Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Taridàlana Asongadina: Fitaovana ho an'ny Fisoloana vava Ara-piarahamonina

(Fanamarihana: lahatsoratra nivoaka tamin'ny May 2012)

Ivontoeram-pampianarana iray sady bilaogy ifarimbonana ny Socialbrite.org, natsangan'i Joseph Daniel Lasica tamin'ny 2009, izy izay mpanolotsaina amin'ny lafiny haino amanjerim-bahoaka, mpanao gazety anaty aterineto no sady bilaogera. Manampy sy manohana ireo fikambanana tsy mitady tombontsoa, ireo orinasa misahana ny vahoaka, ireo mpikatroka mafana fo izy io ary misarika ireo fikambanana mba hampiasa ny haino amanjerim-bahoaka hanatontosàna ny asan-dry zareo.

Ny sehatra Socialbrite dia ahitàna vondrompiarahamonina mianatra sy mizara miaraka aminà lahatsoratra maimaimpoana maherin'ny 1.000, torolàlana sy loharano hafa. Ho famaranana vao haingana ny Google Internet tao amin'ny fivorian'ny Liberty 2012, namorona sy namoaka fitaovana ahitàna taridàlana iraika ambiny folo momba ny fisoloana vava ara-piarahamonina sy ara-pôlitika ny Socialbrite.org. Kendrena ho “teboka fanombohana tsara ho an'ireo mpikatroka mafana fo, ireo mpiasa ho an'ny fanovàna sy ireo mpitolona ho an'ny fanavaozana ara-pôlitika izay te hitondra fanovàna tsara eo amin'ny fireneny, eo amin'ny vondrompiarahamonina misy azy sy eo amin'iza tontolo izao” ireo taridàlana ireo.

Tafiditra anatin'ireo taridàlana 11 fampahafantarana ny fiovàna ara-piarahamonina ireo ny paikady fanaovana hetsipanentanana mahomby, ny torolàlana ho an'ireo fitaovana fanarahamaso sy fandrefesana tsara indrindra, ny lisitra mikasika ireo sehatra ny fikambanana ary loharano hafa manome fahafahana hanatanteraka hetsipanentanana mahomby.

Sintony eto avokoa ireo taridàlana rehetra.

Inty ny fanolorana an-tsary avy amin'ilay atrikasa mitondra ny lohateny hoe “Haino Amanjerim-bahoaka: Paikady & fitaovana ho an'ireo hetsipanentanana fisoloana vava” anaty Aterineto tao anatin'ny fivorian'ny Liberty 2012:

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.