Ny Tetikasa Reframed Stories dia mangataka amin'ny olona mba hamaly ireo lohahevitra manjaka amin'ny fitantaram-baovao miresaka ny vondrom-piarahamonina misy azy. Ireny tantara ireny dia eritreritry ny olona izay matetika isoloan'ny hafa tena. Noforonina ny  sehatra Media Cloud, fitaovana fanadihadiana lahatahiry izay manadihady angona fampahalalam-baovao amin'ny fotoana iray manokana, ka ahafahan'ny mpandray anjara mandinika sy mifanakalo hevitra momba ny fijery voalohany amin'izay anehoana azy ireo ao amin'ny fampitam-baovao. Mitandrina tsara ny tetikasa mba tsy hanao fehinkevitra maimaika momba ny lahatahiry, fa io no fiaingana miteraka sehatra hifanakalozan-kevitra amin'izay azon-dry zareo atao hamolavolana ny fampitam-baovaon-dry zareo manokana amin'ny alàlan'ny media nomerika.

Daniel Benalcázar dia mpikambana ao amin'ny Vahoaka Kichwa any Sarayaku ao amin'ny Faritra Amazoniana ao Ekoadaoro, ary nitolona hatry ny ela teo amin'ny sehatra nasionaly sy iraisam-pirenena mba hampitsahatra ny tetikasa fitrandrahana harena an-kibon'ny tany ao amin'ny faritanin'izy ireo. Ity manaraka ity ny dika antsoratra tamin'ny lahatsarin'ny fanehoan-kevitr'i Daniel momba ny zavon-teny ho an'ny voambolana “Sarayaku“.

Ireo voambolana manjaka avy amin'ny lahatsoratra miisa 97 nivoaka tanelanelan'ny volana Janoary 2017 ka hatramin'ny volana Aprily 2018 hita nanonona “Sarayaku” ao anatin'ny angona Media Cloud amin'ny sehatra fampitam-baovao miteny Espaniola ao Ekoadoro. (jereo amin'ny sary lehibe kokoa)

Yo escogí esta nube de palabras de la palabra “Sarayaku” porque es un pueblo guerrero que está conformado por ancianos, adultos, jóvenes niñas y niños. Además, por ríos, árboles y espíritus que también lo conforman.

Yo quiero que en esta nube de palabras aparezca cómo los jóvenes participaron en esta lucha histórica de Sarayaku. Además, también quiero que aparezca la palabra “educación” porque en Sarayaku no tenemos una educación de calidad como en las ciudades.

Nisafidy ity zavon-teny amin'ny voambolana “Sarayaku” ity aho satria vondrom-piarahamonina mpiady izy, izay ahitana ireo olona efa antitra, olon-dehibe, tanora, tovovavy sy tovolahy, ary koa renirano, hazo ary fanahy.

Nisafidy ity zavon-teny ity aho mba hampiseho ny fandraisan'ny tanora anjara tamin'ny tolona ara-tantaran'i Sarayaku. Te hampiditra ny voambolana “fanabeazana” ihany koa aho satria tsy mahazo fampianarana mitovy, tahaka ny iray ao amin'ireo tanàn-dehibe izahay ao Sarayaku.

Ity dia ao anatin'ny andiana Rising Frames norafetina tao anatin'ny atrikasa nokarakarain'ny Departemantan'ny Fifandraisana ao Sarayaku  tamin'ny 17 Mey 2018 izay nampiray ireo tanora ao amin'ny vondrom-piarahamonina mba hanadihady ny fomba isehoan-dry zareo na ny lohahevitra tandrovin-dry zareo ao amin'ny angona media Ekoadaoreana. Taorian'ny adihevitra, namorona tantara izy ireo ho setrin'izany fisehoana izany. Iray amin'ireo mpandrindra ny atrikasa i José Santí, izay nandray anjara voalohany tamin'ny Tetikasa Reframed Stories ary nanoratra ny tantarany manokana [mg] momba ny fanehoana an'i Sarayaku.