Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Shina : Sazy valo taona an-tranomaizina ho an’ilay tomponà cybercafe

(Marihina fa tamin'ny volana Novambra 2012 no nivoahan'ny lahatsoratra teny Anglisy)

Voaheloka higadra 8 taona an-tranomaizina noho ny ‘’fanakorontanana ny Fanjakana’’, i Cao Haibo, 27 taona, tomponà cybercafe iray tamin’ny 31 Oktobra 2012 tao Kunming, tao amin’ny faritanin’i Yunnan, araka ny vaovao avy ao amin’ny New York Times tamin’ny 01 Novambra 2012. Araka ny vaovao farany sy araka ny tranonkala Tienwang 64, nampiakatra ny raharaha ny mpisolovavan’i Cao, Ma Xiaopeng ny 5 Novambra 2012.

Cao Haibo.  Sary tao amin'ny 64 Tianwang

Tsy azo natrehina ny fizotry ny fitsarana. Tsy nahalala mikasika ny raharaha manokana nitondrana azy teo anoloan’ny fitsarana ny vahoaka. Nihevitra ny sasany fa nisy hifandraisany tamin’ny Ligin’ny QQ-chat ho fanomezana sehatra ho an’ny tanora ao amin’ny Firenena Shinoa (“振华会”) izay naorina tamin’ny volana Septambra 2011 izany. Nilaza izany tamin’ny iraky ny New York Times ny mpiaro ny zon’olombelona ao Shina :

Renee Xia, Directeur international de Chinese Human Rights Defenders (‘Défenseurs des Droits de l'Homme en Chine’), a critiqué les poursuites contre Cao, soulignant qu'il a été détenu durant 8 mois [note: en fait, probablement plus d'un an] sans être jugé et que même sa famille ne pouvait assister aux audiences. “Le seul crime” de Cao a été de chatter dans un groupe en ligne, où les membres débattaient d'idées telles que la réforme démocratique et les droits constitutionnels”, a-t-elle déclaré. “Cette  affaire est une parodie de justice. Elle démontre de nouveau que la Chine ne sait qu'afficher son mépris pour l'Etat de droit”.

Nanamarika i Renee Xia, Tale iraisampirenena Mpiaro ny Zon’Olombelona any Shina, izay nitsikera ny fanenjehana an’i Cao fa notanana am-ponja tsy notsaraina nandritra ny 8 volana izy [ fanamarihana : raha ny marina, mety efa ho herintaona mahery aza], ary na dia ny fianakaviany aza dia tsy afaka nanatrika ny fitsarana. Ny fifampiresahana tao amin’ny vondrona an-tserasera hoy izy no hany ‘’heloka tokana’’ nanamelohana an’i Cao, izay niresadresahan’ny mpikambana ny hevitra toy ny fanavaozana demokratika sy ny zo araka ny lalampanorenana’’. Fitsarana sarintsariny ity raharaha ity. Maneho indray izany fa tsy mahalala afa-tsy ny fanehoana ny tsy firaharahiany ny fitsipi-dalàna i Shina.

Nanome fanazavana bebe kokoa momba ny fiandohany sy ny natioran’ity vondrona fifanakalozan-kevitra ity i Cao Yaxue avy ao amin’ny Seeing Red any Shina :

Cao Haibo soutenait les significations nouvelles et plus en conformité avec le contexte actuel des Trois Principes du Dr Sun Yat-sen à savoir, le principe de Nationalisme, le principe de Démocratie et le principe de Bien-être social.

Manohana ny dikany vaovao izay mifanaraka amin’ny zava-misy ankehitriny momba ireo Fitsipika Telo avy amin’i Dr Sun Yat-sen i Cao Haibo, toy ny foto-kevitry ny Nasionalisma, ny foto-kevitry ny Demaokrasia, ary ny foto-kevitry ny fahafinaretana ara-tsosialy.

Nosamborina i Cao ny 21 Oktobra 2011, iray volana taorian’ny nifandraisany tamin’ny vondrona karajia (chat) ary voampanga aloha izy ny 25 Novambra 2011 tamin’ny ‘’ fandrisihana ny fanozongozonana ny fahefam-pitondrana’’, izay fiampangana madinika. Norahonana ny vadiny izay bevohoka 6 volana mba tsy hilaza ny raharaha amin’ny vahoaka. Herintaona taty aoriana, ny 1 Novambra 2012, notsaraina i Cao noho ny fiampangana goavana kokoa : ‘’fanozongozonana ny fahefam-panjakana’’ary voaheloka higadra 8 taona an-tranomaizina.

Koa satria talohan’ny Kongresim-bahoaka Nasionaly faha-18 no nitranga ny fanamelohana dia very ny fanantenan'ny ny olona amin’ny fanavaozana ara-politika sy ny adihevitra ara-politika teo ambanin’ny mariky ny fisokafana. Nandika teny ny fanehoan-kevitra vitsivitsy natao tao amin’ny Aterineto momba ity raharaha ity I Seeing Red any Shina :

Condamner un dissident comme Cao Haibo de manière aussi dure à la veille de l'Assemblée populaire nationale c'est déclarer aux “agitateurs de la société” que, comme toujours, le Parti prend des mesures drastiques et impitoyables contre toute tentative, serait-ce purement virtuelle, menés par une quelconque association ou organisation. Le nombre toujours croissant d'affaires indique que pour maintenir la stabilité en Chine, on s'achemine vers du terrorisme politique.

Midika ny fanamelohana ny mpanohitra tahaka an’i Cao Haibo amin’ny fomba tena henjana tokoa, amin'ny andro alohan’ny Kongresim-bahoaka Nasionaly fa mandray fepetra hentitra sy tsy nisy indrafo ny Antoko amin’ny fikasana rehetra, manoloana ny ‘’mpanakorontana ny fiarahamonina’’, na dia amin’ny endrika viritoaly tsotra fotsiny aza, izay tarihin’ny karazana vondrona na fikambanana. Mampiseho ny isan’ireo tranga miha-mitombo hatrany fa mizotra mankany amin’ny fampirorohoana ara-politika i Shina mba hitazonana ny fahamarinan-toerana.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.