Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Shina: Voaheloka higadra telo taona ilay mpitantana ny tranonkala mpiaro ny zon'olombelona 

(Marihina fa tamin'ny volana Novambra 2009 no nivoahan'ny lahatsoratra teny Anglisy)

Nogadraina telo taona an-tranomaizina tamin'ny 23 Novambra 2009 tao amin'ny tribonalin'ny distrikan'i Chengdu Wuhou noho ny “fananana tsy ara-dalàna ny tsiambaratelom-panjakana” mifandraika amin'ny lahatsoratra navoakany tao amin'ny tranonkalany i Huang Qi, mpanorina ny Foibe Tianwang ho an'ireo Olona Tsy Hita (izay nantsoina taty aoriana hoe Foiben'ny Zon'Olombelona Tianwang ).

Araka ny tatitry ny BBC, nilaza ny vadin'i Huang, Zeng Li fa “valifaty” ny didim-pitsarana noho ny fandraisany anjara tamin'ny raharahan'ny horohorontany satria azon'ny rehetra jerena ny fampahalalam-baovao azony. Ary nilaza ny Amnesty International fa lasibatra i Huang tamin'ny andiana lalàna mifehy ny tsiambaratelom-panjakana ao Shina ary nitaky ny famotsorana azy tsy misy hatak'andro izy ireo.

Natsangana ny tranonkaka Tianwang tamin'ny voalohany mba hanampiana amin'ny fanoherana ny olan'ny fanondranana olona an-tsokosoko tany Shina tamin'ny taona 1998, saingy nitarina izany taty aoriana tamin'ny alàlan'ny fampidirana ny fanentanana manohitra ny fanitsakitsahana ny zon'olombelona. Taorian'ny horohorontany tany Sichuan tamin'ny taona 2008 dia nanampy ireo ray aman-dreny namoy ny zanany i Huang noho ny olana momba ny fanamboarana fefiloha ary nanome toro-hevitra ireo fianakaviana izay nanana zanaka miisa dimy maty ka naniry hitondra ny raharaha tany amin'ny fitsarana mba hitory ireo manampahefana tao an-toerana taorian'ny horohorontany. Nalain'ny polisy tao Chengdu i Huang tamin'ny volana Jona 2008 ary notanana am-ponja hatramin'ny fotoana nanoratana.

huangqi

Ity no fisamborana faharoa an'i Huang. Nosamborina izy tamin'ny 3 Jona 2000 noho ny fiampangana azy tamin'ny “fandrisihana fanakorontanana” ary voaheloka higadra dimy taona an-tranomaizina. Voampanga ho namoaka lahatsoratra momba ny hetsi-panoherana nosoratan'ireo mpanohitra monina any ivelany izy tao amin'ny tranonkalany.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.