Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Miankina amin'ny solosaina enti-tanana lafovidy ny aterineto maimaim-poana

(Marihina fa tamin'ny 9 Aogositra 2009 no nanoratana ny lahatsoratra teny Anglisy)

Araka ny nomarihan'i Rezwan tamin'ny volana Mey 2009, notolorana ny “Vatsy ho an'ny Mpikatroka Iraisam-pirenena” mba hanatrehany ny Fivoriambe BlogHer tany Chicago i Cristina Quisbert avy ao amin'ny tetikasa famatsiam-bola Rising Voices Voces Bolivianas. Niaraka tamin'i Cristina i Pilirani Semu-Banda avy any Malawi, Oluwatoyin Ajao avy any Nizeria, ary Annie Zaidi avy any India.

Cristina

Cristina Quisbert tao El Alto, Bolivia

Tao amin'ny bilaoginy amin'ny teny Espaniola dia nanazava ny antony tsy nahafahany nandefa lahatsoratra betsaka raha mbola tany Chicago i Cristina :

Ya me encuentro en Chicago con motivo de participar en otra version de la Conferencia de BlogHer. Esta es la primera vez que llego a este lugar, asi que muchas cosas son nuevas para mi. A modo de anectoda les comento que todo el hotel tiene acceso gratuito a internet en las habitaciones. Esa es una dicha total, tener internet gratuito y veloz, pero es una paradoja completa al mismo tiempo para mi, porque no tengo lo mas importante, una laptop, asi que escribo desde un pequeno restaurtant en el hotel que da internet gratis, siempre y cuando consumas algo y el ingreso al internet es con clave y con tiempo controlado. La clave que se supone tiene que funcionar no funciona, asi que tuve que prestarme de alguien su clave para poder usar.

Mbola aty Chicago aho manatrika ny Fivoriambe BlogHer. Sambany aho no teto, ary maro ny zava-baovao tamiko. Ho fitantarana fohifohy dia marihiko fa manana fidirana amin'ny aterineto maimaim-poana any amin'ny efitrano fatoriana ny hotely iray manontolo. Milaza ny zava-drehetra izany: misy ny fidirana haingana sy maimaim-poana amin'ny aterineto. Saingy ho ahy kosa dia ny mifanohitra tanteraka no nisy nandritra izany satria tsy manana solosaina enti-tanana aho. Noho izany dia tao amin'ny trano fisakafoanana kely tao amin'ilay hotely izay misy [ahitana] aterineto maimaim-poana rehefa mividy zavatra aho no nanoratra . Miaraka amin'ny tenimiafina ny fidirana amin'izany ary voafetra ny habetsahan'ny fotoana ahafahanao miditra amin'ny aterineto. Tsy nety ny tenimiafina izay tokony nampiasaina, ka tsy maintsy nindrana ny an'ny olon-kafa aho noho izany mba ho ampiasaiko.

Nampahatsiahy antsika ny lahatsoratr'i Cristina fa tsy mbola manome antoka ny fidirana amin'ny aterineto malalaka ny fidirana amin'ny aterineto maimaim-poana raha tsy mividy solosaina lafovidy. Soa ihany fa milatsaka isam-bolana ny vidin'ilay antsoina hoe netbooks, saingy mbola miankina amin'ny solosain'ny birao, cybercafe, na tranombokim-panjakana ny ankamaroan'ny bilaogera any amin'ny tontolo an-dalam-pandrosoana mba handraisana anjara antserasera.

Picture 2.png

Noho ny Twitter dia nahafantatra isika fa tonga soa aman-tsara tany Bolivia i Cristina. Nahomby ny fanatrehany ny fivoriana tany amin'ny BlogHer. Araka ny nosoratan'i Barb avy ao amin'ny The Middle Way hoe :

I happened to meet Cristina Quisbert from Bolivia at lunch on Friday, which changed my mind about my Saturday schedule. I am so glad I attended the International Activist session! These women reminded me that blogging can be more than an exercise in self-expression — it can truly help change the world.

Nihaona tamin'i Cristina Quisbert avy any Bolivia aho tamin'ny fotoan'ny fisakafoanana ny Zoma, izay nanova ny eritreritro momba ny fandaharam-potoanako ny Asabotsy. Tena faly aho nanatrika ny fivorian'ny mpikatroka  iraisam-pirenena! Nampahatsiahy ahy ireo vehivavy ireo fa mety mihoatra noho ny fanehoan-kevitra manokana ny famahanana bilaogy – afaka manampy tokoa amin'ny fanovana izao tontolo izao izany.

Niaiky i Rock and Roll Mama, na dia kivy aza izy nahita ireo mpandray anjara tamin'ny BlogHer nisafidy fa tsy nanatrika ny fivoriana tamin'ny fametrahana marika, fosafosa ary ny haivarotra. Nanoratra i Wrong Shoes fa tsy dia nahagaga loatra azy intsony ny fotoam-pivoriana, ary nitaraina ny toa an-dry expateek fa maro ny mpandray anjara tamin'ny BlogHer no liana kokoa tamin'i Britney Spears.

Ho an'i Cristina kosa dia nanohy ny fanoratany mahavariana izy. Namoaka ny tantara lalindalina kokoa momba ny mahazo ireo mponina indizeny any Bolivia izy tao amin'ny World Pulse. Indro ny santionany:

Last time I was in Santa Cruz, a man shouted at me “¡Indian, go out!”. I had done nothing that could disturb anybody. Just to be an indigenous woman was enough for that man to treat me that way. However, those authorities and some people, who call the indigenous peoples as a wicked race or use other scornful words, forget that Human Rights Universal Declaration in its article 13 says that “Any person has the right to freely walk and to select its residence within the territory of any State”. This is an example of how certain behaviors are alive. In the Bolivian case, I think it is important to look behind to see where these come from.

Tamin'ny fotoana farany nandehanako tany Santa Cruz dia nisy lehilahy iray niantsoantso mafy hoe “Indiana, mandehana mivoaka!”. Tsy nanao na inona na inona izay mety ho nanelingelina olona aho. Fa ny maha-vehivavy indizena ahy dia ampy ho an'io lehilahy io mba hanaovana ahy toy izany. Na izany aza, manadino ireo manampahefana sy ireo olona sasany izay miantso ny vahoaka indizeny ho toy ny firazanana ratsy na mampiasa teny maneso hafa, fa milaza ny Fanambarana Iraisam-pirenena momba ny Zon'olombelona ao amin'ny andininy faha 13 fa “Manana zo malalaka hivezivezy sy hisafidy ny fonenany ao anatin'ny faritanin'ny Fanjakana iray ny olona “. Izany no ohatra iray tamin'ny fihetsiky ny olona sasany. Ho an'ny Boliviana kosa, heveriko fa zava-dehibe ny mijery any aoriana mba hahitana hoe avy aiza no hiavian'izy ireny.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.