Horohorontany miisa 11 namely ny atsimon'i Iran

(Lahatsoratra teny Anglisy efa tamin'ny Marsa 2006)

Ny Asabotsy vao maraina (tamin'ny 07 ora GMT teo), nisy horohorontany maridrefy 5,8 namely ny atsimon'i Iran, araka ny filazan'ny USGS. Noho ny halaliny 44 km, tsy nisy heverina ho faty, saingy nisy nilaza fa nisy ireo olona vitsy mety ho naratra. Tamin'io fotoana io, nisy ny adihevitra fa raha diso izany halaliny izany, ary nahatratra 10km ny halalin'ny horohorontany, dia ho 0 hatramin'ny 100 no heverina fa ho faty. Tsy misy afa-tsy tanàna 5 monja ao anatin'ny 15 km nisy ny ivon'ny horohorontany ary tsy misy  tanàndehibe eny amin'ny manodidina. Ny harivan'io andro io, nanamafy ny halehiben'ny horohorontany tamin'ny alàlan'ny Reuters ny IRNA fa 6,0 amin'ny maridrefy Richter ny refiny ary nahatratra ny faritany atsimon'i Hormuzgan saingy tsy nisy tatitra momba ny maratra na ny fahasimbana. Nilaza ny IRNA fa nampihovitrovitra ny faritra akaikin'ny nosy helodrano ao Qeshm any amorontsiraka atsimon'i Iran ny horohorontany. Qeshm no nosy lehibe indrindra any amin'ny helodrano ary faritra ara-barotra malalaka misy mponina 120 000 eo ho eo.

Tamin'ny 2 ora tolakandro GMT, nanonona ny tatitra navoakan'ny fiadidiana teo an-toerana & Volatsinana Mena ny sampan-draharaha misahana ny fanampiana eny ifotony izay nanara-maso ny toe-draharaha ary nilaza fa tsy nisy ny maty tamin'izany fotoana izany fa trano sasany no rava ary hita fa tany andranomasina ny foiben'ny horohorontany. Ny hariva, taorian'ny fanambaran'ny sampandraharaha maromaro tafaraka, nanolotra ity tatitra manaraka ity ny mpanara-maso ny fanampiana:

11 earthquakes have hit the Hormozgan province between the first quake today morning till 13:52 GMT with magnitudes of 5.4 to 3.1 on Richter scale. The government officials and IRCS have not reported any casualties but few deaths and considerable damage in the area is expected. No confirmation of the possible dimension of damages in the area has provided but according to the media, communications was partly cut off. The earthquakes occurred in the Fin district of Hormozgan province near the Hormoz strait at the Persian Gulf. Fortunately the epicenter of the strongest hit was inside the ocean which has reduced the effects. Since the majority of affected people were aware of the disaster, they were able to take the necessary safety precautions. Basic relief assistance is currently being provided by the local IRCS while the local authorities are assessing the situation. The total population of Fin district is 39,000 and consists of 3 towns and 210 villages.

Horohorontany miisa 11 no namely ny faritanin'i Hormozgan teo anelanelan'ny horohorontany voalohany androany maraina ka hatramin'ny 1 ora:52 folakandro GMT manana hozongozona 5,4 ka hatramin'ny 3,1 amin'ny maridrefy Richter. Tsy nitatitra momba ny isan'ny maty ny tompon'andraikitrim-panjakana sy ny IRCS saingy mety hisy ny fahafatesana vitsivitsy sy fahavoazana lehibe ao amin'ny faritra. Tsy misy ny fanamafisana ny mety ho haben'ny fahavoazana ao amin'ny faritra, saingy araka ny filazan'ny fampahalalam-baovao, tapaka ny fifandraisana amin'ny ampahany. Nitranga tao amin'ny distrikan'i Fin ao amin'ny faritanin'i Hormozgan akaikin'ny andilan-dranomasina Hormoz any amin'ny Hoalan'i Persia ny horohorontany. Soa ihany fa tao anatin'ny ranomasina no nisy ny foiben'ny horohorontany mahery vaika indrindra ka nampihena ny voka-dratsy. Satria mahafantatra momba ny loza ny ankamaroan'ny olona voakasik'izany, dia afaka nandray fepetra fiarovana ilaina izy ireo. Efa eo ampanatontosana ny fanampiana vonjy taitra ny IRCS eo an-toerana raha eo am-panombanana ny toe-draharaha kosa ny manampahefana eo an-toerana. Ny fitambaran'isan'ny mponina ao amin'ny distrikan'i Fin dia 39.000 ary ahitana tanàndehibe 3 sy tanàna kely 210.

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.