(Fanamarihana: lahatsoratra nivoaka tamin'ny Septambra 2012)
Tokony hihoatra an'i Etazonia i Sina amin'ny isan'ireo trano manaka-danitra. Araka ny voalazan'ny MotianCity, fikambanana mpanao fikarohana ao Sina, 470 ireo trano manaka-danitra ao Sina amin'izao fotoana, ny 332 amin'ireo an-dàlam-panamboarana ary ny 516 kosa mbola anaty vinavina. Amin'ny 2022, hahatratra 1.318 ny isan'ireo trano manaka-danitra ao Sina raha 563 kosa ny any Etazonia.
Ho fanampin'izay, ho resin'ny tilikambo mirefy 838 metatra amin'ny halavàna ao Changsha ilay tranobe avo indrindra (828 metatra) any Dubai rehefa tonga izany fotoana izany. Hahatratra maherin'ny 1.700 lavitrisa Yuan ny taotalim-bola miasa amin'ny fananganana trano manaka-danitra. Kanefa na misy aza ireo olompirenena Sinoa mankalaza ny fahavitan'ireo fananganana ireo, maro kosa no miasa saina amin'ilay ‘ozon'ny trano manaka-danitra’.
Araka ny tatitry ny Tondro momba ny Trano Manaka-danitra naroson'i Andrew Lawrence tamin'ny Janoary 1999, matetika dia ny andro mialoha ny faharavan'ny toekarena no hitsanganan'ireo tranobe avo indrindra eran-tany ireo. Miakatra ambony be ny fampiasam-bola amin'ny trano manaka-danitra rehefa manomboka mitotongana ny toekarena.
Shanghai Putong's skyline in 2009. Photo by Remko Tanis (CC: BY-NC-SA)
Ity ambany ity misy adihevitra voafantina momba ny tatitry ny Southern Metropolis [zh] (rohy maty) amin'ny tantaran'ireo trano manaka-danitra avy ao amin'ny fahana fanehoankevitry ny Sina Weibo [zh]:
热狗方包：这个是不可能实现的，因为10年后中国的经济已深陷泥潭而不拔。
热狗方包: Tsy eritreretiko ho tsy azo tanterahina ny [fijery ho eny amin'ny fara-tampon'izao tontolo izao]. Afaka folo taona, Hihosona anaty fotaka ny toekaren'i Sina.
美容瘦身研究会：这个不仅是浮夸风。如果不进行政治改革，将玩完。出口倒了，消费起不来，因为贫富严重不均，政府投资越多，腐败越多，效率越低。当年苏联垮掉，因为投资已占鸡的屁70%以上。
美容瘦身研究会：Tsy kolontsain'ny firobarobana fotsiny ihany izao. Raha tsy misy ny fanovàna ny pôlitikantsika, ho voaozona tsy hahomby ny firenena. Rehefa rodana ny fanondranana; mihena ny fanjifàna, miharatsy kokoa ny elanelana misy eo amin'ny mahantra sy ny manana, hitombo ny kolikoly sy ny fahafatesana antoka eo amin'ny fampiasam-bolam-panjakàna. Rehefa nirodana ny Firaisambe Sôvietika, 70% tamin'ny Harin-karena Faobe ny fampiasam-bolam-panjakàna.
你的六等星：1.7万亿投入到教育医疗基础设施社会保障给中国带来的利益是那些华而不实的大楼所不能比的，政府这都想不到吗？
你的六等星：Mafonja kokoa ny tombontsoa azo avy amin'ny fampiasana vola 1.700 lavitrisa raha nolaniana tamin'ny fampianarana sy ny fahasalamam-bahoaka fa tsy tamin'ny trano manaka-danitra. Maninona no tsy manao izany ny governemanta?
矿工菅井利羽：神经病，造更多高楼去让恐怖分子开飞机撞吗？中国又不是缺土地，欧美欧洲日本这种早已知道摩天大楼没什么用了、现在也就迪拜中国这种暴发户热衷于这种东西了，呵呵
矿工菅井利羽：Adala. Mametraka toerana ahafahan'ireo mpampihorohoro manafika antsika ve isika miaraka amin'ireo trano manaka-danitra marobe ireo. Tsy mahita ny trano manaka-danitra ho manintona ireo firenena mandroso rehetra ao Eoropa, Amerika ary Japana. Ireo firenena vao nanan-karena ihany, tahaka an'i Dubai sy i Sina, no mirobaroba amin'ny fananganana tilikambo tahaka izao.
D9只耗子：摩天大楼的疯狂建立是经济大萧条的征兆
D9只耗子：Fambaran'ny fitotonganan'ny toekarena atsy ho atsy ny firobarobana amin'ny trano manaka-danitra.
在田人：城市就像人的肌体，最重要的就是健康。一个城市健康与否，要看功能配套是否完善，看抵御天灾人祸的能力怎么样，看市民的综合素质和文明程度高不高？光是城市表面的奢华亮丽，一场暴雨、或大火、或瘟疫，就足以把她撕裂。比赛建高楼，谁最高兴？市民吗？
在田人：Toy ny taovan'olombelona ny tanàna. Ny Fahasalamana no lehibe indrindra. Miankina amin'ny fiasany sy ny fahafahany manohitra ny loza ary ny asan'ny olompireneny sy ny fomba fihetsiny, ny fahasalaman'ny tanàna. Sarontava marefo mora simban'ny oram-baratra na ny afo goavana na koa ny areti-mifindra ny toetsaina mirobaroba ananan'ity tanàna ity. Iza no faly amin'io hazakazaka trano manaka-danitra io? Ho faly amin'izany ve ny olom-pirenena tsotra?
裸奔—蜗牛：给几点建议：1，入口处放体重秤一把 2，请气象局严格监控刮风下雨，飞禽动向，以防某只鸟飞行中打瞌睡不小心撞上，造成严重后果。3，看门人，电梯工给双倍工资，因其是高危职业，随时有顶锅、进号子的危险。
裸奔—蜗牛：Sosokevitra vitsivitsy: 1. mametrà fandanjana eo anoloan'ny fidirana; 2. tokony hanara-maso ny rivotra sy ny orana ary ny fihetsiky ny vorona ny mpiandraikitra ny famantarana ny toetrandro, sao sanatria misy vorona matoritory mifotetaka amin'ny rindrin'ireo tranobe ka mitondra loza. 3. tokony hanome karama avo roa heny ho an'ny mpiambina varavarana sy ireo mpiasa mpikirakira ireo fitaovana fampiakarana, asa mampidi-doza avokoa ireo ary mety voatery hitaty ny fahadisoana rehetra ry zareo rehefa tonga ny loza.
飞上蓝天390：建的越高，人民越穷，倒的越快！
飞上蓝天390：arakaraka ny haavon'ny trano manaka-danitra ny fahantran'ny vahoaka, ary miankina amin'izay koa ny hafainganan'ny fianjeràny.
