Maty nisy nitifitra tao Srinagar, renivohitra asara an'i Jammu sy Kashmir i Shujaat Bukhari, tonian'ny gazety Kashmirita mivoaka isan'andro miteny anglisy antsoina hoe Rising Kashmir, fahafatesana niteraka fahatairana nanerana ny faritra.

Nohodidinina ahiahiana ho vondrona mpitolona nitifitra taminy sy ny mpiambina azy manokana ny fiarakodiany. Maty vokatry ny ratra nahazo azy tany amin'ny hopitaly ny roa tamin'ny mpiambina azy manokana.

Journalist Shujaat Bukhari Attacked near Press Colony in Sringar.
His PSO is also critically injured pic.twitter.com/g6AsFuudyr

— Jyoti NS Pachnanda (@PachnandaJyoti) June 14, 2018

Mpanao gazety Shujaat Bukhari voatafika akaikin'ny Tobin-gazety ao Srinagar. Maratra mafy ihany koa ny mpiambina azy manokana.

After the attack on Shujaat Bukhari It's clear indication that nobody is safe in kashmir. The incident took place in the heart of city Lal Chowk. Shujaat Bukhari was probably leaving from his office when he was shot dead by Terrorists. Whosoever did this must be his close aide.

— Ibne Sina (@Ibne_Sena) June 14, 2018

Taorian'ny fanafihana an'i Shujaat Bukhari dia mazava fa tsy misy ny olona mahazo antoka ny fiarovana azy ao Kashmir. Nitranga tao afovoan-tanàna Lal Chowk ny toe-javatra. Angamba vao niala n biraony i Shujaat Bukhari raha voatifitry ny mpampihorohoro izy. Mety ho mpiasa eo ambany fahefany no nanao izao.

Not a single day passes without blood being spilled in #Kashmir. Go through Shujaat Bukhari’s work to know who must have been after his life. Everything is uncertain. One can be killed anywhere and anytime .

— Burhan Gilani (@Katar_Koshur) June 14, 2018

Tsy misy andro tsy andatsahan-drà ao Kashmir. Vakivakio anie ny asan'i Shujaat Bukhari ahafantaranao hoe iza no mifofo ny ainy. Tsy misy ny zavatra azo antoka. Na iza na iza mety hisy hamono na aiza na aiza na rahoviana na rahoviana.

Nilaza ny mpiara-miasa amin'i Bukhari fa vao nivoaka ny trano fiasany mihitsy izy rehefa nahavita ny asany isan'andro ary vao hamarana ny fifadian-kanina raha nitranga ny fanafihana.

Iray amin'ireo vitsy tony fihetsika saingy tsy mena-miteny ao Kashmir i Bukhari izay mijoro hisian'ny fifampiresahana eo amin'i India sy i Pakistan mba hamahana ny raharaha Kashmir.

Vakio ihany koa: Fifanandrinan'ny vahoaka Kashmirita sy ny fanjakana Indiana

Efa navitrika hatramin'ny taona 1989 ny fihetsiketsehana hitakiana ny fahaleovantena na ny Azadi sy ny fizakan-tena ara-politika ao amin'ny Lemak'i Kashmir ka tsy mitsahatra ny iparitahan'ny miaramila indiana hatrany i Jammu sy i Kashmir ka eo ambanin'ny sata toy ny Lalàm-pahefana manokan'ny tafika mitam-piadiana sy ny Lalànan'ny filaminam-bahoaka. Efa nametraka tamin'ny fomba ofisialy ny governemanta indiana fa heveriny ho ao anatin'i India tanteraka i Jammu sy i Kashmir iray manontolo.

Niasa ho an'ireo famoahana malaza ao amin'ny firenena sy iraisampirenena i Bukhari ary namoaka lahatsoratra tena mandona, tsy menatra na oviana na oviana maka fijoroana tsy tiam-bahoaka. Solontena manokan'ny gazety The Hindu izy nanomboka ny taona 1997 ka hatramin'ny taona 2012 ary mbola manohy manoratra ho an'ny gazetiboky Frontline.

Naneho ny hatairany ny Klioban-gazety ao India ary ankona tamin'ny zava-nitranga tao amin'ny lemak'i Kashmir.

Namoaka fanambaràna ny Fikambanan'ny tonian'i India:

The Editors Guild of India unequivocally condemns the assassination of Rising Kashmir Editor Shujaat Bukhari. This is a grave attack on press freedom and democratic voices. We will be issuing a more detailed statement soon

— Editors Guild of India (@IndEditorsGuild) June 14, 2018

Melohin'ny Fikambanan'ny tonian-gazety tsy am-pisalasalàna ny famonoana an'i Shujaat Bukhari, tonian'ny Rising Kashmir. Fanafihana henjana amin'ny fahalalahan-gazety sy ny feo demaokratika izao. Mbola hamoaka fanambaràna amin'ny antsipiriany tsy ho ela izahay.

