Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Filipina : Famonoana ny Zanakavavin'ny Mpitarika Kaominista

(Fanamarihana: lahatsoratra anglisy nivoaka tamin'ny Martsa 2009)

Ny alin'ny 5 Martsa 2009, lehilahy roa nirongo fiadiana no tonga naka an-keriny an'i Rebelyn Pitao, 20 taona, vehivavy mpampianatra tao Davao, tanàna iray ao atsimon'i Filipina. Ny ampitson'io, hita tany amin'ny tanàna iray mifanila aminy ny fatiny. Nahitàna ratra lalina natao taminà zava-maranitra fisokirana ranomandry, dianà fampijaliana sy angamba koa fanolànana.

Ny 20 Martsa i Rebelyn no tokony hankalaza ny tsingerintaonany faha-21. Raha zanak'i Lenicio Pitao, iray amin'ireo filohan'ny antoko mpihoko kaominista i Rebelyn, manamafy kosa ny reniny fa tsy misy idiran'ny zanany vavy mihitsy izay hetsika rehetra ataon'ny rainy.

Ramatoa filoha, Gloria Macapagal-Arroyo, izay itambesaran'ireo fiampangàna azy ho manitsakitsaka ny zon'olombelona [angl] ao anatin'ny ady ataony amin'ireo mpihoko, dia nandà [ang] hoe tsy misy idiran'ny tafika velively ny fakàna an-keriny sy ny famonoana an'i Rebelyn.

Betsaka ny olona nisafoaka tamin'io heloka bevava mahatsiravina io, izay niteraka fanehoankevitra marobe teny anatin'ny tontolon'ny bilaogy tao Filipina. Isan'ireny, azo raisina ilay tononkalo iray amin'ny teny filipiana sy anglisy nosoratan'i E. San Juan Junior [angl], olona iray nahita fianarana ary Filipiana iray fantadaza amin'ny fanakianana.

“Tokony ho nahavita be ho an'ny fiarahamonina i Rebelyn amin'ny naha-mpampianatra azy raha toa ka tsy maty tanora tahaka iny”, hoy ny nosoratan'i Norma Dollaga [angl] . Maneho ny fangorahany ilay niharam-boina sy ny havany ny mpanoratra ilay bilaogy Marry Anne's Musings.

I don't know Rebelyn Pitao personally but I was moved when I learned what has happened to her, when they found her body in a creek clad only with underwear, bore several stabs wounds. And her hands were tied and her mouth was bound with masking tape, fueling speculations she was tortured and sexually assaulted. I as a mother will do her best to protect her children, to do not let them be harm in this cruel world, to get hurt triple times when my daughters are in pain. My deepest sympathy to the Mom of Rebelyn and condolences to the family.

Tsy mahalala manokana an'i Rebelyn Pitao aho, saingy tohina kosa nandre ny zavatra nihatra taminy, rehefa hita tao anaty riandrano iray ny fatiny, zara raha nitafy, nahitàna ratra maro vokatry ny zavamaranitra. Nifatotra ny tànany ary notapenana ny vavany, vao mainka manamafy ny filazàna fisianà fampijaliana sy fanolànana. Amin'ny maha-reny ahy, manao izay rehetra azoko atao aho hiarovako ny zanako, misoroka mba tsy haratra izy ireo ao anatin'ity tontolo masiaka ity, ary marary lavitra noho izy ireo raha sanatria misy hirifiry manjo ireo zanako vavy ireo. Tena mangoraka tanteraka ny renin'i Rebelyn aho, no sady maneho ny fiarahamiory amin'ny fianakaviany.

Ny mpanoratra ny bilaogy “That Word in Me” indray kosa tezitra [angl] amin'ny tsy firaharahàna mandavantaona mihatra amin'ny soatoavina sy ny endrika masina ananan'ny ain'olombelona.

Never mind that she was the daughter of a rebel; a rebel who the government has failed time and again to capture; who has had a string of battlefield victories under his Command against the military and the government.

What infuriates me, what really, really infuriates me is the fact that something so heinous and monstrous was done to an innocent person. Was it her fault that she was her father’s daughter ? Was it her fault that her father has eluded capture all these years ? What has she got to do with all these ?

