Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Koety: Nampijaliana noho ny siokan'olon-kafa

(Marihina fa tamin'ny volana Aprily 2012 no nivoahan'ny lahatsoratra teny Anglisy)

Khaled Al-Enizi taorian'ny famotsorana azy ny volana Aprily 2012

Nandritra ny taona 2011, nahitana trangana fisamborana mpisera Twitter maro tany Koety. Nanomboka tamin'ny mpandefa sioka roa nosamborina noho ny fanevatevana ny sekta ara-pivavahana izany. Nahitana resaka politika ny tranga hafa satria nandray anjara tamin'ny hetsi-panoherana manohitra ny praiminisitra teo aloha izay voampanga ho nanao kolikoly ireo mpandefa sioka. Nisy mpandefa sioka miisa telo ihany koa no voasambotra ary avy eo noafahana vonjimaika rehefa nandoa onitra noho ny faniratsiràna ny Amir tao Koety niaraka tamin'ny tenirohy #بطاريةة (bateria amin'ny teny Arabo) izay nadika ho fanesoana ny fon'ny Amir mandeha amin'ny bateria.

Tsy nisy ny fisamborana tamin'ireo Bedoon, vondrom-piarahamonina tsy manana zom-pirenena ao Koety izay nolavina antontan-taratasy sy zony fototra maha-olombelona noho ny fampiasana ny tambajotra sosialy; farafaharatsiny tamin'ireo tranga notaterina. Nanao fihetsiketsehana nanomboka tamin'ny volana Febroary 2011 ny vondrom-piarahamonina ary maro ireo fisamborana sy fitsarana natao tamin'ny mpanao fihetsiketsehana. Na izany aza, ny faran'ny volana Aprily 2012 no nanamarika ny tranga voalohany nahitana Bedoon iray nosamborina noho ny kaonty twitter iray izay noheverin'ny polisy misahana ny fiarovam-panjakana fa nosokafany. Voampanga ho nanokatra kaonty hosoka ho iray amin'ireo minisitra ary naniratsira ny Amir i Khaled Al-Enizi, 24 taona .

Araka ny Mpiaro ny Zon'ny Bedoon, notevatevaina sy norahonana haolana nandritra ny famotopotorana azy i Khaled. Nampiasa ny fomba fampijaliana “fandoroana” izay ahitana ny olona iray tazonina eo ambony afo ny polisy. Naratra mafy ny sandrin'i Khaled ka tsy maintsy nentin'izy ireo tany amin'ny hopitaly izy ary nilazan'ilay dokotera fa tsy maninona izy. Nentina niverina indray izy mba ho hampijaliana. Nampiasa fomba fampijaliana iray hafa antsoina hoe “efitra fampangatsiahana ny maty” ny polisy izay hilazana amin'ilay lasibatra fa natao ho an'ny maty ny vata fampangatsiahana ary avy eo dia hapetraka ao izy mandra-pibaboka.

Nampijoro an'i Khaled niaraka tamin'ny tongotra ila ny polisy misahana ny fandriampahalemana raha nodarohana izy ary vao mainka nodarohany mafy kokoa izany rehefa nilaza tamin'izy ireo izy fa ilay tongony marefo io. Nolemany tamin'ny rano ary norahonana fa ho hampiasaina ny herinaratra mba handorona ny vatany raha tsy miaiky izy. Nahamarika izy ireo raha nandeha ny fampijaliana fa namoaka sioka tamin'io fotoana io ny kaonty Twitter izay niampangan'izy ireo azy raha mbola tany am-pigadrana izy ary nanapa-kevitra ny hampiato ny fampijaliana noho izany ny polisy ary niampanga azy ho nanao fihetsiketsehana tsy ara-dalàna tahaka ireo mpanao fihetsiketsehana hafa. Noafahana vonjimaika izy tamin'ny 2 Aprily 2012 rehefa nandoa antoka 200 Dinars Koesiana ary hiatrika fitsarana noho ny fanaovana fihetsiketsehana tsy ara-dalàna.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.