanome tolotra aterineto faharoa any amin'ny faritra malalaka ao amin'ny Emirà Arabo Mitambatra. Ireto avy ireo faritra malalaka ireo Dubai Media City, Dubai Internet City, Knowledge Village, Marina ary ireo fotodrafitrasa fonenan'ny mponina hafa.

Araka ny Emirates Business 24/7, nampafantatra tamin'ny mpanjifany tamin'ny SMS ny DU ny fikasany hanao sivana amin'ny aterineto amin'ny alahady 13 Avrily 2008: “Tianay ny mampafantatra anao fa manomboka amin'ny 14 avrily 2008, hosakananay ny tranonkala ahitana votoaty tsy mifanaraka amin'ny soatoavina ara-maoraly, sosialy ary kolontsaina eto EAM.” Namoaka fanambarana ho hitam-bahoaka tahaka izao ihany koa ny DU:

It is our constant endeavour to maintain the perfect balance between ensuring that all our customers’ requirements are met, and that we comply with all the guidelines of the TRA, including those on internet content filtering.

The World Wide Web offers us great opportunities to get and share information and to communicate. However, it is imperative that when making use of this technology for its enormous benefits, we respect the moral, social and cultural values of the United Arab Emirates.

DU will be blocking all content that is not in line with these values, effective from 14 April 2008. Due to the nature of the content filtering process, some harmless sites may also inadvertently be blocked. We request our customers’ assistance in informing us when a site that they consider harmless has been blocked, by writing to safesurf@du.ae so we can look into the matter.

Ezaka tsy mitsahatra ataonay ny mihazona ny fandanjalanjana tsara tsy misy tomika amin'ny fiantohana fa azo daholo izay takian'ny mpanjifanay, sy ny fanarahanay ny torolalan'ny TRA, ka tafiditra amin'izany ny fampidirana sivana amin'ny votoatin'aterineto.

Manokatra fidanadanana lehibe ho antsika ny WWW (tranonkala manerantany) mba hahazo sy hizara torohay sy hifandray. Na izany aza dia tsy maintsy tanterahina, rehefa mampiasa ity teknolojia ity amin'ny tombontsoa lehibe azo avy aminy, ny fanajanay ny soatoavina ara-pitondratena, ara-piarahamonina ary ara-kolontsain'i Emirà Arabo Mitambatra.

Hosakanan'ny DU ny votoaty rehetra tsy manaraka ireo soatoavina ireo, mihatra manomboka ny 14 avrily 2008. Noho ny karazan'ilay fomba fanivanana votoaty, dia mety ho voasakana tsy nahy ihany koa ny tranokala sasany tsy manafintohina. Mangataka ny fanampian'ny mpanjifa izahay hampahafantatra anay raha isy tranonkala heverina ho tsy manafintohina nefa dia voasakana, amin'ny fanoratana ao amin'ny safesurf@du.ae mba hijerenay ny toe-javatra.

Midika izany hetsika izany fa tapitra hatreo ny fisitrahana ny tsy fisian'ny sivana amin'ny aterineto amin'ireo faritra malalaka ao EAM hatramin'ny vao haingana ireo ary ho entin'ny Mpanome tolotra aterineto DU any amin'ireny faritra ireny ny fanaovana sivana an'aterineto ho fanarahana ny torolalana sarotiny napetraky ny Telecommunications Regulatory Authority (TRA) izay efa napetraky ny Mpanome tolotra aterineto tantanin'ny governemanta Etisalat taona maromaro lasa izao. “Tsy fitsipika vaovao vao napetrakay ireo tsy akory, fa fandraisana andraikitra nofidianay mba hanakanana ireo votoaty sasany rehefa nahazo fitarainana avy amin'ireo mpanjifa miahiahy izahay,” Osman Sultan, hoy ny Lehibe mpanatanteraky ny mpanome tolotra aterineto DU Dubai tamin'ny ArabianBusiness.com.

Vokatr'izany, voalaza fa voasakana ny Secret Dubai Diary miaraka amin’ny Arab Times izay miorina any Etazonia (efa samy voararan'ny Etisalat izy roa ireo), voasakana ny lahatsoratra Wikipedia iray momba ny fitna, filma notontosain'ilay depiote Holandey Geert Wilders, playboy.com (syny adiresiny IP: http://216.163.137.3).

Izaympisera miezaka miditra amin'ireo tranonkala nosakanana ireo dia nalefa ho any amin'ny pejy iray mampiseho hafatra fahadisoana: “Miseraserà lavitry ny loza. Tsy vonona eto EAM ny tranonkala”.

Du Blockpage
Source: Proxy Watch

Ary mandritra izany fotoana izany, mitatitra ny bilaogera sasany ao Emirà Arabo Mitambatra fa manakana ny ampahany amin'ny Facebook, manakana ny style sheets (CSS), javascripts ary fampiasa tsy hivoaka araka ny tokony ho izy ny Etisalat, orinasam-pifandraisandavitra lehibe indrindra manana servisy maro ao amin'ny firenena.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.