Tamin'ny 23 Jiona 2018, nanafika tanàna 11 ireo lehilahy mitam-piadiana ary namono olona maherin'ny 200 teo akaikin'i Jos, renivohitry ny Fanjakana Plateau ao afovoan'i Nizeria, tsy nisy ny firotsahana an-tsehatra nataon'ny mpitandro filaminana, tao anatin'ny iray tamin'ireo fifandonana mihoson-drà indrindra.

Taorian'ny fanafihana tamin'ny 23 Jona, nilaza ny Nizeriana fa tena ampy izay ary niditra tao amin'ny media sosialy tamin'ny fampiasana ny tenirohy toy ny #MakeNigeriaSafeAgain sy #StoptheKillings mba hanoherana ny firongatry ny famonoana feno habibiana manerana ny firenena. Nidina an-dalambe tsikelikely kosa ny sasany.

Amin'ny maha-firenena be mponina indrindra any Afrika azy, izay miaina anaty fahantrana ny 87 tapitrisa amin'ny mponiny, tompon'andraikitra tamin'ny fitomboan'ny isan'ny fahafatesana feno herisetra tao amin'ny firenena ihany koa ny fikomian'ny Boko Haram, ny fifandonana eny amin'ny kaominina, ny asan-jiolahy ary ny endrika fifandonana hafa. Hatramin'ny volana Janoary 2018 farafahakeliny, olona 1 813 no novonoina nanerana ny fanjakana miisa 17 – avo roa heny tamin'ny olona 894 maty novonoina tamin'ny taona 2017 tany Nizeria.

Gimba Kakanda, mpanoratra sady mpanentana amin'ny fampahalalam-baovao, nidina an-dalambe niaraka tamin'ireo Nizeriana mpiray tanindrazana aminy mba haneho ny tsy fankasitrahany ary nilaza izao izy:

Here to ask our politicians for a better deal! #MakeNigeriaSafeAgainpic.twitter.com/YckqrcOs3F

— Gimba Kakanda (@gimbakakanda) June 30, 2018

Eto aho mba hangataka amin'ireo politisianintsika hanao fifampiraharahana tsara kokoa!

Nidina an-dalambe ihany koa i Dr. Oby Ezekwesili, minisitry ny fanabeazana teo aloha sady filoha lefitry ny Banky Mondialy:

I MARCHED as far as I could to the Villa to protest the INEFFECTUAL WAYS of .⁦@NGRPresident⁩ ⁦@MBuhari⁩ on the #TerroristsHerdsmenKillings.
Their Police, Military & SSS trampled on my rights- seized my banner. #StopTheKillings. #EndTheBloodFlow!#PlateauMassacre . pic.twitter.com/fljTDIt42q

— Oby Ezekwesili (@obyezeks) June 26, 2018

NANAO DIABE nankany amin'ny Villa araka izay vitako aho mba hanohitra ny FOMBA TSY MAHOMBY ataon'ny ⁦@NGRPresident⁩ ⁦@MBuhari⁩ momba ny famonoana ataon'ny mpampihorohoro #TerroristsHerdsmenKillings.
Nanitsakitsaka ny zoko, naka ny soram-baventiko ny polisin'izy ireo, ny miaramilan'izy ireo sy ny SSS.

Tamin'ny alalan'ny kaontiny Twitter Africa Fact Zone, nilaza andiana sioka ilay mpanao dokambarotra efa nahazo loka sady manana hery mahataona, Isima Odeh:

#PrayForNigeria

3 dead in last week's Ojuelegba truck accident

Over 130 people dead in Plateau crisis

4 dead in Igbeagu, Ebonyi & Ukelle, Cross River clash

Today, 30+ vehicles with people burnt, as tanker catches fire on Otedola Bridge

Butchers & cops clash in Bodija, Oyo. pic.twitter.com/MRSDpKBkMg

— Africa Facts Zone (@AfricaFactsZone) June 28, 2018

3 no maty tamin'ny lozam-pifamoivoizana nataon'ny kamiao tao Ojuelegba tamin'ny herinandro lasa

Maherin'ny 130 ireo maty tamin'ny krizin'ny Plateau

4 no maty tany Igbeagu, Ebonyi & Ukelle, fifandonana tao Cross River (Fiampitan-dRenirano)

Androany, fiara 30 mahery misy olona no may, raha kilan'ny afo teo amin'ny tetezan'i Otedola ny kamiao iray mpitatitra solika

Fifandonan'ny mpivaro-kena sy polisy tao Bodija, Oyo.

