Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Rosia : Nampiharina amin’ny olana an-drenivohitra ny fanentanana an-tserasera

(Marihina fa tamin'ny 3 May 2012 no nivoahan'ny lahatsoratra teny Anglisy)

Matetika ,ahafahana mitondra vahaolana hatrany eo amin’ny olana ao an-toerana izay atrehin’ny mponina an-tanandehibe sy ny foiben-drenivohitra.isam-paritra ny tetikasa mifototra amin’ny teknikan’ny fandraisana anjaran'ny besinimaro (crowdsourcing).

Mampandray anjara ireo vondron’olona amin’ny adihevitra sy ny famahana ireo olana samihafa ny crowdsourcing , izay ahitana ny ady amin’ny famaizana trano ka hatrany amin’ny fanarahamaso ny fizotran’ny fifidianana.

Eo ireo rantsana sy ny sampan-draharaha isankarazany izay mikarakara ny fiainan’ireo faritra raha ara-teoria amin’ny fiantohana ny fiarovana sy ny kalitaon’ny fianan’ireo olom-pirenena. Saingy tsy mahomby matetika ny vokatra amin’ny fampiharana izany : ny fikapana tsy ara-dalàna ny hazo, ny fahasimban’ny fanaka-drihana sy ny jiron’ny fifamoivoizana—-izay olana samy atrehantsika rehetra isan’andro…

Sarintanin'i Moskoa sy ny faritra ao aminy

Mba hanomezana vahaolana ireo karazana olana ireo dia noforonina ny ‘clouds’ (zavona) izay tetikasa viritoaly ahafahan’ireo olona rehetra manana fifandraisana amin’ny aterineto mandray anjara —- sy ireo maniry hanova ny zava-misy.

Tetikasa iray natomboka voalohany tany Perm ny StreetJournal.org ary nampiharina tany amin’ireo tanandehibe Rosiana. Nahatratra hatrany amin’ny 8.000 ny isan’ny tatitra momba ny olana navoaka an-tserasera ary maherin’ny ampahatelony no efa voavaha. Olom-pirenena tsotra no mpisera ao amin’ny sehatra, ary hita ao ihany koa ny manam-pahefana ao an-toerana, ary ahafahana manara-maso ny asan’ireo mpandraharaha sy mamaly haingana ireo fangatahana amin’ny fomba mahomby  tsy misy mpanelanelana ny sehatra.

Ny karazana mpisera fahatelo : ireo fikambanana tsy mitady tombontsoa, izay afaka, mitantana ny toe-draharaha ary manasa ireo mpirotsaka an-tsitrapo hanampy azy ireo amin’ny alàlan’ny fanavaozam-baovao tsy tapaka.

Tetikasa iray hafa natokana ho an’ny olana tranainy momba ny haratsian’ny làlana sy ny fotodrafitrasa ary ny sampandraharaha an-drenivohitra ny DaïSignal (« Omeo ny fanairana »). Avy any amin’ireo tanàndehibe sy faritra miisa 220 mahery no hiavian’ireo vaovao an-tserasera ao amin’ity vavahadim-baovao ity.

Rehefa lasa olana ny dingana famahana ny olana

Amin’ny ankamaroan’ireo tranga misy, rehefa miatrika ny olana andavanandro isika kanefa tsy manana fomba ara-pitaovana hamahana izany dia “lasa olana fototra ny dingana famahana ny olana”. Na dia avy amin’ny olona izay tsy manana fifandraisana aza ireo fitarainana dia ahafahana mijery amin’ny ankapobeny ny zava-misy ity karazana fitaovana ity.

Raha toa ka mitombo ny isan’ireo fijoroana vavolombelona any amin’ny faritra iray, dia azo fintinina fa tsy mahomby ireo sampandraharaham-panjakana ary raisina ny fepetra mifandraika amin’izany- tsy amin’ny alàlan’ny fandalovana any amin’ireo manampahefana anefa fa any amin’ireo izay manana tny fahaiza-manao amin’ny famahana ireo olana ireo.

Omen’ny tranonkala amin’ny teny Anglisy FixMyStreet ny ohatra tsara iray mampiseho ny fahombiazan’ity rafitra ity izay manangona tatitra maherin’ny 1.600 miaraka amin’ny sary sy ny lahantsary mampiseho ireo fako miparitaka ivelan’ny fitoeram-pako, ny lalana fandehanan’ireo mpandeha an-tongotra feno lavadavaka, ary ireo graffitis izay tsy azo atao.

Loharanon-dahatsoratra (amin'ny teny Rosiana)

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.