Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Pakistana: Bilaogin'ny Fiafenana

(Fanamarihana: lahatsoratra nivoaka tamin'ny Martsa 2007)

Lalina avy ato anatin'ny toeram-piafenana ambanin'ny tany vao azoko aho no manoratra ity lahatsoratra ity. Ny antony nisafidianako toerana ambanin'ny tany tahaka izao dia tsy hoe akory be fanahiana aho ny amin'ny fifandirana mananontanona ao Afovoany Atsinanana izay hivadika nokleary (na dia antony iray mitombona aza izany) fa satria niakatra be ny lazan'ny bilaogiko, niala taminà mpanaraka roa mampalahelo ka nahatratra isa goavana, mpanaraka 3 sy tapany. Teckel manana tongotra telo variana amin'ny ezaka mampalahelo ataoko amin'ny eso ara-politika ilay tapany. Noho io vondron'olona tia ahy diso tafahoatra io dia nanapa-kevitra ny hiafina anatin'ny lavabatoko vaovao tsy misy mahafantatra aho, mba tsy ho tototry ny fangatahana sonia.

Hita anatin'ny fehy androany ny fangaro mahaliana misy ireo lahatsoratra anaty bilaogy Pakistaney, isan'izany ny tsikera an-tsoratra, an-dahatsary ary amin'ny alàlan'ny podcast. Hatombotsika amin'ny lahatsoratra mandóna farany nosoratan'i Fountainhead manome ny antsipirian'ny faharavan'ilay Fanjakàna Mirenireny (rohy maty) izany.

Tsy misy mampalahelo noho ny fahitàna fa lasa mpanararaotra fahefana ihany koa ny firenena iray izay nandray ho eo an-tratrany ireo niharan'ny fanararaotam-pahefana hafa an-jato taona mahery izay. Ary noho io nataony io, nandavaka ny fasana hilevenany izy.

Mbola manantena i Glasshouse manoloana ny fahamatoran'ny fifandirana eo amin'i Etazonia sy i Iran.

Tato ho ato aho dia matetika mifanena amin'olona toa rako-tahotra ny amin'ny mety hisian'ny ady eo amin'i Etazonia sy i Iran. Ny Bilaogeranao, izay be fanantenana hatrany, dia te hino fa ny zavatra hitantsika amin'izao dia tsy inona akory fa ohatra hafa iray amin'ny fitiavan'ny Fitantanana Bush mampihorohoro amin'ny alàlan'ny tafika.

Mila milaza aminareo aho fa somary goavambe ihany ny fonenako vaovao anaty lavaka. Hita ao anatiny ny farihy ambanin'ny tany, mpamorona herinaratra roa goavana, solosaina iray tafiditra Aterineto 24ora/24 ary famatsiana “spams” sy Twinkies hiatrehako ny filàko manokana ara-sakafo.

Indrisy, tsy afaka manoratra betsaka ao amin'ny bilaoginy i Suspectpaki, iray amin'ireo bilaogera namako ela indrindra, noho ny tsy fahasalaman'ny masony. Nifidy ny hanao podcast izy noho izany, manome taim-bava tsisy fanomanana, izayhita fa tsikera mitombona ara-piarahamonina sy ara-politika. Tsy maintsy mihaino izany ianareo rehetra.

Bilaogera Pakistaney iray hafa, Bring The Funny (na i Sami Shah), ny lahatsorany izay narahiko akaiky nandritra ny volana vitsy lasa, tsy hoe satria manao tsikera tena mampihomehy fotsiny izy fa satria koa mpanao hatsiaka an-tsehatra matihanina. Rehefa nikiry be aho, ary azoko antoka fa nanao toa ahy koa ireo mpankafy maro, nampiditra rohin'ireo rakipeo sy lahatsary nandritra ny seho an-tsehatra nataony izy. Sosokevitra goavana ity, tsidio izy ireo satria tena mifandray amin'ny zavamisy ny hatsikana ataony.

Farany, manome ny fandalinako ny fiampangàna (rohy maty) an'i Scooter Libby aho. Tsy vitan'ny hoe lalina fotsiny ny votoaty anatin'io lahatsoratra io fa vao haingana ihany koa izy no voatendry hahazo ilay mari-pankasitrahana ho an'ny Mpilalao Sarimihetsika Mendrika indrindra noho ny vazivazy fanarabiana niseho ho toy ny lahatsora-baovao tena matotra.

Hiala aho izao ary hitsotsotra anatin'ny trano fonenako vaovao, izay tena mitovy amin'ny “Bat Cave“. Ny hany mahasamihafa azy dia tsy i Alfred (Mpanompon'i Batman) no ahy, fa ity singan'olona mahantra, be volombava ity no mba mpanompoko, izay rehefa dinihako, toa misy fitovizana hafahafa amin'i Ossama Bin Laden. Andraikaky ô, ampio aho!

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.