Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Mankalaza ny lahatsoratra faha-1000 ny Global Voices amin'ny teny Grika

(Lahatsoratra teny Anglisy efa tamin'ny volana Marsa 2012)

Natomboka tamin'ny volana Martsa 2011, tamin'ny fotoana nitomboan'ny olana sy ny tsikera mamaivay manerantany ho an'i Gresy noho ny krizy ara-bola goavana mahavariana, nahatratra 1 500 ireo dikan-teny tao amin'ny Global Voices amin'ny teny Grika navoaka tamin'ny lahatsoratra Global Voices tamin'ny 8 Febroary 2012 – tao anatin'ny 10 volana monja .)

Niara-niasa ny ekipa mpandika teny mpilatsaka an-tsitrapo maherin'ny 20, izay tanora mpanao gazety, mpandika teny matihanina sy mpikatroka ny ankamaroany, mba hitondra vaovao nofantenina ho an'ireo mpiteny Grika manerana izao tontolo izao.

Manome fidanadanana ho an'ny vondrom-piarahamoniny mba hanolotra vaovao sy fomba fijery isan-karazany manerantany ho an'ny mpamaky mpiteny grika ny tetikasa. Tena zava-dehibe indrindra izany amin'ny fotoana izay ifantohan'ny saina sy ny fon'ny olona amin'ny krizy ara-bola, sy rehefa “mampihena” ny fitantarany momba ireo olana rehetra ankoatra izay mikasika ny filany ara-bola ny fampahalalam-baovao mahazatra, tafalatsaka ao anatin'ny krizin'ny fahatokisana miverimberina ankoatay ny krizy ara-bola.

Global Voices in Greek project logo

Fango tetikasan'ny Global Voices amin'ny teny Grika

Votoaty eny an-tampony

Ny dikanteny voalohany tamin'ny teny grika dia ny lahatsoratr'i John Liebhardt “Libya: Misaona an'i Mohammed Nabbous” nosoratan'i Alexia Kalaitzi tamin'ny 21 martsa 2011; fanomezam-boninahitra ilay mpanao gazety malaza lavo izany lahatsoratra izany. Ny dikanteny faha-1000 dia ny lahatsoratr'i Silvia Viñas “Shily: Mampiseho ny tatitry ny ONG fa mitombo ny heloka ara-piraisana ara-nofo“, nadikan'i Veroniki Krikoni.

Ny lahatsoratra 5 voalohany be mpijery hatreto dia:

  1. Korea Avaratra: Sary mampiseho ny fitomboan'ny tobin'ny fonja ara-politika
  2. Zambia: Lahatsary vetaveta miteraka adihevitra momba ny kolontsaina, ny miralenta ary ny fahamendrehana [mg]
  3. Espaina: An'aliny ireo vahoaka nirotsaka an-dalambe [mg]
  4. Mpanoratra sy mpandika teny asongadina: Asteris Masouras [mg]
  5. Thailandy: Hasorenana Noho Ireo Ankizivavy Tsy Nitafy Ny Tapany Ambony Nefa Nandihy [mg]

Niteraka valim-pikarohana marobe ihany koa ny lahatsoratra momba ny tobin'ny fonjan'i Korea Avaratra, arahin'ny lahatsoratra momba an'i Mohammed Nabbous. Ny lahatsoratra voalohany nosoratan'i Leila Nachawati momba ireo Espaniola mpanao fihetsiketsehana tezitra no vokatra voalohany (mpijery 217 ny andro manaraka (zava-bita goavana) satria nanaraka haingana ireo ohatra avy amin'izy ireo ny mpanao fihetsiketsehana Grika.

Some of the translators of Global Voices in Greek

Ny sasany amin'ireo mpandika teny ao amin'ny Global Voices amin'ny teny grika

Antontanisa

Ireo mpandika teny dimy voalohany amin'ny isan'ny lahatsoratra dia Asteris MasourasVeroniki KrikoniAlexia KalaitziMirto Dimitrakoulia ary Margie Lazou. Tsy mahagaga satria noho ny fitroarana mana-tantara niainany tamin'ny taona 2011, ny faritra Afovoany Atsinanana sy ny faritra AFrikanina Avaratra no tena nalaza indrindra, narahan'i Amerika Latina sy Azia atsimo atsinanana.

