Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Hitanjaka ny Vovonambe Sosialy Iraisam-pirenena

(Fanamarihana: lahatsoratra nivoaka tamin'ny Janoary 2006)

Herinandro mialoha ny fisokafan'ny World Social Forum andiany Fahenina (Vovonambe Sosialy Iraisam-pirenena), tsy dia miraharaha loatra ilay hetsika ny tontolon'ny bilaogy Venezoeliana.

Ny bilaogy Aporrea mpomba ny fitondrana irery ihany no weblog mamoaka vaovao momba ny WSF isan'andro. Fitaterana ny voalazan'ny masoivoho mpampiely vavaom-panjakana, ABN, ny ankamaroan'ireo lahatsoratra ireo. Mandritra izany fotoana izany, mandrakotra ireo vaovao momba ny Alternative Social Forum (Vovonambe Sôsialy Solony) (rohy maty) ny bilaogy tsy refesi-mandidy, Colectivo La Libertad, io hetsika io izay hotanterahin'ireo fiaraha-mientana tsy refesi-mandidy ao Venezoela amin'ny herinandro hanatanterahana ny WSF mihitsy. Manoratra momba ny fandaharam-potoan'ny WSF sy ny Alternative Forum ny Reste@dos.

Fihetsehampo iraisan'ireo bilaogera Venezoeliana ny fahatsapàna fa mety tsy haneho tsara ny fanahy nisy tao Porto Alegre ity andiany fahenin'ny WSF ity satria heverina fa hifehy ireo toerana rehetra hanaovana ny Vovonambe ireo mpiasan'ny tafika sy ireo mpiambina filoham-pirenena. Noho izany, hita ho mety kokoa ho an'ny vahoaka mitsinjo ny fiarahamonina ity hetsika Solony ity mba hizaràna hevitra tsy ilàna “fianianana tsy hamadika” ny filoha Venezoeliana.

Ny hetsika mifandraika amin'ny WSF mba hany mahasarika ireo bilaogera Venezoeliana dia ny fanasàna misokatra handray anjara anatinà fijoroan'olona marobe miboridana halain'i Spencer Tunick sary. Bilaogera Venezoeliana roa amby folo fara-fahakeliny no nianiana fa ho avy.

Tenifototra:

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.