Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Okraina : Te-hahazo fitsaboana mahasolo tsara kokoa ireo miankindoha amin'ny zavamahadomelina

(Lahatsoratra ôrizinaly nivoaka tamin'ny marsa 2009)

Tamin'ny 2 febroary ny Rising Voices namoaka takelaka iray niompana tamin'ny fanentanana iray tao Okraina, nokarakarain'ny fikambanana Drop-In Center. Ny fanentanana dia nifantoka tamin'ny filàn'ireo olona miankin-doha amin'ny zava-mahadomelina mandray anjara amin'ny fomba fitsaboana hafa. Takian'io vondrona io ny mba ahafahan-dry zareo mahazo karazam-pitsaboana hafa amin'ireo fomba fitsaboana misy. Ny fanafody omena amin'izao fotoana tsy mampihena afa-tsy amin'ny atsasany monja ny fandraisana zava-mahadomelina ny fotoana famoahan-doto aterany. Ny fanomezana fanafody manome fotoana lavalava kokoa amin'ny famoahan-doto no hahafahan'ny marary misitraka fotoana lavalava kokoa mialoha ny hahatsapany handray zava-mahadomelina indray.

Nandritra ny volana febroary sy marsa ny mpikambana ao amin'ny programam-pampihenana hirifiry (harm reduction) niezaka nitolona hahazoana fanafody mahomby kokoa. Namoaka antso izay nosoniavin'ny mpiara-dalana aminy tao amin'ny bilaoginy i Pavel Kutsev, mpanentana ao amin'ny Drop-In Center. Takian'io takelaka io ny fampidirana fanafody vaovao ao amin'ny fomba fitsaboana mahasolo, satria tsy mamerina ny marary hanana fahasalamana araka ny tokony ho izy ny fanafody ampiasaina amin'izao fotoana izao.

According to our poll, 47% of patients consume a lot of alcohol. In general only 10-12% of them feel well, 8 out of 10 people use additional stimulants…Only 7-8 people out of 96 say that the dose is adequate for them…for other people this medication just does not work. It does not help them survive even till the morning…We do not really live, do not really work, we are like puppets who are only able to walk to the site, hoping for a few hours of rest from the pain.

Araka ny fitsapan-kevitra azonay, misotro toaka betsaka ny 47 isanjaton'ny marary. Amin'ny ankapobeny, ny 10-12 isanjato ihany no mahatsapa, ny 8 amin'ny 10 mampiasa fanairana fanampiny… Olona 7-8 amin'ny 96 [notsapain-kevitra] ihany no milaza fa mety amin-dry zareo ny daozy… tsy miasa mihitsy kosa ny fanafody ho an'ny ambiny. Tsy manampy an-dry zareo na dia mandra-maraina fotsiny aza, tsy handray zava-mahadomelina ilay fanafody… Tsy miaina mihitsy izahay, tsy miasa izahay, tahaka ny saribakoly ahetsiketseika izahay, afaka mandeha mankany amin'ny foibe fotsiny, manantena mba hahazo ora vitsivitsy tsy handrenesana fanaintainana.

Namoaka taratasy misokatra hoan'ny komitim-pitantanan'ny mpanolotra fanomezana fitsaboana hafa mahasolo ao Okraina (Alliance HIV/AIDS) ny tranonkala ofisialin'ny fikambanan'ny tsaboina amin'ny fomba hafa. Maro ireo taratasy nosoniavin'ny marary avy amin'ny tanàna okrainiana roa lehibe indrindra. Nilaza ireo marary mandray anjara amin'ny fomba fitsaboana hafa avy ao an-tanànan'i Dnepropetrovsk fa nahazo fanafody mofototra amin'ny méthadone ry zareo ka hita ho tena tsara kokoa ny vokatr'io fomba fitsaboana iray io. Nanasongadina zavamisy tahaka izao, tao amin'ny taratasy misokatra ho an'ny komitim-pitantanana ny tao amin'ny Sociotherapia avy ao Kiev:

According to the Ukraine's legislation, medications for substitution therapy cannot be prescribed, so it is not possible for us to consume the medication several times a day. Our request is to purchase a medication that would have a longer time of excretion from the body and less side effects, such as high tolerance, high diuretic effect, and oppression of sexual function.

Araka ny lalàna okrainiana, tsy azo soratana ho fanafody omena ny marary ny fanafody avy amin'ny fomba fitsaboana hafa, tsy mety noho izany ny mihinana azy imbetsaka ao anatin'ny iray andro. Ny fangatahanay dia ny ahafahana mividy fanafody izay lavalava kokoa ny fotoana famoahany loto ary kely kokoa ny voka-dratsiny, toy ny fiankinan-doha, lasa te-hamany foana sy fanjavonan'ny fitiavan-kanao.

Manome famaranana toy izao ny taratasy:

To achieve the goal of re-socialization, drug addicts should have a life…without the abstinence syndrome. So there is a need for medication that would last at least 24 hours without heavy side effects … Otherwise the effect of the therapy will be reduced to a few hours of relief from the pain and there won't even be a hope for sick people to have an active and adequate life.

Ho fanatrarana ny fampidirana ho ao amin'ny fiaraha-monina indray, tokony hanana fiainana ireo miankindoha amin'ny zavamahadomelina … tsy misy soritra fiankinandoha. Ilaina noho izany ny mahazo fanafody miasa 24 ora farafahakeliny ary tsy misy fiantraikany ratsy….Fa raha tsy izany dia hihena ho ora vitsivitsy monja ny tsy fahenoana hirifiry ka tsy hisy ny fanantenana ho an'ny marary hanana fiainana mavitrika sy araka ny tokony ho izy.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.