“Tianay ho Voahaja Ihany Koa ny Zonay.”

Angatahan'ny Tetikasa Reframed Stories ny olona mba hamaly ireo lohahevitra sy olana mibahan-toerana mitranga anatin'ny fitantaràna ny vaovao momba ny vondrom-piarahamonina misy azy ireo. Ireny tantara ireny dia fitaratry ny zavatra eritreretin'ireo olona izay matetika no ny hafa no misolo tena azy ireo eny anaty fampahalalambaovao. Nisy vondron-teny noforonina tamin'ny fampiasàna ny Media Cloud platform, fitaovana iray fandalinana angondrakitra mandalina ireo lahatahiry avy aminà famoahambaovao mandritra ny vanim-potoana iray voafaritra, ahafahan'ireo mpandray anjara manadihady sy miresaka ny fomba fijeriny voalohany momba izay mety hisoloana tena azy ireo eny anaty media. Tsy mahamaika ilay tetikasa ny hanao fanambaràna maimaika momba ny angondrakitra, fa ho solony, dia ho teboka fanombohana habaka iray hisian'ny adihevitra momba ny hahafahan'izy ireo mandrafitra fahatazànana azy manokana amin'ny alàlan'ny media nomerika.

Fernanda Gualinga dia avy amin'ny Vahoaka Kichwa Peoples ao Sarayaku amin'ny faritra Amazoniana any Ekoatora, ary efa ela niadiana tamin'ny sehatra nasionaly sy iraisampirenena mba hampiatoana ireo tetikasa fitrandrahana ao amin'ny tanin'izy ireo. Fandikàna ho soratra ilay lahatsary fandalinana nataon'i Fernanda avy amin'ireo zavontenin'ny hoe “Selva Viviente”  (Ala Velona) ity atolotra manaraka ity, izay fomba fiaina iarahana miaina amin'ny natiora. Anatin'ilay zavonteny, ny teny hoe “derechos” (zo) no nahasarika ny sain'i Fernanda.

Teny mibahan-toerana avy aminà lahatsoratra miisa 11 navoaka teo anelanelan'ny Janoary 2017 sy Aprily 2018 milaza ny “Selva Viviente” (Ala Velona) tanaty lahatahiry 3-n'ny media ao Ekoatora, famoahambaovao amin'ny teny espaniola. (raha hanalehibe kokoa ny sary)

He escogido la palabra ‘derecho’. ¿Por qué? Porque nuestros derechos, los de las mujeres han sido violentado por por las grandes empresas transnacionales. Me refiero a las empresas petroleras, mineras y madereras.

Lo que yo quiero que aparezca en estas nubes de palabras son ‘joven,’ ‘mujer,’ y ‘indígena’. También que nos respeten nuestros derechos.

Nofidiako ny teny hoe ‘Zo’. Nahoana? Satria ny zonay, indrindra fa ny an'ireo vehivavy, dia noviravirain'ireo vondron'orinasa goavana maro rantsana erantany. Tondroiko amin'izany ireo orinasa mpitrandraka solika, orinasa mpitrandraka harena ankibon'ny tany ary ireo orinasa mpitrandraka ala.

Ny tiako mba ho hita ao anatin'ireny zavonteny ireny dia ny teny hoe ‘tanora’, ‘vehivavy’ ary ‘indizeny’ (zavimba teratany). Tianay ho voahaja ihany koa ny zonay.

Ity dia ampahany amin'ny andian-dahatsoratra Rising Frames novolavolaina ho ampahany anatin'ny atrikasa nokarakarain'ny Departemanta misahana ny Fifandraisana ao Sarayaku tamin'ny 17 May 2018 izay namondrona ireo tanora mpikambana avy amin'ny vondrom-piarahamonina mba handinika ny fomba hahatazànana azy ireo, na ny olana mampiasa loha azy, eny anaty fampahalalambaovao Ekoatoriàna. Taorian'ilay adihevitra, namorona tantara izy ireo ho setrin'izay fisoloantena izay. Iray tamin'ireo mpandrindra ilay atrikasa, José Santí efa nandray anjara tany ampiandohana tao anatin'ny Tetikasa Reframed Stories ary nanoratra ny tantara manokana avy aminy momba ny fahatazànana ny Sarayaku.

Nanotrona tamin'ny famadihana ho soratra sy ny dikanteny i Mónica Bonilla, izay namboarina noho ny antony fanazavana sy halavana..

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.