Tafiditra ho azy ho toy ny lohahevitra ao amin'ny ankamaron'ny lahatsoratra nadika ny “median'olon-tsotra”, narahin'ny lohahevitra ‘Politika’ (435), ‘Fihetsiketsehana’ (298), ‘Zon'Olombelona’ (273), ‘Fikatrohana nomerika’ (230) ary ‘Fahalalaham-pitenenana”(194).

Ny Avrily ka hatramin'ny Jolay 2011 no fotoana nahavokatra indrindra tamin'ny tetikasa Global Voices amin'ny teny grika, mihoatra ny 100 avokoa ny lahatsoratra (169 tamin'ny Jona), ary ny Septambra no kely indrindra (46). Efa ho ny antsasaky ny lahatsoratra nadika (448) no lahatsoratra lavabe, mifanohitra amin'ny vaovao farany misy andalana lavabe.

Global Voices in Greek was accessed from over 900 cities around the world

Nidirana avy amin'ny tanàna 900 manerantany ny Global Voices amin'ny teny grika

Fifamoivoizana

Nahazo fitsidihana 18.297 sy pejy nisy nijery in-38.610 ny Global Voices amin'ny teny grika hatramin'ny nanombohany. Tsy mampino fa toa avy amin'ireo tanàna 918 manerana izao tontolo izao ireo mpijery! Miparitaka erak'izao tontolo izao ireo Grika am-pielezana, ary mety nikajy ny ankamaroan'ireo mpijery ivelany ny spambots, saingy mbola tsy mampino ny tarehimarika ary mahabe fanantenana.

Na izany aza, avy any Gresy (74%) ny ankamaroan'ny mpitsidika, ary avy any Sipra ny 6%  ary avy any Angletera, Etazonia ary Makedonia mifanolo-bodirindrina ny eo amin'ny 2% eo. Ahitana teny Grika ho toy ny fiteny am-pahadisoana napetraka tamin'ny solosain'izy ireo ny 40 isan-jaton'ny mpiserasera, izay midika fa ny 60% -n'ny mpitsidika dia mahay fiteny maro samihafa, anisan'izany ny Grika (malaza amin'ny fiteny faharoa any Gresy ny fiteny anglisy tato anatin'ny folo taona lasa).

Tena mahomby ny fampahalalam-baovao sosialy amin'ny fampiroboroboana ny asanay, na dia avy amin'ny Global Voices aza ny 26% ny tranonkala voatondro. 25% avy amin'ny Twitter, raha 16% kosa no avy amin'ny Facebook. Mandritra izany, manana 13.1% amin'ny fizotran'ny fifamoivoizana amin'ny tranonkala ny cyprusnews.eu, mpanangom-baovao any Sipra .

Amin'ireo tetikasa mpirahavavy, ny Global Voices Frantsay sy Espaniola no mitarika amin'ny fiavian'ny ankamaroan'ny fifamoivoizana (be mpijery), noho izany dia tena mankasitraka ireo vondrona roa ireo izahay. Mivoaka mivantana ao amin'ny Facebook ny dikanteny ary alefa tanana ao amin'ny Twitter, ary misy koa ny pejy Google+. Raisinay an-tanandroa izay soso-kevitra avy amin'ny mpamaky mba hanatsarana ny fampiasana ny media sosialy, ary afaka manaraka ireo mpandika teninay ao amin'ny Twitter koa ianao.

Farany, manana mpanoratra telo ao amin'ny Global Voices amin'ny teny anglisy (Asteris MasourasVeroniki Krikoni sy Alexia Kalaitzi) i Gresy, hiampy mpanoratra maro avy any Gresy sy Sypra atsy ho atsy.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.