(Fanamarihana: lahatsoratra nivoaka tamin'ny Desambra 2006)
Sasany amin'ireo lohahevitra jerentsika ao anatin'ny fibangoana an'ity herinandro ity mikasika ny zavatra Indiana rehetra ny Tombontsoam-Pirenena, Wal-Mart, Aterineto, Barcamp, Bangalore sy ny Bollywood.
Nisy vondrona blaogy vaovao antsoina hoe Signal. Ny tombontsoam-pirenen'i India no nifantohan'io blaogy io. Efa maty ankehitriny ny rohy mitondra mankany aminy (http://www.signal.nationalinterest.in/)..
Nanome tolokevitra vaovao mba hamahana ny olana Kashmir ny Filoha Musharaff ao Pakistana. Manana fanadihadiana mikasika izany olana izany i Naveen Bharat [1] avy amin'ny Stratfor. Ity misy sombiny kely mahaliana avy tamin'ny fanadihadian'i Stratfor:
Fantratr'i Musharraf fa tsy hifanaraka amin'i India ny tolotra nomeny farany teo. Raha ny marina, tsy manana tolokevitra mivaingana izy — mampiasa ireo fantsona mpanely sy haino aman-jery fotsiny izy mba handefasana ireo hevitra.
Hanokatra trano fivarotana ao India ihany ny Wal-Mart, ilay goavamben'ny fivarotana antsinjarany avy ao Bentonville, amin'ny alaln'ny fiarahamiasa amin'ilay indiàna mpamatsy tolotra finday lehibe indrindra: ny orinasa Bharti Enterprise renin'ny Bharti Telecom,. Nitarika adihevitra maro mikasika ireo lafy tsarany sy lafy ratsiny amin'ny fanànana ilay trano fivarotana antsinjarany lehibe indrindra manerantany hiasa ao India ilay fikasan'ny Wal-Mart. Manoratra i Niti Bhan fa nahazo tontolo andro feno tsara niaraka tamin'ny fidiran'ny Wal-mart tao India [2] ny haino aman-jery Indiana.
Manana ny vaovao farany mikasika ny fomba ikasan'ny governemanta Indiana hanakana ireo rohy izay mandrahona ny fandriampahalemana, sns.. i Harish Palaniappan [3]. Faritan’ i Harish ilay vahaolana farany indrindra avy tamin'ny governemanta hanakànana ireo rohy ireo ao amin'ny varavarana Iraisam-pirenena sy ny lafiny tsara ary ny lafiny ratsy amin'ny hetsika toy izany.
Tamin'iny farany herinandro lasa teo iny, nataon'ny Barcamp Bangalora tao Bangalora ny andiany faharoany. Nanatrika kely ilay lasy aho ary nahita fa somary niafinkafina iny Barcamp iny. Manana famehezana tsara mikasika ny Barcamp Banglore II i SIdhi [4]. Manana famehezana mikasika ny Barcamp ihany koa i Shyam [5] .
An-dàlana ho lasa tanàna voalohany ao India miaraka amin'ny fahafahana feno miditra aterineto tsy mampiasa tariby i Bangalora. Manana lahatsoratra mikasika izany i Murali avy ao amin'ny Thought Garage ary koa ny antony mahatonga ireo mponina ao Silicon Valley [6] ho voasarika hihetsika tamin'ny alalan'ilay tetikasa Unwired tao Bangalora.
Manoratra i Portland Curry fa mikasa ny hanomboka fanontàna Indiàna ny Vogue [7], ilay gazetibokin-damaody.
Lehiben'ny famokarana sarimihetsika no sady mitoraka blaogy ihany koa i Shekar Kapur [8]. Manoratra izy fa nahavidy tapakila ho an'ilay sarimihetsika Bollywood Dhoom-2 [9] ihany izy nony farany. Ity misy tolokevitra mahaliana nataony: ovay ho Bodywood ny anarana Bollywood. Manana fanadihadiana ny Dhoom-2 i Sami . Somary niteraka adihevitra noho ny sehatra iray nisy fifanorohana ilay sarimihetsika. Manana lahatsoratra mikasika izany i Sakshi Juneja [10] ary mizara ny fomba fijeriny mikasika ity sehatra miteraka resabe ity.
Misy ity lahatsary mampihomehy ity zay antsoina hoe ny 12 Andron'ny Krismasy [11] ao amin'ny YouTube miparitaka any amin'ny Aterineto. Misy mahasamihafa azy ity iray ity: lantompeo sy votoaty Indiana. Ndeha jereo izany dia hiverina miaraka aminà tsiky be ianao.