Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tari-dalana DigiActive ho an'ny fikatrohana amin'ny Twitter

(Lahatsoratra teny Anglisy efa tamin'ny volana Janoary 2009)

Vao avy namoaka ny The DigiActive Guide to Twitter for Activism ny DigiActive, fikambanana natokana hanampiana ireo mpikatroka eny ifotony manerantany mba hampiasa teknolojia nomerika. Taorian'ny fihetsiketsehana vao haingana tao Moldavia, tena malaza tsy mbola nisy toy izany ny lanjan'ny Twitter amin'ny maha fitaovana ho an'ny fikatrohana nomerika azy. Ankoatra ny fitondrana fanentanana lehibe ao amin'izany fitaovana izany, nampiseho ny tsy fahatakarana ny lanjan'ny Twitter ho an'ny fikatrohana ny tabataba manodidina an'i Moldavia ary na dia namaly mafy aza ireo realista (mpanaiky ny zava-misy), dia tsy nisy loharanm-baovao tokana izay namaritra mazava ny fahafahan'ny mpikatroka mampiasa ny Twitter. Manantena ny DigiActive fa hameno izany banga izany ity tari-dalana ity.

click image to download guide

Tsindrio ny sary rakotra raha hitroka ny tari-dalana (endrika PDF)

Manome vaovao marobe momba ny fikatrohana amin'ny Twitter ny tari-dalana. Manomboka min'ny fampahafantarana ny sehatra (p. 5) sy ny  terminôlôjiany (teny teknika ao aminy) izany (p. 6) ary mampiseho ny fomba dimy fampiasana ny Twitter ho an'ireo mpikatroka, izay samy voaravaky ny tranga fanadihadiana (p. 6-11). Mampiseho paikady isan'ambaratonga amin'ny fampiasana ny Twitter ho an'ny fanovana ara-politika sy ara-tsosialy avy eo ny tari-dalana (p. 12) miaraka amin'ny lisitry ny azo atao sy ny tsy azo atao (p. 14) ho an'ireo mpanao fanentanana. Faranan'ny tari-dalana amin'ny loharanom-baovao fanampiny ho an'ny mpisera Twitter, tahaka ny fampiharana manampy anao hampiasa Twitter (p. 16), vakiteny fanampiny (p. 20), ary koa safidy hafa ankoatra ny Twitter (p. 18).

Nosoratan'i Andreas Jungherr, master amin'ny siansa ara-politika tao amin'ny Oniversiten'i Mainz ao Alemaina ny tari-dalana ary nodinihana indray sy nohatsarain'ireo manam-pahaizana, mpikatroka sy ny ekipan'ny DigiActive mba ho vakianao finaritra. Omeo ny hevitrao azafady ao amin'ny takelaka fanehoan-kevitra etsy ambany.

(niarahana nanoratra, nasiana fanovana bitika, avy amin'ny DigiActive.org)

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.