Tsy raharahako izay maha-zanaky ny iray amin'ireo mpitarika mpihoko azy ; mpitarika iray izay efa imbetsaka no nanaovan'ny governemanta ezaka ny hisamborana azy, fa tsy nahitàny vokatra. Lehilahy iray tomponantoka taminà fandresena maro teny an-tanin'ady nifanaovany tamin'ny tafika sy ny governemanta. Fa ny tena mahatezitra ahy mafy, ny tena mampisafoaka dia mampisafoaka ahy, dia ny hoe vehivavy iray tsy manantsiny no lasibatry ny fihetsika tsy mendrika sy feno habibiana. Hadisoany ve ny maha-zanaky ny rainy azy? adisoany ve raha toa miezaka ny tsy ho voasambotra ny rainy nandritra izay taona maro izay? Inona no idirany amin'izany rehetra izany?

Porofoin'ìo famonoana mampihoron-koditra io ny toerana mampalahelo misy ny zon'olombelona eto amin'ity firenena ity, hoy [angl] ilay mpanao gazety, Ding Gagelonia.

We are supposed to be living in a democracy with the Bill of Rights a cornerstone of the Republic.

But what has just happened to 20-year-old Rebelyn Pitao tells us otherwise.

Heverina ho miaina anaty demaokrasia mandray ny Fifanarahana momba ny Zon'Olombelona ho vatofehizoron'ny Repoblika isika.

Nefa izay nitranga tamin'i Rebelyn, 20 taona, dia milaza zavatra hafa mihitsy amintsika.

“Iza no namono an'i Rebelyn? ” hoy ihany i Gagelonia manontany ny tenany. Marobe ny olona, toy ilay mpanoratra ny bilaogy Musings of a Random Mind [angl], no manondro avy hatrany ny tafika ho tomponandraikitra tamin'ilay fakàna an-keriny.

If it’s not the elements in the military, then who would have the capacity and motivation to kidnap and murder a young woman whose only “crime” was being the daughter of a rebel leader? human rights watch reported last year that the number of extra-judicial killings in the philippines have increased significantly after president gloria arroyo declared an “all-out war” against the new people’s army in 2006.

President gloria arroyo has ordered a probe into the killing so that the murderers can be punished. judging from the results of previous investigations of this nature, however, nothing much can be expected from an administration perceived to be the most corrupt in philippine history.

Raha tsy olon'ny tafika ireny, dia ambarao, olona izy no hahavita sy feno fahasahiana haka an-keriny sy hamono vehivavy tanora tahaka ireny, izay ny hany hadisoany dia ny maha-zanaky ny iray amin'ireo mpitarika mpihoko azy? Nanamarika ny fikambanana Human Rights Watch tamin'ny taona lasa (2008) fa nitombo be ny isan'ny famonoana olona hatramin'ny 2006 nanambaràn'ny filoha Gloria Arroyo ny hanaovany “ady tsy misy indrafo” amin'ny Tafika Vaovaon'ny Vahoaka.

Nampanao fanadihadiana momba ilay vono olona ny filoha Gloria Arroyo mba hahafahana manasazy izay meloka. Raha tsaraina amin'izany, avy amin'ny famintinana ireo fanadihadiana tany aloha mitovy karazana aminy, isika tsy tokony hanantena zavatra betsaka avy amin'ny fitantanana iray efa hita ho toy ny iray faran'izay anjakan'ny kolikoly indrindra teo amin'ny tantaran'i Filipina .

Itarainan'i [angl]  Mopera Amado Picaradal, pretra sady mpikatroka mafàna fo ho an'ny fandriampahalemana ny firaiketan'ny “kolontsain'ny fahafatesana” amin'io firenena io.

Over 25 years ago, the killing of suspected subversives and criminals were a common occurence. I was hoping that it would be a thing in the past with the fall of the Marcos dictatorial rule. Today it continues in Davao. There is a death squad that assassinates suspected criminals and there is also another group abducts and kills not only suspected rebels but also their relatives. This is another manifestation of the culture of death and the spiral of violence in our land.

25 taona mahery izao, lasa zavatra mahazatra ny famonoana olona heverina ho mpanao heloka bevava sy mpikomy. Nantenaiko fa hivalona miaraka amin'ny lasa ireny rehetra ireny tamin'ny fianjeran'ny jadon'i Marcos. Ankehitriny anefa, mitohy izany ao Davao. Misy andiany iray mpamono, mamono izay heverina ho mpanao heloka bevava, ary misy andiany iray hafa mpaka an-keriny sy mamono, tsy ireo heveriny ho mpihoko fotsiny fa ny havany akaiky ihany koa. Ohatra iray vaovao amin'ny kolontsain'ny fahafatesana sy ny tangolingoliky ny herisetra eto amin'ny firenentsika izany.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.