Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Shina: “Dingana Lehibe Mandroso” ao Hebei

(Lahatsoratra teny Anglisy efa tamin'ny volana Mey 2010)

Mihoatra ny 1000 ny mponina ao amin'ny faritanin'i Hebei ho voakasiky ny fandroahana an-tery alohan'ny 5 Jona, ao anatin'ny tetikasa fampandrosoana ataon'ny governemanta, izay nantsoin'ny hevitra antserasera hoe “Dingana Lehibe Mandroso”.

Hahazo 2 miliara yuan (293 tapitrisa dilara) ho ampiasaina amin'ny fanamboarana tranobe vaovao sy ny fampandrosoana amin'ny taona 2010 ny distrikan'i Guangping, faritra mahantra any atsimon'i Hebei, hoy ny tatitry ny Southern Daily. Ny tetikasa, fantatra amin'ny anarana ofisialy hoe “Tanjona milina 11168,” dia mitaky fandravana ireo trano 330.000 metatra toradroa sy fandroahana mponina maherin'ny 1000 ao amin'ny faritra.

Tsy misy endrika mazava amin'ny fanonerana napetraka ho an'ireo olona voaroaka. Amin'ny endrika mody mangarahara, na koa safotofoto ao amin'ny governemanta Guangping, nanonona manampahefana iray misahana ny fampandrosoana ao amin'ny faritra ny Southern Daily izay nilaza fa “tsy misy fifanekena fandroahana na famindran-toerana natao tamin'ireo mponina.”

Nantsoin'ny hevitra antserasera ho ohatra iray hafa amin'ny lisitra mitombo misy ireo fandroahana tsy ara-dalàna ao Shina ilay tetikasa. Ny sasany nampitaha ny tetikasa fampandrosoana amin'ny Dingana Lehibe Miroso tamin'ny taona 1958, tetikady fampandrosoana mampidi-doza sy tsy voahevitra izay tompon'antoka tamin'ny fahafatesana noho ny hanoanana miisa14 tapitrisa ka hatramin'ny 43 tapitrisa.

Tamin'ny famakafakana tao amin'ny Southern Weekend, miantso ny drafitra ho toy ny tranga mbola mahazatra sy mampalahelo i Xiao Shuio. Milaza izy fa raha mikasika ny fakàna tany, dia ny governemantan'ny tanàna sy ny mpampiasa vola no tonga voalohany, raha toa ka 5-10 isanjato monja amin'ny tombony azo avy amin'ny tany no fanonerana ho an'ny tantsaha.

Araka ny filazan'i Xiao, ny fandaniana 2 miliara yuan ao amin'ny faritra manana tetibola isan-taona 130 tapitrisa yuan (19 tapitrsa dolara) dia maneho  karazana fandrosoana diso lalana. “Ny fampandrosoana no fivoarako. Tsy misy ifandraisany aminao izany. Tsy maintsy mandao tsy misy fepetra ianao, “hoy izy nanoratra am-piesoesoana.

Nahasarika ny saina tao amin'ny aterineto ireo tarehimarika ireo. Luo Shibin manontany ny lojika ara-bola momba ny drafitra ao amin'ny lahatsoratra  bilaogy:

为什么没签订补偿协议、没对群众进行妥善安置?这是很值得商榷的问题。广平县是个贫困县,而整个改造工程却是个大手笔,需要雄厚的财力才能支撑。但该县去年的财政收入仅1.3亿元,那么计划的20多亿元的改造资金从何而来?

Nahoana izy ireo no tsy nanao sonia fifanekena fanonerana na nanatontosa dingana famindran-toerana sahaza ho an'ireo olona? Mendrika hiadian-kevitra ity olana ity. Faritany mahantra i Guangping ary sangan'asa mitaky fanohanana ara-bola goavana ity tetikasa manontolo fametraha-milina ity. Saingy 130 tapitrisa yuan ihany no fidiram-bolan'ny faritra. Koa avy aiza ny vola maherin'ny 2 miliara yuan?

Ao amin'ny lahatsoratra bilaogy, milaza i Dou Hao fa tsy nahavita nanatsoaka lesona tamin'ny fahadisoana teo aloha i Guangping:

如果用“大跃进”这样的说法,来形容广平县正在大刀阔斧进行的拆迁工作,应该是名符其实的。可“大跃进”给国留下的是痛苦的记忆,还有深刻的教训。因为这种脱离实际的所谓发展,违背了客观规律,自然要被规律惩罚。奇怪的是,广平县怎么就犯上“好了伤疤忘了痛”的错误,继续着这种不合时宜的拆迁形象工程呢?

Raha mampiasa ny fitenenana hoe “Dingana Lehibe Androsoana” ianao mba hamaritana ny asa fandroahana feno fahasahiana ao amin'ny faritra Guangping, dia mifanaraka tsara ilay anarana. Namela ny firenena tao anatin'ny fahatsiarovana maharary sy lesona lalina ny “Dingana Lehibe Androsoana”. Satria miala amin'ny zava-misy ary mandika fitsipika manan-danja ity karazana fampandrosoana ity, ka tokony hosazina araka ny fitsipika. Ny mahagaga dia ny governemantan'i Guangping no nanao ny fahadisoana  “manadino ny fanaintainana taorian'ny fahasitranan'ny ratra.” Mbola hanohy ireo fandroahana manelingelina sy tetikasam-panorenana ihany ve izy ireo?

Gaoyuan-Zhixing manoratra ao amin'ny bilaogy fa na dia tsy niraharaha ny sitrapon'ny vahoaka aza, dia manaiky fotsiny ny toro-lalan'ny lehibeny avy ao amin'ny Tanànan'i Handan, fahefana misahana ny faritra Guangping ireo tompon'andraikitry ny faritra:

对于广平县的领导在不调查研究,不把群众利益放在工作的出发点上而盲目地迎合上级的意图,不顾及损害群众利益违的法行为我们不值得同情,而且非常愤恨。但,把所有的过错都怪罪于广平,所有板子都打在广平的屁股上倒是真有点怨,因为至少人家是在执行上级的命令啊,是在完成上级制定的目标任务啊,其实问题的根源不在广平,而在上级邯郸市。

Raha mikasika ny tsy fisian'ny fanadihadiana sy ny fikarohana avy amin'ny manampahefana ao Guangping, ny tsy fahombiazan'izy ireo hametraka ny mahasoa ny olona ho laharam-pahamehana amin'ny asany sy ny fanatanterahana an-jambany ny sitrapon'ireo manampahefana ambony, ny tsy fisainan'izy ireo manimba ny vahoaka sy ny fihetsika mandika ny lalàna- dia tsy mendrika finamanana izany fa fanoseham-bohontanana. Saingy diso lalana ny fanomezan-tsiny rehetra ho an'ny faritra Guangping, sy mamelively azy ireo. Manatanteraka ny baiko avy any ambony fotsiny izy ireo. Ireo [tompon'andraikitra] ambaratonga ambony no mamaritra ireo asa rehetra ireo. Tsy ny Faritra Guangping akory no fiandohan'ny olana , fa ny lehibeny, ny tanànan'i Handan.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.