Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Goatemalà : Loharanonà Aingam-panahy Tamin'ilay Printsy Kely Ve i Antigoà ?

(Fanamarihana: lahatsoratra nivoaka tamin'ny Jolay 2008)

Sarin'ilay hazo Ceiba avy ao Suttonhoo, nampiasàna lisansa Creative Commons ny fampiasana azy

Ny tontolo tsara voatry ny firenena kely iray tahaka ny ao Goatemalà no isan'ny mampifoha ny famoronana. Ny fisian'ireo volkano 37 isa mivoaka avy ao ambanin'ny tany mandalo amin'ilay farihy malaza Atitlan, nahasarika mpanoratra maro io firenena io, babon'io toerana majika io. Mpitsidika toa an-dry Simone de Beauvoir, Louis Aragon, Pablo Neruda, Che Guevara ary na i Aldous Huxley koa aza dia nitoetra tao amin'io firenenan'ny hazo kapaoka sy raozy  io. Mpanoratra hafa iray koa, Antoine de Saint-Exupéry , fantatra kokoa tamin'ny fanoratany ilay Le Petit Prince (Ilay Printsy Kely),  mba nandalo tao Goatemalà tsy nahy, izay no mahatonga antsika hametraka izao fanontaniana manaraka izao: Ny tanànan'i Antigoà ao Goatemalà ve no loharanon'ny aingam-panahy tamin'ilay Astéroida B-612 ?

Bonjour Guate [amin'ny teny espaniola], blaogy iray natokana ho an'ny vondrom-piarahamonina frantsay, no mitantara amintsika ny fiantombohan'io tantara io.

 Antoine de Saint-Exupéry conoció Guatemala por accidente. Uno que destruyó su avión y lo dejó malherido.Antoine de Saint-Exupéry conoció Guatemala por accidente.

Nitoetra tao Goatemalà tsy nahy i Antoine de Saint-Exupéry taorian'ny nianjeràn'ny fiaramanidiny sy namparatra mafy azy.

Hoy ny Bonjour Guate  nanohy :

Han surgido teorías acerca de los lugares que inspiraron a De Saint-Exupéry a escribir El Principito: una de las suposiciones da cuenta de que el Asteroide B-612, la casa del Principito, es La Antigua Guatemala, donde el aviador se recuperó de los golpes de su percance aéreo

Betsaka ny teoria momba ireo toerana niaingan'ny aingam-panahin'i Saint-Exupéry Ilay Printsy Kely. Ny iray amin'izy ireo no maminavina fa i Antigoà no Asteroida B-612, planetan'ilay printsy kely, izay toerana nakàny aina taorian'ilay lozam-piaramanidina nahazo azy.

Enchiel, blaogera goatemalteka mpitia ny Ilay Printsy Kely, no nandalina ireo teoria nahatonga an'i Antigoà, tananàn'ny raozy, ho aingam-panahin'ilay mpanoratra [amin'ny teny Espaniola]

¿Presunción o no la de afirmar tal cosa? Quien sabe! Pero lo cierto es que hay detalles de su asteroide que coinciden con Antigua, ejemplo: el asteroide del principito tenía dos volcanes activos y uno inactivo. De todos los lugares a los que viajó Exupéry, ¿qué otro lugar sino sólo Antigua Guatemala tiene igualmente dos volcanes inactivos (el de Agua y Acatenango) y uno activo (el de Fuego)?

Mety ho tombatombana  fotsiny ve io? Iza no mahalala ? Ny azo antoka aloha dia ny hoe misy hifandraisany amin'ny Antigoà ny sasantsasany amin'ny fanoritsoritana ilay Asteroida , ohatra ny filazàna fa misy volkano roa matory ao amin'ilay Asteroida ary iray mbola miasa. Faritra aiza no notsidihan'i Saint-Exupéry, raha tsy ny tao Antigoà, izay ahitàna volkano roa matory (volkanon'i Agua sy Acatenango) ary volkano iray mbola miasa (ny volkanon'i Fuego) ?

