Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Akon'ny Tontolon'ny Bilaogy Toniziana

(Fanamarihana: lahatsoratra nivoaka tamin'ny Septambra 2005)

Manontany tena ny amin'ny antony tsy mahampy ny fampahalalàna sy vaovao momba ireo tanàna sy vohitra ankoatra ny renivohitr'i Tonizia i Zizou avy ao Djerba, milaza fa tsy ampy ny fandrakofan'ny media mahazatra ireo toerana ireo ary manantena izy fa hanohy ny asa ny bilaogy.

Miresaka momba ny FIFAK 2005, Fetibe Iraisam-pirenen'ny Horonantsary Tsy Matihanina hotanterahina ao Kelibia ny 27 Aogositra ka hatramin'ny 03 Septambra i Adib sy i MMM. Nanatrika azy io i Adib ary manome ny fahitany ilay fetibe sy ireo horonantsary tsara indrindra eto sy eto.

Hitsidika an'i Etazonia i Yamen anatinà drafitrasa manokana nokarakarain'ny Departemanam-Panjakana Amerikana sy ny Trano Fotsy, izay hatrehana sy hihaonan'ireo mpitarika, mpanao pôlitika, ary manampahaizana maneran-tany. Hisolo tena an'i Tonizia izy.

Manoratra (rohy maty) ny hatairany sy ireo olon-kafa nanatri-maso ny fakàna sary mitanjaka ambony tao aminà morontsiraka ho an'ny daholobe ao Gammarth i Karim.

Mitantara (pejy voafafa) ny fomba nanomezan'ny nenitoany boky fandrahoana sakafo Toniziana kosa The Brunette, satria hono heveriny fa efa lehibe ka tokony hanambady ity farany ary hila izany tsy ho ela. Tohizany amin'ny filazàna fa marobe ireo fomba fandrahoana sakafo hafahafa sy sarotra be tao anatiny.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.