- Global Voices teny Malagasy - https://mg.globalvoices.org -

Japana: Ny Ankizy amin'izao Fotoana

Sokajy: Azia Atsinanana, Japana, Lalàna, Mediam-bahoaka, Tanora, Vehivavy sy Miralenta

(Fanamarihana: lahatsoratra nivoaka tamin'ny Novambra 2007)

Inona no ataonao rehefa mankaleo anao ireo ankizivavy tanora mipetraka amin'ny tany ao anaty fiarandalamby [1], miresaka amin'ny findainy [2] ary manao toy ny any an-tranony, ianao kosa anefa reraky ny tontolo andro avy any am-piasàna ary mba te hiaina fotsiny? Nanapa-kevitra ny lehilahy iray 35 taona ao Yokohama fa tofoka tanteraka izy ka nandaka ilay ankizivavy 17 taona izay nipetraka sy niresaka tamin'ny namany teo akaikin'ity rangahy [3] (rohy maty), toa nodakany mafy ilay ankizivavy ka nidona tamin'ny varavaran'ilay fiarandalamby ny tarehany, nanapaka ny nifiny iray.

Mifangaro ny fomba fijerin'ireo bilaogera an'io tranga io, saingy maro tamin'izany no nangoraka ny fomba fihetsik'ilay rangahy. Ao amin'ny News Impression, manaiky io fomba io [4] ny bilaogera iray:

自分もたぶん蹴るだろうな。
言ってもわからない(無視して聞かない)腐ったガキには少し痛い思いさせても体に教えるしかないのは普通の教育だよ!

Mety ho nandaka azy koa aho.
Ireny ankizy diso ampihantaina be ireny izay tsy mivaky loha amin'ny [zavatra] lazainao azy (na mody tsy mahita anao sy tsy mihaino), na dia hamela tsiaro mangidy ho azy aza izany, amin'ny alalan'ny vatany ihany no fomba mandaitra hananarana azy — fanabeazana mahazatra izany!

Nanoratra momba ny zava-niainany nitovitovy tamin'izay sy ny saika nanaovany toa an'io rangahy io [5] (rohy maty) ny bilaogera Fukuro:

私も似たケースを経験しました。
電車内通路で少年達が座り込んで談笑していましたが、降りる時にその真ん中突っ切ってやりましたね。

Niaina tranga nitovitovy tamin'izao aho.
Niara-nipetraka tamin'ny làlan'ny olona ireo tanora ireo tao anatin'ny fiarandalamby, nafana ny resaka, ary rehefa nidina aho dia fanahy iniako nodikaina ry zareo.

睨んでましたが、睨み返してホームで待機していたらドアが閉まって行っちゃいました。
あそこで喧嘩になっていたら・・・

Novandrahako ry zareo, saingy vao niverina nijery ny làlana aho, nikatona ny varavarana ary niainga ilay fiarandalamby.
Raha nivadika ho fifandirana izany…

Manazava ireo olana mifandraika amin'ny ezaka hivoahana ny fiarandalamby [6] ankehitriny ny bilaogera iray hafa:

たとえば、しょぼいJRだと、乗り降りの際にいちいち、開閉ボタンを押さなくてはならない。
最近、こういう電車に乗ると、その開閉ボタンのある位置に立っていて、そのボタンを押そうにもそこに立っているひとが、何かのゲームに夢中だったりして、降りたくても押したくても押せないときがある。

Ohatra, ambonin'ilay JR [fiarandalamby] tsy misy ilàna azy, tsy maintsy manindry bokotra ianao isaky ny hiditra sy hivoaka mba hamohana ireo varavarana.
Tato ho ato, misy fotoana aho miakatra amin'ireny fiarandalamby ireny ary miezaka manindry ny bokotra mba hidinako, mahita olona mitsangana akaikin'ilay bokotra famohana/fanidína aho, izay milalao ny findainy. Na dia te hanindry ilay bokotra aza aho dia tsy afaka [satria mibahan-dàlana ry zareo].

