Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Shina: Nahazo onitra ireo mpiserasera nogadraina 150 andro

(Efa tamin'ny volana Septambra 2009 no nivoahan'ny lahatsoratra teny Anglisy)

Notazonin'ny polisy i Duan Lei, mpiserasera Shandong tamin'ny febroary 2009 noho ny fiampangana azy ho “manala-baraka” ny sekreteran'ny antoko eo an-toerana, Guo Feng, ao an-tanànan'i Zhuang Zai.

Araka ny tatitry ny Xinhua, niampanga an'i Guo Feng tamin'ny kolikoly sy fivarotana zava-mahadomelina ary fivarotan-tena tao amin'ny KTV i Duan. Nihevitra ny mpiraki-kevitry ny vahoaka ao amin'ny Cao County fa niteraka “fiantraikany ratsy” sy “fikorontanana ara-tsosialy” ny lahatsoratra navoakan'i Duan ka nametraka fitoriana azy tamin'ny 3 Jolay izy.

Nanambara ny mpisolovava an'i Duan Lei fa tamin'ireo lahatsoratra enina nosoratan'i Duan navoaka antserasera, nisy nijery in-79 ny telo tamin'izy ireo raha tsy dia be mpijery kosa ny hafa, tsy mitombona araka izany ny fiampangana momba ny “fiantraikany ratsy” sy ny “fikorontanana ara-tsosialy”. Niakatra fitsarana tsy nisy nahazo nanatrika tamin'ny 17 Jolay i Duan. Nesorin'ny mpiraki-kevitry ny vahoaka ny fitoriana noho ny tsy fisian'ny porofo ary navotsotra tamin'ny fitazonana azy 150 andro i Duan Lei.

Nilaza ny vaovao Xinhua tamin'ny 31 aogositra fa nahazo onitra 16 arivo RMB (manodidina ny 2.200 dolara) i Duan noho ny fitazonana azy naharitra 150 andro. Ny mpiraki-kevitry ny vahoaka nandoa (11.798 yuan) ary ny polisy eo an-toerana nandoa (5.000 yuan).

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.