Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Ny malaza ao amin'ny tontolon'ny bilaogy Toniziana -okt 2005

(Lahatsoratra teny Anglisy efa tamin'ny volana Oktobra 2005)

Namoaka ny fandraketam-peony mivoaka isandroavolana faharoa ny TuniZika, fandraketam-peo mozika Toniziana voalohany, manasongadina hira avy amin'ny artista vaovao.

Zizou avy any Djerba nanatrika ny fihaonan'ny bilaogera Libaney voalohany hatramin'ny nandehanany nianatra tany amin'ny AUB. Manoratra momba ny zavatra hitany tany Libanona, ireo toerana samihafa any, ny fiainana, ny kolontsaina sy ny maro ihany koa izy.

Marwen indray nisongadina tamin'ny lahatsoratra momba ny bilaogy tao amin'ny gazetiboky Computer Idee, gazetiboky voalohan-daharana momba ny solosaina ao Holandy.

Adib manoratra ny fomba nisafidianana ny namany Anis Ltaeif hiatrika ny fihodinana faharoa amin'ny SuperStar, endrika Arabo amin'ny Pop Idol, sy ny fomba nanatrehany fakana sary niaraka taminy tao amin'ny tranom-pisakafoanana ao Les Berges du Lac.

K-pax mibilaogy avy ao Montréal, Canada, taorian'ny sidina adiny 10 tao sy adiny 2 ora mahery tamin'ny taratasy fifindra-monina tao amin'ny seranam-piaramanidina. Miandrandra fialan-tsasatra izy ary avy eo manomboka amin'ny fiatiany tao.

Thysdrus manoratra ny sarina lahy antitra teo anoloan'ny coliseum El Jem hitany tao amin'ny aterineto, ary manontany tena raha toa ka fantatr'ilay olona, ​​izay fantany manokana, fa ao anaty aterineto ny sariny ary mandehandeha manerana izao tontolo izao.

Mitaraina i Keitaro noho ny haratsian'ny tolotra DSL ao amin'ny faritra Hammam Chott, sy ny mpanome tolotra aterineto tsy manana valinteny tsara mihitsy rehefa miantso azy ireo mba hanampy, fa milaza fotsiny fa miady hevitra amin'ny mpandraharaha momba ny fifandraisandavitra izy ireo. Tezitra izy fa mihevitra ny ISP=FAI fa tombontsoa fanampiny ny serasera, kanefa raha ny marina dia zo efa nandoavany vola.

Hatem manoratra momba ny volana masina Ramadany sy ny fomba nanadinoan'ny olona sasany ny momba izany, manao izany ho volana ho an'ny sakafo. Heveriny fa tokony hiverina ao amin'ny Korany izy ireo mba hampahatsiahivana ny soa rehetra amin'ity volana ity.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.