Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

“Mitady ny fitovian-jo izahay, fa mikendry ihany koa hahatratra ny fitovian-tantana.”

Ny Tetikasa Reframed Stories dia mangataka amin'ny olona mba hamaly ireo lohahevitra manjaka amin'ny fitantaram-baovao miresaka ny vondrom-piarahamonina misy azy. Ireny tantara ireny dia eritreritry ny olona izay matetika isoloan'ny hafa tena ao amin'ny media. Noforonina ny zavon-teny amin'ny fampiasana ny sehatra Media Cloud, fitaovana fanadihadiana tahiry izay manadihady ny angona media amin'ny fotoana iray manokana, ahafahan'ny mpandray anjara mandinika sy mifanakalo hevitra ny santatry ny fijery amin'izay anehoana azy ireo ao amin'ny fampitam-baovao. Mitandrina tsara ny tetikasa mba tsy hanao fehinkevitra maimaika momba ny lahatahiry, fa io no fiaingana miteraka sehatra hifanakalozan-kevitra amin'izay azon-dry zareo atao hamolavolana ny fampitam-baovaon-dry zareo manokana amin'ny alàlan'ny media nomerika.

I Dayana Zamorano dia mpianatra ao amin'ny Universidad Luis Vargas Torres ao Esmeraldas, Ekoadaoro. Ny manaraka etoana dia dika an-tsoratry ny lahatsary fanadihadian'i Dayana amin'ny zavontenin'ny voambolana “feminismo” (feminisma).

Ireo voambolana mibahan-toerana avy amin'ny lahatsoratra miisa 112 nivoaka tanelanelan'ny Janoary 2017 sy Avrily 2018 manonona ny “Feminismo” tao anatin'ny angona Media Cloud roa avy ao amin'ny sehatra famoaham-baovao miteny espaniola ao Ekoadaoro. (jereo lehibe kokoa ny sary)

Inona ny zavon-teny nahasarika anao indrindra?

En este taller escogí la palabra ‘feminismo’, Bueno no es tanto que escogí la palabra feminism. Escogí la palabra ‘feminismo negro’, me tocó la de ‘feminismo’ porque al buscar en la nube de palabras, no había absolutamente nada a nivel local ni nacional sobre el feminismo negro.

Nisafidy ny hiasa amin'ny voambolana “feminisma” aho tao amin'ny atrikasa. Ny tena marina, tsy maintsy niasa tao amin'io voambolana io aho satria te-hamakafaka ny voambolana “feminisma mainty” tamin'ny voalohany, saingy mety ho tsy nahita na inona na inona mihitsy isika momba ilay lohahevitra teo amin'ny sehatra tao ifotony na sehatra nasionaly rehefa nanao io karoka io isika.

Araka ny zavon-teny, ahoana ny fomba nanehoana ny “feminisma” ao amin'ny fampitam-baovao? 

(En la nube de palabras salieron términos) como ‘igualdad’, ‘hombres’ y ‘mujeres’, Lo que más me llamó la atención es que saliera la palabra hombres. No le encuentro mucho sentido a que salga la palabra ‘hombres’, o más bien lo ideal sería que existieran más hombres que estén apoyando al feminismo.

(Hita miaraka amin'ilay teny ny voambolana) toy ny fitovian-jo, lehilahy sy vehivavy. Ny tena nanintona ahy indrindra dia ny nahitana ny voambolana “lehilahy” tao. Tsy nihevitra aho fa misy heviny ny nahitana ny voambolana “lehilahy” (tao amin'io zavonteny io), na, mihevitra aho fa ho idealy raha betsaka kokoa ny lehilahy hanohana tokoa ny feminisma.

Ahoana no tokony itazanana ny feminisma ao amin'ny famoaham-baovao?

Creo que debía haber estado la palabra ‘equidad’, que creo que es lo que representa un poco más (al feminismo). Cuando busqué y salió igualdad. Buscamos la igualdad, sí, pero más bien sería una equidad.

Tiako ny hahitana ny voambolana “fitovian-tantana”, araka ny eritreritro, ho tazana kokoa amin'ny voambolana feminisma. Rehefa nanao ny karoka aho (tao amin'ny Media Cloud), hita avy eo ny fitovian-jo, ary marina fa nitady ny fitovian-jo isika, saingy mikendry ihany koa ny fitovian-tantana izahay.

Inona avy ireo teny tokony hananan'ny zavon-teny hoe ‘feminisma'? 

Sobre todo a nivel local, (quisiera) que salga ‘feminismo negro’, ‘ ‘empoderamiento’ u ‘poder’.

Eo amin'ny sehatra eo an-toerana indrindra indrindra, tiako ny hahitana ny voambolana “feminisma mainty”, ary eo ihany koa “fanomezam-bahana” sy ny “fahefana”.

Ao anatin'ny andiany Rising Frames izay narafitra tao anaty fiaraha-miasa akaiky tamin'ny fikambanana El Churo any Quito, Ekoadaoro ny lahatsoratra. Nikarakara atrikasa tao Esmeraldas, Ekoadaoro ry zareo tamin'ny 4 mey 2018 ary namory solontena avy amin'ny fikambanana sy vondrona samihafa mba handinihany ny fomba itazanana an-dry zareo na ny lohahevitra mifanaraka amin'izany ao amin'ny angona media Ekoadaoreana sy ny famoronana tantara ho setrin'izany.

Nanatrika tamin'ny fandikana an-tsoratra sy ny dikanteny izay nahitsy hazava sy ho fohy i Mónica Bonilla sy i Belén Febres-Cordero.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.