Sarin'ny mpiantsehatra iray maka sary ho Nakano Takeko, vehivavy mpiady malaza sady mpitari-tafika niady sy maty nandritra ireo taona farany nisian'ny Shogunate tao Japan. Sary avy amin'ny Wikipedia, azon'ny rehetra ampiasaina.

Tetikasa iray mamoaka fampahafantarana fohy ireo vehivavy malaza ao Japan iray isan'andro ao amin'ny Facebook sy Twitter ny Celebrating Women in Japan [fankalazana ny vehivavy ao Japan].

Iray amin'ireo vehivavy vao nampahafantarina vao haingana ilay Rumiko Takahashi, mpamorona tantara an-tsary mangà manana ny lazany.

Yesterday, Rumiko Takahashi was awarded the Grand Prix at the prestigious Angouleme International Comics Festival for her contribution to the development of manga. Congratulations. Her work was described as ‘extremely progressive’. ????㊗ #Japan #CelebratingWomeninJapan pic.twitter.com/YkowwZqKCB

— CelebratingWomeninJapan (@womenofjapan) January 25, 2019

Omaly i Rumiko Takahashi nahazo ny Loka Lehibe tao amin'ny fetibe iraisampirenen'ny tantara an-tsary ao Angouleme noho ny fandraisany anjara tamin'ny fampivoarana ny manga. Arahabaina. Nofariparitana ho ‘maoderina indrindra’ ny asa nataony.

Melanie Brock, mpanolotsaina iray eo amin'ny sehatry ny fihariana iraisampirenena ao Japan no mitarika izao tetikasa izao ary nakana aigam-panahy avy amin'ny fanentanana mitovitovy amin'izao notarihan'i Kirstin Ferguson tamin'ny taona 2017. Nokendren'i Ferguson, avy ao Aostralia, tamin'izany ny hanoherana an-tserasera ny fihoaram-pefy atao mandrakariva amin'ny vehivavy. Nampiasaina tamin'izany ny farangoteny #celebratingwomen ho “fomba iray hisian'ny fankalazana bebe kokoa ny vehivavy mihoatra noho ny fanaratsiana.”

Matetika ireo vehivavy ampahafantarin'ny fankalazana ny vehivavy ao Japan no manana tolo-kevitra ho an'ny vehivavy hafa miezaka ny hahomby amin'ny asany na amin'ny fiainany amin'ny ankapobeny. Keiko Kojima, Japoney mpampianatra sekoly ambony iray, olona manana ny lazany amin'ny televiziona ary mpanao tantara foronina, no vehivavy voalohany nanaovan'ny fankalazana ny vehivavy ao Japan antsafa voalohany tamin'ny taona 2018. Ny soso-keviny?

#Advice for younger generation: Look after friends who you can have constructive debate with. Think carefully about the type of world you want to live in. Strive hard to build it – and smile as you go. Do all you can to support yourself as you seek to create that place. ?? pic.twitter.com/c2z69bKBvR

— CelebratingWomeninJapan (@womenofjapan) April 2, 2018

Soso-kevitra ho an'ny tanora. Tadiavo izay namana ahafahanao manana resaka manorina. Eritrereto tsara ny karazana tontolo tianao iainana. Miezaha mafy hananganana izany – ary mitsikia hatrany mandritra izany. Ataovy izay rehetra azonao atao mba hananganana izany toerana izany.

Tsy voatery ho olona avy ao na tao Japan avokoa ny vehivavy ampahafantarin'ny Fankalazana ny vehivavy avy ao Japan. Monina manodidina ny tanànan'i Hiroshima any Japan andrefana, mpandraharaha sy mpandika teny ary olo-malaza amin'ny fampitam-baovao nahomby i Rachel Nicholson:

In 2006, Rachel Nicholson came to Hiroshima as a translator before pursuing her passion for baking and co-opening a small diner. In 2017, she returned to her writing roots and today she spends her days as a bilingual writer, translator, TV talent, and full-time food snob. ???? pic.twitter.com/PU3MR6c4wq

— CelebratingWomeninJapan (@womenofjapan) January 26, 2019

Tonga tao Hiroshima amin'ny maha-mpandika teny azy i Rachel Nicholson tamin'ny taona 2006 nialoha ny nanarahany ny fitiavany manao mofo sy mofomamy ary niara-nanokatra tamin'olon-kafa toeram-pisakafoanana kely iray. Tamin'ny taona 2017 izy niverina indray tamin'ny fitiavany voalohany tamin'ny fanoratana ary amin'izao fotoana izao izy mandany ny androny amin'ny maha-mpanoratra teny roa, mpandika lahatsoratra, talenta amin'ny fahitalavitra, ary amin'ny maha-mpahay sakafo azy.

Ny zavatra iraisan'ireo olona lazaina isan'andro ireo dia fahitana azy ireo ho avy amin'ny sarangam-piainana rehetra ary samy manana ny fanambiny sy ny fahombiazany manokana.

Today we celebrate Azusa Shiota. Azusa has recently become Japan’s first female member of the Japan Police Agency front line disaster and rescue team. ????#womenofjapan #rolemodel #CelebratingWomeninJapan pic.twitter.com/XCUHmbBDX5

— CelebratingWomeninJapan (@womenofjapan) January 29, 2019

Anio isika mankalaza an'i Azusa Shiota. Vao haingana i Azusa no vehivavy voalohany mpikambana ao amin'ny sampan-draharahan'ny polisy mpamonjy voina mpiditra an-tsehatra voalohany amin'ny fanavotana olona ao Japan