Tantara tamin'ny 23 Jona 2018
Mpanao diaben'ny fandriampahalemana avy ao Helmand mikasa hamadika ny pejin'ny tantaran'i Afghanistan
"Fotoam-pifaliana sy fanasitranana ho ahy sy neny ny nahita azy ireo."
Libanona: Tsy nahomby ny alin'ny tsy fifohana sigara
Ny “Ain't No Smoking 2nite” (ny alin'ny tsy fifohana sigara) dia hetsika nokarakarain'ny fikambanana Rotaract, natao tany amin'ireo toeram-pisotroana tao Gemmayze tany Beirota. Ity hetsika ity dia natao ho fanairana momba ny voka-dratsin'ny fifohana sigara sy mba handrisihana ny manampahefana amin'ny fampiroboroboana ny politikan'ny tsy fifohana sigara ao Libanona.
Jordania: Mamolavola lalàna mitaky ny tenimiafin'ireo tranonkala ny solombavambahoaka
Nodinihana sy novolavolain'ny parlemanta Jordaniana ny lalàna vaovao mifehy ny tranonkala elektronika izay mitaky amin'ireo mpitantana ny tranonkala mba hanome ny tenimiafin'ny tranonkalan'izy ireo any amin'ny Lehiben-draharaham-panjakana misahana ny Famoahana sy Fanontana pirinty. Raha toa ka mandà izany ny mpitantana, hoy ny volavolan-dalàna, dia hakaton'ireo manampahefana tompon'andraikitra ny tranonkala.
Amboaran'ny Konfederasiona: Noresen'i Ejipta i Italia, tompondaka manerantanin'ny football
Mbola niroso dingana mankany amin'ny manasa-dalan'ny Amboaran'ny Konfederasiona ihany i Ejipta taorian'ny fandresena Ejiptiana 1-0 manoloana an'i Italia, tompondaka manerantany. Taorian'ny lalao, maro ireo Ejiptiana nidina an-dalambe mampaneno ny anjomaran'ny fiara amin'ny sasakalina. Lasa feno fiara ny arabe izay nalalaka nandritra ny lalao.
Kosta Rikà: Nandao ny antoko politikany i Andrea Morales
Niteraka adihevitra i Andrea Morales, solombavambahoaka avy amin'ny Antokon'ny Hetsiky ny Olom-pirenena (PAC) raha niala tamin'ny antoko politikany izy, izay nisy azy nandritra ny taona maro lasa. Maro no mihevitra fa efa nampoizina ny fialàny, ary ny hafa kosa nahatsapa fa voatery nandray izany fanapahan-kevitra izany izy.