Nieli-patrana tao amin'ny media sosialy ny fiaraha-miory:

Nisioka i Siddharth Varadarajan, tonian'ny vavahadim-baovao Wire:

Shujaat Bukhari and I were colleagues at The Hindu. He was a formidable reporter, and, as editor of Rising Kashmir, a powerful voice for the embattled media fraternity, a true voice of sanity and reason. No words of condemnation are enough for the scum who have assassinated him.

— Siddharth (@svaradarajan) June 14, 2018

Efa niara-niasa tao amin'ny The Hindu izaho sy i Shujaat Bukhari. Mpanangom-baovao nahavitabe tokoa izy, ary, tamin'ny maha-tonian'i Rising Kashmir azy, feo matanjaka ho amin'ny firahalahian'ny famoaham-baovao mifanandrina, tena feon'ny fahaiza-misaina sy ny hevitra tokoa. Tsy misy teny ampy hanamelohana ireo mpisoloky namono azy.

Nisioka i Marvi Sirmed, Mpikambana ao amin'ny vaomiera mpanatanteraka, Vaomieran'ny zon'olomelona ao Pakistan (HRCP) sady solontena manokan'ny Daily Times Pakistan:

Shujaat Bukhari was a voice of reason in Kashmir. Brilliant journalist who pandered to no extremes. He did his job honorably till his last breath & paid the price of being upright. Objectively reported human rights violations at the hands of Indian forces & extremists in Kashmir.

— Marvi Sirmed मार्वि ماروی (@marvisirmed) June 14, 2018

Feon'ny fisainana tao Kasmir i Shujaat Bukhari. Mpanao gazety mamirapiratra nanoka-tena tsy hiditra amin'ny hiringiriny (na avy aiza na avy aiza). Nanao ny asany tamim-pahamendrehana mandra-pialan'ny fofonainy farany izy ary nandoa ny vidin'ny fijoroana tsy azo hozongozonina. Nitatitra tsy tamim-pitongilanana ny fanitsakitsahana ny zon'olombelona nataon'ny vondro-tafika indiana sy ireo mahery fihetsika ao Kasmir.

Tsy vao izao i Bukhari no lasibatra.

Tamin'ny 8 jolay 1996, nisy vondrona mpampihorohoro naka mpanao gazety tao an-toerana miisa 19 an-keriny tao amin'ny distrikan'i Anantnag ary nanao takalon'aina azy ireo tao anatin'ny fito ora farafahakeliny. Iray tamin'ireo nalaina an-keriny ireo i Bukhari.

Efa nomena fiarovan'ny polisyihany koa izy taorian'ny nanafihana azy tamin'ny taona 2000.

Nisioka i Shehla Rashid mpianatra politisiana:

Even in a senseless place like Kashmir, the assassination of Mr. Shujaat Bukhari doesn't make sense. Everyone in the state is asking one question: “Why would anyone want him dead?”

Except the govt which seems to have reached a conclusion

Appeal to @MehboobaMufti to ensure probe

— Shehla Rashid (@Shehla_Rashid) June 14, 2018

Na dia amin'ny toerana tsimifaditrovana tahaka an'i Kashmir aza, dia tsy misy fanjohin-kevitra mihitsy ny famonoana an'i Shujaat Bukhari ho faty. Manam-panontaniana iray ny rehetra ao amin'ny fanjakana: “Nahoana no misy mitady azy ho faty?”

Ankoatra ny govt izy hita ho efa nahavita fehin-kevitra

Antso ho an'i @MehboobaMufti hiantoka ny fanadihadiana

Nisioka i Omar Abdullah, Filohan'ny minisitra indiana mitantana an'i Jammu sy Kashmir teo aloha:

The show must go on. As Shujaat would have wanted it to. This is today’s @RisingKashmir issue. That Shujaat’s colleagues were able to bring out the paper in the face of insurmountable grief is a testament to their professionalism & the most fitting tribute to their late boss. pic.twitter.com/ADP70D4F1q

— Omar Abdullah (@OmarAbdullah) June 14, 2018

Tsy maintsy mitohy ny sehatra. Araka izay efa notadiavin'i Shujaat. Ity no raharaha Rising Kashmir anio. Fa afa-mamoaka ny gazety ny mpiara-miasa amin'i Shujaat manoloana ny alahelo tsy hay ihoarana no vavolombelon'ny fahaizan-dry zareo miasa sy ny fanomezam-boninahitra mendrika indrindra ho an'ny lehiben-dry zareo lasana farany.

Araka ny lazain'ny Mpanangom-Baovao Tsy Voasakan-Tsisitany, afa-nandositra fikasana hamono nataon'olona mitam-piadiana i Shujaat Bukhari tamin'ny jona 2006. Nolazain'i Shujaat Bukhari tamin'ny Mpanangom-Baovao Tsy Voasakan-Tsisitany (RSF) fa “Tsy azo fantarina mihitsy ara-virtoaly izay fahavalontsika sy izay namantsika”

Na eo aza izany, tsy afa-mampangina ny peniny ny basy.