Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tontolon'ny Bilaogy Kiswahili

(Fanamarihana: lahatsoratra nivoaka tamin'ny Jona 2005)

Niverina aho. Ireto ny feo avy ao amin'ny tontolon'ny bilaogy Kiswahili:

- Ampifandraisin'i i Mawazo na Mawaidha (rohy maty) aminà tantara iray momba ireo mpijirika solosaina ao Korea Avaratra mitovy fahaizana amin'ny CIA isika, izay tetikasa iray hamarana ny “fahajambàna amin'ny solosaina”. Eo ihany koa ny lahatsoratra iray momba ny fampidiram-bola amin'ny alàlan'ireo tetikasa rindrambaiko maimaimpoana sy manana loharano misokatra.

- Manoratra mombanà Nizeriana iray mpanao gazety izay mikaroka ireo Afrikana mpifindra monina any Aostralia, manadihady azy ireo ary manoratra ny tantarany anatin'ny bilaoginy i Mwandani.

- Manoratra momba ny fampaherezana ny vehivavy i Damija. Heveriny fa ny fanomezan-danja ny tena sy ny fahalalàna ny tena no fitaovana fototra amin'ny fampaherezana ny vehivavy.

- Manoro hevitra ny taranaka mpiangaly Hip Hop ao Tanzania mba handinika tsara izay halainy tahaka avy amin'ireo mpanakanto eo amin'ny sehatry ny Hip Hop Amerikana i Martha ary koa hieritreritra izay fomba hifandraisan'ireo zavatra ireo amin'ny sehatry ny kolontsaina Tanzaniana.

- Mamoaka dika Kiswahili an'ilay Teny Ierana Global Voices (pejy voafafa) i Jikomboe. Bilaogera Anglisy roa avy ao Tanzania ihany koa no nampahafantarina.

- Kiriko amin'ny Mpanjaka Mswati III ao Soazilandy izay nampiakatra ny vadiny fahafolo ny volana lasa teo i Pilikapilika.

- Miandry ny fametrahana ny lalàna vaovao mandrara ny fifohana sigara anatin'ny faritra ho an'ny daholobe ao Tanzania i Reginald.

- Manoratra momba ny fanokanana/fanararaotana ny firaisana ara-nofo ho an'ny fahafinaretana fotsiny ihany raha tokony homen-danja ho fombafomba masina sy hetsika fanompoana i Bakanja, moanina Afrikanina. Mifototra amin'ny finoana Afrikanina nentin-drazana ny tohankeviny.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.