Koa satria tsy manana birao mivaingana hitamaso amin'ny asa ataonay isan'andro izahay dia nikarakara ny fivoriana fanao isan-taona ho an'ny vondrom-piarahamoninay virtoaly izahay tany ampiandohana mba hihaonan'ny Global Voices mivantana.

Nampihaona ireo mpikatroka manerantany avy amin'ny fampitam-baovaon'olon-tsotra sy nomerika izay tena mahavita zava-baovao ary manome aingam-panahy indrindra ireo Vovonana sy ireo Fihaonan'ny Bilaogera Arabo hanaovana atrikasa sy adihevitra. Niteraka finamanana vaovao sy fiaraha-miasa mahatalanjona miampita sisintany ny fivoriana maharitra 2 ka hatramin'ny 4 andro.  Tsikaritra foana ao amin'ny fandaharam-potoana ny sakafo matsiro, ny fitsangatsanganana, ary ny mozika .

Miezaka ny mihaona any amin'ny firenena vaovao izahay isaky ny mandeha. Efa nanao fivoriana miisa 11 izahay nanomboka hatramin'ny 2005 noho ny fahalalahan-tanan'ireo mpanohana sy ireo namana:

• Sri Lanka – 2017 
• Filipina – 2015 
• Jordana – 2014 (Fihaonan'ny Bilaogera Arabo)
• Kenya – 2012
• Tonizia – 2011 (Fihaonan'ny Bilaogera Arabo)
• Shily – 2010
• Beirota – 2009 (Fihaonan'ny Bilaogera Arabo)
• Beirota – 2008 (Fihaonan'ny Bilaogera Arabo)
• Budapest – 2008
• Delhi – 2006
• London – 2005

Teraka nandritra ny fihaonana iray andro tamin'ny volana Desambra 2004 tao Harvard Law School ny Global Voices izay nihaonan'ireo bilaogera manerantany niresaka fa ahafahana manamora ny fifanakalozan-kevitra erantany hatreny an-kianja ny famahanam-blaogy.