Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Korea: Aza ampitomboina ny taonako!

(Marihina fa tamin'ny volana Aogositra 2007 no nivoahan'ny lahatsoratra teny Anglisy)

Any Korea, misy fomba roa hanombantombanana ny taonanao: amin'ny fomba Koreana sy amin'ny fomba Tandrefana. Ny fomba Koreana no fomba ofisialy hikajiana ny taonanao any Korea. Raha vao teraka ianao dia efa iray taona. Na oviana ianao no teraka (toa ny 31 Desambra), dia ho roa taona ianao amin'ny kalendrie amin'ny taona manaraka (1 Janoary). Tsy niteraka olana na niteraka fitarainana avy amin'ny Koreana raha tsy vao haingana ny fomba Koreana amin'ny fanisana ny taona. Ny herijika hananan'ny Koreana hihaona amin'ny olona avy any amin'ny toerana hafa no vao mainka mampikorontana azy ireo rehefa mamaly momba ny taonany. Ary miaiky izy ireo fa heverina ho zokiny kokoa noho ireo olona tsy Koreana hafa mitovy taona amin'izy ireo. Ankoatra izay, saika heverina ho fijoroana vavolombelona diso ny fanambarana nataon'ny Vehivavin'ny Fahafinaretana noho ity fahasamihafana misy eo amin'ny fikajiana ny salan-taona ity sy ny tsy fifankahazoan-kevitra.

Ary mazava ho azy fa tsy misy olona te ho antitra haingana. Nanao fangatahana mba hiray hina amin'ny rafitra fanisana ny ventin-taona amin'ny fomba Tandrefana tao amin'ny vavahadim-baovao iray ny mpisera iray, ‘Fangatahan'ny Mpisera.’ Nahazo valiny marobe ny fangatahana.

얼마전부터 법정 계량단위가 사회적으로도 공연히 이용되게 되었는데, 나이에 대해서도 우리나이보다는 국제적인 시류에 맞는 나이체계를 가졌으면 하는 바램입니다…
안 그래도 우리나라 남자들은 군대 갔다 오면 2년이 날아가는데 거기에 우리나이까지 더해서…..몇 살은 더 공까먹는 느낌입니다..)

Vao haingana no niova ara-dalàna ny fanisana ny ventin-taona ary ampiasaintsika ampahabemaso izany amin'izao fotoana izao. Manantena aho fa ny fikajiana ny tahan'ny taona dia miova araka ny fironana iraisam-pirenena …
Mahatsapa ireo lehilahy Koreana fa nalaina ny roa taona teo amin'ny fiainany noho ny asa fanompoana miaramila … ary avy eo dia ampiana ny taona iray na roa taona amin'ny rafitra fanisana taona Koreana … tsapako fa very taona maro aho.

Faly niara-nanaiky an'io fangatahana io ny ankamaroan'ireo mpisera aterineto. Ho an'ny mipetraka any ivelany, sy manana fahafahana mihaona amin'ny olona avy any amin'ny firenen-kafa, ary manana faniriana ho tanora kokoa, dia nipoitra ny karazana hevitra rehetra ny amin'ny hoe nahoana no tokony hiova izany.

Nanoratra i Girl Nina,

외국 살면서 만으로 계산 하다보니, 한국사람이 나이 물어보면 가끔 난감하더라구요.

Tamin'ny rafitra fomba fanisana Tandrefana no nanombanako ny taonako rehefa nonina tany ivelany nandritra ny fotoana kelikely aho. Ankehitriny aho dia misavoritaka mikasika ny taonako rehefa manontany izany ny Koreana

Saingy misy ihany koa ny mpanohitra .

Hoy i Bomdol:

반대합니다. 자꾸 우리의 것을 버리려고 하는데 결코 좋지 않은 일입니다.

Manohitra aho. Toa misy ny fironana hanilihana ny kolontsainantsika manokana. Tsy tsara izany.

Hoy ny MC7L,

생명존중사상, 윤리적 도적적으로 우리식 나이계산법이 매우 바람직합니다… 이것은 우리가 고칠게 아니라 외국이 고쳐야 한다고 생각하네요… 우리식 나이를 세계 표준 나이 계산법으로~~~

Filozofia mba hanajana ny fiainana. Heveriko fa mahafinaritra amin'ny lafiny ara-etika sy ara-moraly ny fomba fikajiana ny taona amin'ny Koreana … Tokony hanova izany ny firenena hafa, fa tsy isika.

Nampiseho ny maha-zava-dehibe ny taona ao Korea i Haneul Woomul. (Ilaina ny fahafantarana ny taonan'ny olona ifampiresahana amin'ny fiteny Koreana. Rehefa mihaona voalohany amin'ny vahiny iray, ny manontany ny taona no atao voalohany ary aorian'izany dia afaka manapa-kevitra amin'izay anarana ifampiantsoana ry zareo.)

난 지금이 좋은데?ㅋ 우리만의 나이를 세는 문화자나요 뭐하러 통일? 글구 나이 별로 안중요함 세계적으로 나갈수록…;; 별로 공개도 안하고 사는 외국인들…

Tiako ny fombantsika ankehitriny. Izany no kolontsainantsika momba ny fanisana ny taona. Nahoana isika no tsy maintsy miray hina? Ary avy eo .. tsy dia manan-danja loatra ny taona . Indrindra moa fa tsy mampiseho ampahabemaso ny taonany loatra ireo any amin'ny firenena hafa.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.