Manana teoria iray hafa ilay blaogera Jorge Palmieri. Ny taona 1972, nihaona tamin'ny vady navelan'i Saint Exupéry izy, ilay Salvadaoriana Consuelo Suncin, izay nanamarina fa izy no ilay raozy be hambo tao amin’ Ilay Printsy Kely :

Consuelo era una mujercita sumamente coqueta y excesivamente generosa con sus amores. Sin embargo, a pesar de sus defectos humanos, es indiscutible su papel de musa que jugó para El Principito . Sus defensores argumentan que el volcán extingido del minúsculo asteroide es un guiño metafórico a El Salvador, país natal de su problemática consorte, donde pudo haber sido inspirado por el extinguido volcán Izalco para escribir sobre el volcán extinguido en el asteroide B 612 donde vivía El Principito y se dedicaba a cuidar a la rosa que era para él.

Vehivavy jejojejo izay i Consuelo ary tena tsara fanahy amin'ireo olona miaraka aminy. Na izany aza anefa, na eo aza ny kilemany amin'ny maha-olombelona azy, tsy misy afaka ny handà hoe tsy izy ilay aingam-panahin'ny mpanoratra ny ‘Ilay Printsy Kely’. Ny mpankafy azy kosa manohana ilay hevitra milaza fa pimaso ho an'i Salvadaoro, toerana niaviany ilay volkano ao amin'ilay Asteroida kely. Angamba izy naka aingam-panahy avy amin'ilay volkano efa maty Izalco (Any Salvadaoro) ho an'ilay Asteroida  B-612, ilay planeta ipetrahan'ilay printsy kely sy ikarakarany tsara ilay raozy.

Io angamba no mety ho teoria marina indrindra, satria indray andro nanambara i Saint-Exupéry hoe :« Mbola tadidiko foana ireo mason'ny vadiko. Tsy hahita zavatra hafa toy ireny maso ireny intsony aho. Mandinika lalina0 izy ireo. ».

Bilaogera goatemalteka iray monina sy miasa ao Afrika, Desde Kinshasha  [amin'ny teny Espaniola] no mitantara tantara fohy iray momba ny Baobab, ilay hazo malaza ao anatin'ilay boky, izay manam-pitoviana hafahafa amin'ny hazo kapaoka, hazo nasionalin'i Goatemala. Teny an-dalana hody, nalahelo mafy i Consuelo tsy mba nahita baobab kanefa nony farany, nahita iray ihany izy :

Volví la vista a la derecha y a la izquierda y reconocí varios más. En ese último día de mayo en Kinshasa me di cuenta que siempre habían estado ahí, que los baobabs eran ceibas, y que, finalmente, no estaba tan lejos de casa.

Nijery ankavanana aho avy eo ankavia ka dia nahita be dia be. Amin'izao faran'ny volana May aty Kinshasa izao, vao tonga saina aho fa hay efa teo foana ireo baobab ireo, ary hay hazo kapaoka ihany ry zareo, ary raha ny marina, tsy lavitra ny tranoko aho.

Nahita ny volkanontsika izy, nanimbolo ny raozintsika ary niaraka niaina tamin'ny mponina teto amintsika talohan'ny nanoratany ilay asan-tanany i Antoine de Saint-Exupéry, ilay frantsay mpanoratra malaza nanoratra ny ‘Ilay Printsy Kely’, ilay nilaza indray andro hoe : “Ny fo ihany no ahafahana mijery tsara; tsy hitan'ny maso ny tena tsy azo avela (ventiny) ». Nanavatsava ny lalamben'i Antigoà izy, naka vady vehivavy avy ao Amerika afovoany ary dia nandany ny fotoanany tamin'ny fanaovana sary nandritra ny fotoana naharariany. Avy eo nankany Amerika tamin'ny loha feno aingam-panahy. Ka na avy ao Goatemalà na tsia no niavian'ny aingam-panahiny, tsara fiafara ireo tranga sasany sy fihaonana kisendrasendra taminà olona tsy fantany, tahaka ity boky tazoniko eto an-tanako ity.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.