Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Shina: Tandremo! Mamoaka tsiambaratelom-panjakana ny Google Earth 

(Fanamarihana: Lahatsoratra nivoaka tamin'ny volana May 2010)

Ny 6 May 2010,nampanantsoin'ny Diviziona Fitantanana ny Renivohitra sy ny Fanajariana ny Tany ao Shenzhen ilay bilaogera fanta-daza, William Long fa hoe ahiahiana ho namoaka ny tsiambaratelom-panjakana ny sarin'ny Google Earth manondro ireo toby miaramila ao amin'ny www.moon-bbs.com . Nandritra ny resadresaka, nisy olona nandrakitra an-dahatsary ny dingana iray manontolo. Namafa ilay lahatsoratra ilay bilaogera taorian'ny fihaonana ary namadika ny tranonkala hiala an-tserasera.

Ny 17 May 2010, nasongadin'ny fandaharan'ny CCTV “Topics in Focus” manerana ny firenena anefa ilay  raharaha. Nanombantombana  ny mpisera anaty aterineto fa eo am-pametrahana ny politika hamerana ny fampiasana ny “Google Earth” ny governemanta. Nanombana avy amin'ny zavatra hitany teo aloha i Jason Ng avy any Kenengba  fa hihatra ilay politika ao anatin'ny 10 andro.

Tao amin'ny fandaharan'ny CCTV, ankoatra ny toby miaramila dia heverina ho tsiambaratelom-panjakana ny foiben'ny herinaratra, ny toerana fanangonana rano, ny toeram-pamokarana herinaratra, ny fitaovana fifandraisana ary ireo fitaovana hafa mifandraika amin'ny tombontsoa ara-toekarena sy ny tombontsoa ara-tsosialy ary tsy tokony aseho amin'ny alàlan'ny sarintany amin'ny zanabolana an-tserasera.

Araka ny lalàna efa misy, mampigadra 3 ka hatramin'ny 7 taona an-tranomaizina ny fivoahan'ny tsiambaratelom-panjakana, na niniana na tsy niniana natao . Mety hahatratra 5 ka hatramin'ny 10 taona ny sazy ho an'ny raharaha goavana.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.