Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tian'ireo Kolombiana mpanao gazety ireto ampahafantarina anao fa tsy maherifo izany Pablo Escobar izany

Pikantsarin'ny toko iray amin'ny “Pablo Escobar is a Hero,” an'i La Pulla hita ao amin'ny YouTube.

Tsy nanomboka tamin'ny andian-tantara ao amin'ny Netflix ity toe-javatra ity, saingy azo heverina marimarina fa namelona indray ny toerana misy an'i Pablo Escobar ilay lehiben'ny mpanondrana rongony nandritra ny taompolo 1980 ao amin'ny kolontsaim-bahoaka ao Amerika Avaratra ny Narcos. Hatramin'ny nivoahany voalohany tamin'ny taona 2015, niteraka adihevitra momba ny endrik'i Colombia tsy mety afaka eo amin'ny sehatra iraisampirenena ho paradisan'ny cocaine anjakazakan'ny mpanondrana rongony be mpitia ity andian-tsarimihetsika mampiady hevitra ity.

Ho setrin'izany, nanao lahatsary mamaly ireo olona mbola manandratra an'i Escobar ho “maherifo”  ireo Kolombiana mpanao gazety ambadiky ny fantsona YouTube La Pulla (“ilay mpanaraby” amin'ny teny espaniola), tetikasan'ny gazety kolombiana El Espectador. Ao anatin'ireo tantarainy, asongadin'ny lahatsary ireo fotoana nampihotakotaka — sy ny antontanisa — amin'ny iray amin'ireo fotoana maizina indrindra eo amin'ny tantaran'i Colombia, toy ny famonoana ny tale teo aloha Guillermo Cano tao amin'ny El Espectador tamin'ny 17 desambra 1986, sy ny fanafihana tamin'ny baomba teo akaikin'ny fasanan-dry zareo tamin'ny Septambra 1989.

It is common in other countries to see people with T-shirts of him, encouraged by series such as Netflix's ‘Narcos’. And then when they come to Colombia they pay a lot of money to go on a tour so they can admire his great accomplishments. […] This “hero” prompted thousands of people to run towards drug trafficking money [like] pigeons chasing corn and rendered the national economy into a little pot to launder the money that came from drug trafficking. This “hero” was not a friend of the people: he committed 623 attacks, left 1710 civilians in pain, and killed 402.

This “hero” forced us to escape from an abandoned briefcase in the street or from a stationed car with no one inside [thinking] there [it was] one more bomb. This “hero” forced us to stay indoors, to suspect from everyone, and to react with fire and violence. This hero forced us to live in constant fear.

Toa mahazatra ny mahita olona manao t-shirt ahitana ny sariny any amin'ny firenen-kafa, ampirisihan'ny andian-tsarimihetsika toy ny ‘Narcos’ ao amin'ny Netflix. Ary avy eo ry zareo tonga ao Colombia mandany volabe mandeha fitetezantany mba ahafahan-dry zareo mankafy ny zava-bitany. […] Io “maherifo” io no mahatonga olona an'arivony hikazakazaka ho an'ny amin'ny vola nanondranana rongony [tahaka] ny voromailala mihaza katsaka sy mahatonga ny toekarem-pirenena mankao amin'ny vilanikely hamotsiana ny vola avy amin'ny fanondranana rongony. Tsy sakaizam-bahoaka io “maherifo” io: nanao fanafihana in-623 izy, nampangirifiry sivily 1710, ary nahafaty olona 402.
Nanery anay io “maherifo” io handositra valizy nilaozan'olona eny an'arabe na amin'ny fiara iray mijanona tsy misy olona ao anatiny noho ny [fieritreretana] fa mbola mety hisy baomba ao. Nanery anay io ‘maherifo’ io hipetraka an-trano, hiahiahy ny hafa rehetra, ary hamaly amin'ny tifitra sy ny herisetra. Nanery anay hiaina ao anatin'ny tahotra mandrakariva io maherifo io.

Ny fitetezantany voatonona ao amin'ny lahatsary fantatra amin'ny hoe Narco Tours, ary tarihin-dry zareo manavatsava ny tanànan'i Medellin any amin'ireo toerana mifandraika amin'ny fiainan'i Pablo Escobar ny mpizaha tany. Niara-niasa i Global Voices sy i Radio Ambulante tamin'ny taona 2018 namariparitra ny fitetezantany tao amin'ny iray amin'ny andiany tamin'ny fandraketa-peo nahazoany loka.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.