Hatramin'ny 27 May, nameno ny tranonkala tamin'ny vazivazy sy sary sy soratra ireo mpampiasa Twitter Arzantina ho setrin'ny tolo-kevitra vao haingana avy amin'ny Filoha Mauricio Macri momba ny fomba hiatrehan'ny Arzantiniana amin'ny fitomboan'ny faktioran'ny herinaratra sy ny gazy.

Nolazaina nandritra ny kabary ho an'ny firenena ny “toro-hevitr'i” Macri izay nanamarinany ny fanapahan-keviny hihazona ny fiakaram-bidy ao amin'ny renivohitra sy ny faritra manodidina – ireo faritra be mponina indrindra ao Arzantina – izay niakatra 58% ny faktioran'ny gazy ary 67% ny herinaratra.

Nilaza izy fa azon'ireo Arzantina ampiasaina ny jiro LED mitsitsy, ferana ny fampiasan'izy ireo fatana mandeha gazy sy ny mandro vetivety mba hitsitsiana vola kokoa. Nalaza kokoa noho ny kabariny ireo soso-kevitra ireo ary hampidirina amin'ny hetsika fanentanana, araka ny filazan'ny filoha.

Niteraka vazivazy mahavariana marobe ny soso-kevitr'i Macri, ka mahatonga ny tenirohy #MacriTips ho lohahevitra malaza tao amin'ny Twitter Arzantina.

“si cada uno junta todos los cachitos de jabón que van sobrando y los pega entre sí, se puede ahorrar hasta un jabón por mes” #MacriTips pic.twitter.com/ggo3I0yD4Q

— hopeful monster (@alesitoide) May 28, 2018

“Raha manangona ny ambiny kely tamin'ny savony ny tsirairay ary manambatra azy ireo, afaka mitsitsy savony isam-bolana ianao” #MacriTips

El papel higiénico se puede usar de los dos lados #MacriTips

— Vladimir Putazo ✘ (@soyCMok) May 28, 2018

Afaka mampiasa ny lafiny roa amin'ny taratasy fifirana ianao #MacriTips

Podes comprar un hueso para caldo entre 3 vecinos y sortear el orden de uso. #MacriTips

— Bestiario (@Bestiario123) May 28, 2018

Afaka mividy taolana hanaovana ron-kena mangotraka ianao sy ny mpiray vodirindrina telo aminao ary avy eo mifandimby mampiasa izany

#MacriTips#Machirulopic.twitter.com/hHtC77V8Pv

— Turko Ryan ✌ (@turco_ryan) May 29, 2018

Sary: Raha ataonao ivelany ny akanjo manifinao, dia afaka manao izany mandritra ny herinandro ianao. Mitsitsia azafady!

Si pasas por un McDonald's usá el baño y llévate servilletas. Te ahorras la descarga del inodoro en casa y comprar Carilinas. #MacriTipspic.twitter.com/i0FZQsiyYq

— Mariano Saleh (@duroms) May 28, 2018

Raha mandalo ao McDonald ianao, dia mandehana ao amin'ny efitra fandroana ary mitondrà servieta mody. Afaka mitsitsy ianao any an-trano sy nividy Carilinas [marika malaza amin'ny lamba fidiovana].

#MacriTips si mientras te bañas aprovechas y lavas las verduras para la ensalada, no solo ahorras tiempo sino también agua. pic.twitter.com/2LUoWwleZ3

— Deselby (@deselby_) May 28, 2018

Rehefa manasa salady ianao no sady mandro, dia tsy vitany hoe mitsitsy fotoana, fa mitsitsy rano ihany koa  #MacriTips.

Con un charmander se podrá ahorrar hasta un 37% de gas #MacriTipspic.twitter.com/uwIztj3Omk

— Tomás (@saiyajindelsur) May 28, 2018

Miaraka amin'ny charmander, afaka mitsitsy hatramin'ny 37% ny gazy ianao! #MacriTips

Ny fiafaran'ny vanim-potoana iray

Zava-dehibe ny manamarika fa efa ho 20 taona izay ny Arzantiniana no nividy ireo tolotra sy entana fototra ilaina andavan'andro amin'ny vidiny ambany kokoa noho ny vidiny tena izy, izany dia noho ny rafitra fanampiana ara-bola.

Tamin'ny Janoary 2016, fotoana fohy taorian'ny fakàna fahefana, nametraka ny fiakaran'ny faktioran'ny herinaratra voalohany tamin'ny fomba ofisialy i Macri rehefa nampiato ny fanampiana ara-bola, saingy nihazona ny sasany tamin'ireo tolotra ho maimaim-poana ho an'ny fianakaviana sahirana. Fiakarana hafa ny fitateram-bahoaka sy ny etona natoraly, ary mbola niakatra indray ny faktioran'ny herinaratra sy ny gazy tamin'ny Desambra 2017.   

Ho valin'izany, tamin'ny Martsa 2018, nampahafantatra volavolan-dalàna hampidina ny vidin'ny herinaratra, ny rano sy ny etona voajanahary tamin'ny vidiny tamin'ny Novambra 2017 ireo solontenan'ny antoko mpanohitra. Manolotra fandraràna amin'ny fiakaram-bidy vaovao rehetra mandritra ny taona sy izay fanapahana tolotra noho tsy fisian'ny fandoavam-bola ny volavolan-dalàna.

Nilaza ny filoha Macri fa ho “mandratra” ny volavolan-dalàna ary “hampino antsika izany fa misy ny vahaolana mahagaga, fa azontsika ampidininina daholo ny taha rehetra.”

Nony farany, nankatoavin'ny Senà ny volavolan-dalàna, saingy notsipahan'ny filoha.

Mandritra izany, manohy manao vazivazy sy mizara sary sy soratra ny Arzantina, fialam-boly avy amin'ny tebiteby tsy azo ihodivirana ho an'izay mety ho toetry ny tetibolan'ny tokantranon'izy ireo.

Si cambiás los libros tradicionales por libros en braile no necesitás la luz para leer de noche. #MacriTips

— lisandroarbilla (@LisandroArbilla) May 29, 2018

Raha manakalo boky mahazatra amin'ny boky natao hoan'ny jamba ianao, dia tsy mila hazavana rehefa mamaky izany anaty aizina.