Nanatevin-daharana ihany koa ny fiarahamonim-pirenena:

We are saddened by the events in Plateau state that have left hundreds dead, orphaned and widowed.
In these trying times, we should unite as a people and not fight among one another. Our hearts go out to all the victims of these attacks.
We are with you, we care#PrayForPlateaupic.twitter.com/iWuhfnyjRp

— Our Moment Group (@OMG_NIG) June 25, 2018

Malahelo izahay noho ireo zava-nitranga tao amin'ny fanjakana Plateau izay namoizana an'olona an-jatony, kamboty sy maty vady.
Amin'ireny fotoam-pitsapana ireny, tokony hiray hina isika amin'ny maha vahoaka fa tsy hiady. Miray fo amin'ireo niharan-boina rehetra tamin'ireny fanafihana ireny izahay.
Miaraka aminareo izahay, miahy izahay

Na dia ny filoha lefitra teo aloha, Atiku Abubakar koa aza naneho ny fanamelohany ny tsy fahafahan'ny governemanta miaro ny olom-pireneny:

Mindless killings in our country, we cannot be in continuous mode of bloodletting & mourning. Government needs to be alive to its primary responsibility of protection of lives and property. My heart goes to the victims of Barkin Ladi LGA of Plateau State https://t.co/x3f0UcHC2F

— Atiku Abubakar (@atiku) June 24, 2018

Famonoana tsy voahevitra eto amin'ny firenentsika, tsy afaka hijanona amin'ny fanohizana ny fandatsahan-drà sy ny fisaonana isika. Mila miarina amin'ny andraikiny voalohany amin'ny fiarovana ny aina sy ny fananana ny governemanta. Miray fo amin'ireo niharam-boina tao Barkin Ladi LGA ao amin'ny Fanjakana Plateau

Tamin'ny fanambarana an-gazety, nanatevin-daharana ny tabataba antserasera ny Amnesty International Nizeria:

The authorities have a responsibility to protect lives and properties, but they are clearly not doing enough going by what is happening. The latest incidence in Plateau state, where armed gunmen attacked 11 villages on 23 June for at least seven hours and killed at least 200 villagers without intervention from security forces should be investigated.

Manana andraikitra hiaro ny aina sy ny fananana ny manampahefana, saingy tsy ampy mazava ny fandraisan'izy ireo andraikitra manoloana ny zava-mitranga. Tokony atao fanadihadiana ny loza farany tao amin'ny fanjakana Plateau, izay nisy ireo jiolahy mitam-piadiana nanafika tanàna 11 tamin'ny 23 Jona nandritra ny adiny fito farafahakeliny ary nahafaty mponina 200 raha kely indrindra, tsy nisy ny fidiran'ny mpitandro filaminana an-tsehatra.

Tao amin'ny Twitter, nizara ny saritanin'ny famonoana ihany koa ny ONG:

Nigeria: Mapping the killings across Nigeria from January to June 27: #Nigeria#Borno#Benue#PlateauKillings#Zamfara#BirninGwari#Tarabapic.twitter.com/X8aw7J76TZ

— Amnesty Int. Nigeria (@AmnestyNigeria) June 28, 2018

Nizeria: Mandrakitra an-tsaritany ny famonoana nisy nanerana an'i Nizeria nanomboka tamin'ny Janoary ka hatramin'ny 27 Jiona

Taorian'ny fiampangana goavana ny fanafihana tamin'ny 23 Jona, nitsidika tao Jos ny Filoha Muhammadu Buhari mba haneho ny fiaraha-mioriny. Tao anatin'ny kabariny ho an'ireo olom-pirenena nidònam-pahoriana, nidera ny governemantany i Buhari noho ny fitantanana ny tsy fandriampahalemana ao amin'ny firenena, saingy nandrisika ny olom-pirenena mba hivavaka ho amin'ny fidiran'Andriamanitra an-tsehatra:

Nobody can say that we haven’t done well in terms of security, we have done our best, but the way this situation is now, we can only pray.

Tsy misy olona afaka milaza fa tsy nanao tsara teo amin'ny resaka fandriampahalemana isika, nanao izay tsara indrindra vitantsika isika, saingy manoloana ny toe-javatra misy ankehitriny, mivavaka no azontsika atao.

Vao maika nampiditra solika anaty afo ny fanamarihan'ny filoha, satria tsy manana izany ny olom-pirenena.

Pres Buhari @MBuhari went to Jos to tell the people who had just buried hundreds of their loved ones that were massacred that there is nothing he can do they should pray to God, yet he has lots of security protecting him. Why didn't he send his security to Jos & pray to God?

— Aisha Yesufu (@AishaYesufu) June 30, 2018

Nitsidika an'i Jos i Prez Buhari mba hilaza amin'ireo olona vao avy nandevina ny havany aman-tsakaizany an-jatony novonoina fa tsy misy azontsika atao fa tokony hivavaka amin'Andriamanitra izy ireo, na dia manana mpiambina marobe miaro azy aza izy. Maninona izy raha mandefa ny mpiambiny ho any Jos & hivavaka amin'Andriamanitra?

Noho ny fitomboan'ny fahasorenana ao amin'ny firenena, mitombo hatrany eo amin'ireo Nizeriana ny fitakiana ny fitantanana tsara sy ny fiarovana ny aina sy ny fananana. Ny fotoana ihany no hilaza hoe hihatsara ve ny zava-misy?