Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Maraoka : Nosamborina ilay bilaogera Bachir Hezzam

(Tamin'ny volana Desambra 2009 no nivoahan'ny lahatsoratra voalohany)

[Fanavaozam-baovao ny 15 Desambra (2009) : Nomelohina sazy mihatra efa-bolana an-tranomaizina sy handoa onitra mitentina 500 Dirham i Bachir Hezzam. Voaheloka higadra herintaona an-tranomaizina ihany koa ilay tompona cybercafé ary nandoa onitra mitentina 500 Dirham] .Nosamborina ny 8 Desambra 2009 ilay bilaogera Maraokana Bachir Hezzam, rehefa namoaka an-tserasera tao amin’ny bilaoginy ny fanambarana an-gazety momba ny fifandonana nandritra ny fihetsiketsehana nitranga tany Tarjijt, izay nahitana ny fifandonan’ny polisy sy ireo mpianatra. Nanontaniana momba ny asa ataony ao amin’ny bilaoginy izy, indrindra tao amin’ny lahatsoratra nataony farany, izay nisy ireo sonian’ny komitin’ny mpianatra efa nosamborina koa.

Nosamborina i EI Bachir Hezzam, mpianatra literatiora, 26 taona, nogadraina tao amin’ny efitra mitokana aloha izay vao nampiarahana tamin’ireo gadra hafa tao am-ponja.

Natsangana hanohanana ilay bilaogera nogadraina tao amin’ny fonjan’i Goulmim any Atsimon’i Maraoka ny vondrona iray tao amin’ny Facebook . Voampanga ho namoaka tao amin’ny bilaoginy ‘’AI Boushara’’ (‘’Ny vaovao mahafaly’’) ny fanambarana momba ny firotsahan’ny polisy an-tsehatra tamin’ny mponina iray tao Goulmim izy.

Araka ny voalazan’ny Filohan’ny fikambanan’ireo bilaogera Maraokana, naraha-maso daholo ireo toerana cybercafé tao an-tanandehibe mba hanakanana ireo mpisera Aterineto tsy ho afaka hampiely vaovao momba ity tranga ity, ary hisorohana ny korontana. Nosamborin’ireo manampahefana ihany koa ireo olon-kafa noahiahiana nandefa vaovao momba ny hetsi-panoherana, anisan’izany ny mpiasa iray tao amin’ny cybercafé iray nanana taratasy filazana sy ny peta-drindrin’ilay hetsi-panoherana.

Fantatra fa niakatra fitsarana i Bachir Hezzam ny Alatsinainy 14 Desambra 2009.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.