Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Baolina fandaka sy fitsarana ny media ao amin'ny bilaogy Maraokana

(Lahatsoratra teny anglisy efa tamin'ny volana Janoary 2006)

Yennayer, taona vaovao Amazigh, ny 12 janoary. Noho izany dia atomboko amin'ny firariana nahatratra ny Yenayer 2956 ho an'ireo Amazighs manerantany!

Feno resa-panatanjahantena ny tao amin'ny tontolon'ny bilaogy Maraokana ny herinandro lasa teo. Ary nandrisika ny ekipa baolina kitra Maraokana milalao amin'ny Fiadiana ny Amboara Afrikana taona 2006 ny ankamaroan'ny bilaogera, raha nanapa-kevitra tsy hino fandresena mahagaga ho an'ny Lionan'i Atlas kosa ny hafa.

Bilaogeram-baolina fandaka

Tsy tia baolina fandaka i Hicham, ka tsy miraharaha loatra momba ny CAN 2006. Nanoratra momba izany izy na dia izany anefa, mba hilaza fa aleony mitsidika ny foaram-boky iraisam-pirenena faha-38 ao Kairo toy izay mijery lehilahy 22 mihazakazaka manenjika baolina!!

Slixov kosa mandà tsy hiresaka momba ny baolina kitra, efa ampy ny famakiany ireo lahatsoratra momba ny CAN2006.
Na izany aza, nilaza izy fa hifoha maraina be izy, mba hijery ny lalao lehibe (Maraoka / Ejipta).

Ao amin'ny lahatsoratra tena mahafinaritra mampangitangitaka loatra, maniry i Chighaf fa hanampy azy hanadino, farafaharatsiny mandritra ny volana CAN 2006, ny fomba nahatonga an'i Maraoka ho feno kolikoly ny ekipa Maraokana ary mampalahelo ny mahita ireo tanora mandoro tena mba hahazoana asa.

Te-hatoky ny ekipa Maraokana i Casaoui. Nilaza izy fa tsy fanatanjahantena tsotra fotsiny ho an'ny Maraokana ny baolina kitra.

The football is one of the few things that can make us proud at the international level, we are lucky to have such players wich help us forget the sad reality of our life.

Ny baolina kitra dia iray amin'ireo zavatra vitsivitsy izay afaka mampirehareha antsika eo amin'ny sehatra iraisam-pirenena, manam-bintana isika manana mpilalao toy izany izay manampy antsika hanadino ny zava-misy mampalahelo eo amin'ny fiainantsika.

Fantatr'i Casaoui fa tsy mora ho an'ny ekipa Maraokana ny fanamby saingy 100 isanjato any Kairo ny fony, mivavaka mba hisan'ny fahagagana.

Mpanao gazety atao fanadihadiana ao Maraoka 

Mitsikera ny fomba “fanaovan'ireo mpanao gazety Maraokana” ny asany i Sahar. Miangavy azy ireo izy mba tsy hampiasa diso ny zon'izy ireo maneho hevitra ary miezaka manao izay azon'izy ireo atao mba hanomezana vaovao betsaka araka izay tratra ho an'ny mpihaino azy ireo.

Journalists, please listen to the citizen you are, for you to be able to give your readers the information they really need to know.

Ry mpanao gazety, azafady mba henoy ny olom-pirenena tahaka anareo, mba hahafahanareo manome ho an'ny mpamaky anareo ny vaovao tena ilain'izy ireo.

Lily kosa manoratra ny fahadisoam-panantenany tamin'ny andraikitra raisin'ny media. Milaza izy fa vao mainka miteraka fihanaky ny fahazaran-dratsy izany! .

Thanks to the media, freedom became the word I hate the most!!

Noho ny fampahalalam-baovao, lasa teny izay ankahalaiko indrindra ny fahalalahana!!

Nangataka tamin'ny mpanao gazety iray mba hanadihady tsara alohan'ny hanadihadiana ny antony ilana ny laharana navoakan'i Yasmina Baddou, sekreteram-panjakana Maraokana miandraikitra ny fampandrosoana ara-tsosialy, ny fianakaviana sy ny firaisankina, mba hamaly ny antson'ireo vehivavy niharan'ny herisetra i Crucivore.

Arahaba ryl Edward Said sy Martin Luther King!

Jawad, mpanoratra ao amin'ny bilaogy In Defense of Human Dignity manome voninahitra an'i Martin luther king, ilay Lehilahy nanana nofy.

I will wake up on Sunday a better man because your words continue to heal my soul from the trials of time and the ills of my fellow man. You taught me not to satisfy my thirst for freedom and justice “by drinking from the cup of bitterness and hatred”. When adversity knocks me down, I hear you say that “unarmed truth and unconditional love shall have the final word”. So, I rise again.

Hifoha tahaka ny lehilahy mendrika aho amin'ny Alahady satria manohy manasitrana ny fanahiko amin'ny fotoam-pitsapana sy ny aretin'ny mpiara-belona amiko ny teninao. Nampianatra ahy ianao mba tsy hanome fahafaham-po ny hetahetako amin'ny fahalalahana sy ny rariny “amin'ny fisotroana ny kapoaka mangidin'ny fankahalana”. Rehefa mamelively ahy ny fitsapana, dia henoko ianao milaza fa “ny fahamarinana tsy manana fitaovam-piadiana sy ny fitiavana tsy misy fepetra no hanana ny teny farany”. Ka, hitsangana indray aho.

Mitatitra ao amin'ny blaoginy momba ny lahatsoratra iray navoaka tao amin'ny Al Hayat momba an'i Edward Said, izay narahan'ny FBI maso tamin'ny fomba tsy ara-dalàna nandritra ny telopolo taona mahery i Karim.

It seems like anyone in this country who dares to speak out for the legitimate rights of the palestinian people will end up on some kind of “black list”. Freedom of thought? Tell me about it!

Toa miafara amin'ny karazana “lisitra mainty” ireo olona eto amin'ity firenena ity izay sahy milaza ny zon'ireo vahoaka palestiniana. Fahalalahan'ny fieritreretana? Lazao ahy ny momba izany!

coup de coeur

Mpitsabo nify sady bilaogera i Hicham Benbrahim. Ary ny zavatra mahafinaritra amin'ny lahatsorany dia ny fahitana hatrany vaovao afaka manampy ny mpamaky hahalala bebe kokoa momba ny fomba fitaizana ny nify ho salama. Ny lahatsoratra farany dia momba ny vahaolana omen'i Hicham ho an'ireo marary mba tsy handoa vola be loatra isaky ny manantona mpitsabo nify.

Tsy nanalavitra ny zava-misy niainany intsony i Loula. Malalaka izy, ary vakiana am-pitandremana ny lahatsorany satria mampiankin-doha. Amin'ny fomba tsotra nefa mahagaga, manoratra momba ny fiainany any Canada, ao amin'ny tanàna kely antsoiny hoe “Khmiss Batata” i Loula.
Maneho hevitra ao amin'ny bilaoginy “Les carnets de Loula” momba ny hetsika ara-politika ary indraindray momba ny vaovao Maraokana ihany koa i Loula..

Izay no tamin'ity herinandro ity. Amin'ny Alarobia manaraka indray, Inshallah;)

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.