もちろん、そこに立っている人で、その駅で降りなくても、中には親切に押してくれる人も居ます。
しかし、こういう人はまれで、とにかく、どこから手を伸ばせばその開閉ボタンに触れることができるだろうか・・・。と悩ましげに苦悩してしまう。

Mazava ho azy, anivon'ireo olona mitsangana [akaikin'ny bokotra famohana/fanidína] ireo, misy ihany koa ireo tsara fanahy izay, na tsy midina [amin'ny fidinako] aza ry zareo, manindry am-pahatsorana ny bokotra ho ahy. Tsy fahita firy anefa ireny olona ireny ary mila mieritreritra mafy ny fika hanakarako ireo bokotra aho.

Olana iray noresahina tanatinà bilaogy vitsivitsy ny tantara mampifanditra ahitàna ilay “mpandaka” sy ilay “voadaka”. Ao amin'ny NEET no Me, miarahaba ilay mpiasa [7] (pejy voafafa) noho ny fandakàny ilay ankizivavy ny bilaogera iray ary manamarika ity fanontaniana manaraka ity:

GoodJob会社員!
公共の機関で、我が物顔で人が通るところに座り込んで占拠する、頭がおかしい若者が多い昨今の日本に、このような正義の味方みたいな人が登場するとは、地獄に仏のような話だ。

Mety ny nataonao, ry mpiasan'ny orinasa!
Anatin'i Japana ankehitriny izay hipetrahan'ireo tanora adala sy hibodoan-dry zareo ny toerana ho an'ny daholobe, toerana lalovan'ny vahoaka, sy hisehoany ho tompon-tanàna, dia seho ho an'ireo andriamanitra tokoa ny fipotran'olona tahaka izao — naman'ny fahamarinana.

35歳の会社員が、突然何もしていない少女を蹴るなんてことはするわけないので、必ず蹴られた少女は、ことの引き金をひいているはずである。

Tsy misy antony tokony handakan'ilay rangahy 35 taona tampoka ankizivavy tsy nanao na inona na inona, noho izany azo antoka fa io ankizivavy io no nitarika ny zava-drehetra.

それに、そう言う馬鹿達は、自分の良いようにしか、しゃべらないので、
注意されたけど無視したと言うことは言わないだろう。

Tsy miresaka afa-tsy izay zavatra metimety aminy ireo karazan'olona vendrana toy ireny,
Hany ka na ampitandremina aza ry zareo, tsy hiaiky izany fa ninia tsy nihaino [ilay fampitandremana].

Tsy ny rehetra no nihombon-kevitra tamin'io lehilahy io (na dia tsy nampoizina aza ny hamaroany), ary maro tokoa ireo nitsikera ny andaniny sy ny ankilany. Nanontany ny bilaogera iray raha olana avy amin'ny tanora ihany izao, mitantara ny zava-nisy mifandray amin'ny tsy fahalalam-pomban'ireo antitra [8]:

中高年のオジサンオバサンたちの、マナーの悪いことには目を疑う。
うちの会社の向かいにあるカラオケ喫茶にくる、50代〜70代くらいの中高年は、車道に車がはみ出していようが平気で駐車してしまうし、あまつさえ、駐車場がないときにはへっちゃらでほかの事務所の駐車場に無断駐車する。うちの会社も被害をこうむったことは少なくない。
店の外に出てでかい声で電話してることなんて日常茶飯事。

Tena tsy mahalala fomba ireo lehilahy sy vehivavy zokinjokiny sy antitra ka saika tsy ninoako izay hitako.
Misy olona 50 ka hatramin'ny 70 taona mankao amin'ny trano fanaovana karaoke manoloana ny orinasa iasàko, ary tsy misaina loatra izy ireo rehefa mametraka ny fiarany ka mamoaka azy ireo ao anaty arabe. Ho fanampin'izay, rehefa miala ny toerana fametrahana fiara ivelan'ilay trano ry zareo, miresaka mafy be amin'ny finday indray. Isanandro izany no miseho.

Farany, hahazoanao sary an-tsaina ny zava-niseho, jereo ny sary navoaka tao amin'ito bilaogy [9] (pejy voafafa) ito.